جرب ودوق مع رغد

31/03/2025

كل عام وانتوا بخير
رمضان مر بسرعة ونشالله بكون قدرت ساعدكم بوصفاتي ❤️

يارب السنة الجاية تكون سنة خير عسوريا كلها

كتير بتفرحوني لما بتبعتولي شغلكم وتطبيقكم لوصفاتي

الله يسلم أيديكم يا مبدعات ✨

تركولي صور بالوصفات اللي جربتوها

27/03/2025

صور من تجارب عيلتي الحلوة للمعمول والحلويات الغربية😍😍
حطولي كمان صور تطبيق وصفاتكن بالتعليقات او بعتولي خاص اني انشرهن،بفتخر بتجاربكن وثقتكن ،وبنبسط كتير بتعليقاتكن ❤️❤️❤️😘😘

23/03/2025

كيكة الترند (الهبة) بالتفصيل😍
جربتوها؟؟ و شو رأيكن فيها؟🤔🤔
وشوفو رأيي فيها👇🏻

17/03/2025

فتة الحمص (التسقية) على طريقتي ،شو بتعتبروها وجبة رئيسية ولا مقبلات؟؟

12/03/2025

أسهل طريقة لمكمورة الأردنية لازم الكل يجربها بدون استثناء 😍

05/03/2025

كل الشكر لأهلنا بالأردن عهالاختراع العظيم المكمور الأردني

من وقت ما تعلمتا وكل ما بعملها اي حدا بدوقها بيطير عقلو فيها وبياخد مني طريقتا ليجربا من كتر مو مميزة وطيبة

وهلق حبيت شارككن طريقتا بالتفصيل عقناتي عاليوتيوب ححطلكن الرابط بالتعليقات

الوصفة عبارة فقط عن بصل وجاج وطحين يعني سهلة التطبيق كتير ومشبعة ومناسبة لوجبة رئيسية عالفطور بجنبا سلطة وشوربة

سمعانين عنها من قبل او مجربينها ؟.

03/03/2025

بتعرفوها هالوصفة أو مجربينا من قبل ؟
كتيير مناسبة للسحور مفيدة وبتعطي طاقة للصيام

خبروني بالتعليقات

وع فكرة مشهورين فيها أهلنا بالمحافظات الشرقية والعراق 😍

رح احكيلكم عنها بفيديو بكرا 😌

02/03/2025

ما هو السميد الاكثر استخداما ونستطيع استخدامه بكل شيئ؟؟

25/02/2025

اطيب سلطة سيزر بالعالم على طريقتي الخاصة 😍 #

22/02/2025

احفظوها لرمضان ،شرحات مطفاية اسرع منها ما في والطعم خياال😍😍

20/02/2025

جربتوا تعملو سلطة الفواكه بالبيت من قبل !؟

تركولي بالتعليقات طريقتكم وازا مصورين النتيجة

حطولي صور😍

بالبيت أطيب وأوفر وأبرك بمليون مرة من اللي برا

مين معي بهالحكي؟؟😋😋

ساويتلكم عطريقتي ٣ طرق للدريسينغ (صوص او سيروب)😍

و ببدائل مناسبة لكلشي يمكن ما يتوفر عندكم لحتى يكون مناسب للكل 🤩
رح حطلكن رابط الفيديو بالتعليقات

18/02/2025

من مبارح وأنا عم تصلني كتير تاغات عالبوست

كل الشكر لكاتب البوست وللمنصة على دعمهم وعلى كلامهم اللطيف

ولمحبة متابعيني والعالم اللي بتعرفني ومعي من أول فيديو بلشت فيه

قرأت تعليقاتكم تعليق تعليق

ما بقدر خبي عليكم فرحتي ومفاجأتي فيه
وكمية الطاقة اللي صارت عندي لكمل 🙏🏻

محبتكم وثقتكم هي اللي وصلتني لهون وخلتني بكل مرة فكر وقف ارجع كمل وبقوة

شكراً لدعمكم بكل لحظة
شكراً لثقتكم 🙏🏻🥹

.. شيف وصانعة محتوى تخصصي في مجال الطبخ.

📌نجحت الشيف رغد كزوجة وأم لثلاثة أطفال في إدارة محتواها على ثلاث منصات فيسبوك وانستغرام ويوتيوب..

📌دخلت عالم صناعة المحتوى منذ 5 سنوات وحصلت على ثقة المتابعين من خلال الدقة في وصفاتها وشفافيتها في تقديم محتواها.

📌حصلت على دعم زوجها المادي والمعنوي، حيث ترى أن دعم الزوج في أي مشروع يخص زوجته أساس لنجاحها.

📌درست الشيف رغد الأدب الفرنسي ومع ذلك حبها وشغفها بالطبخ جعلها تفكر بصناعة المحتوى كمشروع لها، حيث حققت خلاله ملايين المشاهدات وحققت الأرباح على فيسبوك بعد صبر سنوات..

📌الشيف رغد سليمان مثال يقتدى به لكل شابة لديها طموح ومشروع ما، بأنها تستطيع جمع الزواج والأمومة والعمل بامرأة واحدة شرط وجود محيط داعم بلا عوائق..

#سوريون

13/02/2025

سلطة الفواكه بالبيت غيير ، بتلت انواع سيروب ،جربوها على طريقتي بتشهي😋😋

12/02/2025

ساويها عأيدك أطيب وفيها مشاعر صادقة أكتر 😌♥️
اسما الكيكة كيكة المخمل الأحمر أو ريد فيلفيت❤️🎂
تشجعتي تجربيها ؟
فيكي تعمليها بدون قمع أو قوالب
شرحتلك طريقتها خطوة بخطوة من الصفر وحتى لو أول مرة بتجربي تساوي كيك 😌

✨ **المكونات:**
🔸 **الكيكة:**
🥚 3 حبات بيض كبيرة
🍚 كوب إلا ربع سكر (150غ)
🧈 كوب إلا ربع زبدة لينة (180غ تقريبًا)
🥄 2 ملعقة نشا (20غ)
🍫 2 ملعقة كاكاو (20غ)
🌾 2.5 كوب طحين (312غ)
🥄 1 ملعقة صغيرة بيكنج بودر
🥄 1 ملعقة صغيرة كربونة
🥄 3 ملاعق زيت (45مل)
🌿 فانيليا
🥛 1 كوب حليب دافئ (250مل)
🥄 1 ملعقة كبيرة خل أبيض
🔴 نصف ملعقة صغيرة ملون أحمر

🍰 **الكريمة:**
🧈 1.5 كوب زبدة (300غ تقريبًا)
🧀 1.25 كوب جبنة كريمية (250غ تقريبًا/ كوب وربع )
🌿 فانيليا
🍚 1.5 كوب سكر بودرة منخول (150غ تقريبًا)

🎥 الطريقة بالتفصيل على يوتيوب وفيسبوك : جرب ودوق مع رغد 🤩

#كيك