29/07/2025
إلى فيروز…
ما بعرف إذا بتوصلك الكلمة،
بس قلبي كان معك…
وأنا عم شوفك قاعدة بالعزا، ساكتة، شامخة، والدمعة مخبّاية،
قلت بيني وبين حالي: كيف بيودّع القلب قلبه؟
كبرت ع صوتك، وصوتك ربّاني.
صرت أعرف الدنيا من نبرة صوتك،
أطمنّ من صباحك، وأتخبّى بآخر الليل بأغانيك.
زياد مش بس ابنك، هو قطعة من أرواحنا نحنا كمان،
وإنتِ… إنتِ أمّ الكل.
قويّة بوجعك، سامعة الكل، وساكتة.
كل الحب إلك،
وكل الشكر ما بيكفيك.
— بنت بتحبك من بعيد،
كل يوم.
⸻
