MDR Serbja

17/12/2025

Hody so bliža a tak su so mjeztym tež wšitke koparske cyłki we wokolinje do zymskeje přestawki podali. Minjenu njedźelu bě prěnje mustwo SJ Chrósćicy jako posledni serbski cyłk hišće raz w dypkowej hrě za bulom honiło - na kóncu tež wuspěšnje: su so z 3:0 přećiwo Ramnowej přesadźili. A to bě we wěstej měrje wosebita hra, dokelž njebě dołho jasne, hač a hdźe so scyła hraje. Feliks Cyž informuje:

Mjeztym su so wšitke koparske cyłki we wokolinje do zymskeje přestawki podali. Minjenu njedźelu bě 1. mustwo SJ Chrósćicy jako posledni serbski cyłk hišće raz w dypkowej hrě za bulom honiło.

17/12/2025

Dźensa za tydźen je patoržica. Po tym prěni a druhi dźeń Hód - to drje so mnozy nimo na darik tež na něšto słódneho k wobjedu wjesela. Štoha syda pola was doma abo pola přiwuznych - z kotrymi kulinariskimi chłóšćenkami zawjeselećice wy wašich swójbnych? Stefan Šmit je so raz naprašował.

Za tydźen su hody. Patoržica, prěni a druhi swjaty dźeń - to so wšitcy njewjesela jenož přez dariki - ale tež přez słódnu jědź. Tola što syda hody pola nas w Serbach?

16/12/2025

Adwentne wiki tež w Serbach

16/12/2025

Serbscy wohnjowi wobornicy su so zašłe tydźenje znowa dalekubłali. Na zhromadnym zwučowanju při Klóšterskej wodźe su wosebite wukubłanje z hydrawliskim gratom přewjedli. Franz Kliman bě zas na městnje.

Serbscy wobornicy su so zašłe tydźenje dale kubłali. Tójšto wohnjowych woborow při Klóšterskej wodźe su mjenujcy wosebite wukubłanje z hydrauliskim gratom přewjedli.

15/12/2025

Što by był adwentny čas bjez adwentnych wikow? Nic jenož tu w měsće su kóždolětnje derje wopytane, tež na wsy so mjeztym dźiwaš, što takle wšitko ludźo na swójsku iniciatiwu zwoprawdźa. Nó, a so wě, štož njesmě na tajkich wikach falować, su jědźe, horcy punš abo wino a k tomu tučna, pražena kołbasa? Abo što da popřejeće sej wy najradšo na adwentnych wikach?

13/12/2025

Dźensa, sobotu do třećeje adwentneje njedźele wusyłachmy ze wsy, w kotrejž maja na nawsy hosćenc, kiž nosy mjeno měsaca. A tam maja tež hród, kotryž priwatny inwestor runje wobnowja, prjedy bě tam tež internat Serbskeje rozšěrjeneje wyšeje šule zaměstnjeny. Jedna so wo Radwor. Cyrkej tam tež maja a dwě pěstowarni. Radworčanki a Radworčenjo su na nawsy njeposrědnje při hosćencu Meja jewišćo za swoje adwentne wiki wupyšili, kotrež tam jutře na šěsć statokach a na nawsy přewjedu.

Wšitke dalše impresije tule : https://www.mdr.de/serbski-program/rozhlos/aktualne-prinoski/hodowna-akcija-114.html

13/12/2025

Wot ranja sedmich smy za Was na městnje a přewodźamy wobydlerki a wobydlerjow Radworja při twarjenju jich adwentneho jewišća. Naša akcija "Pyšny adwent".

12/12/2025

Nětko w zymskim a adwentnym času słuša jedyn musicalowy film do kruteho programa w jendźelskorěčnych krajach. Film, kiž hraje w Awstriskej, bu před 60 lětami wozjewjeny. Wón je mjeztym kult a wita kóždolětnje njeličomnych hosći do Salzburga. Pola nas pak njeje wón docyła tak jara znaty. Syman Hejduška wjac wo tym powěda.

Nětko w adwentnym času słuša jedyn musicalowy film do kruteho programa w jendźelskorěčnych krajach. Je mjeztym kult a wita kóždolětnje njeličomnych hosći do Salzburga. Pola nas pak njeje wón docyła tak jara znaty.

12/12/2025

Wotnětka je w ZDF mediatece nowa stafla serije "Against all Gods" wozjewjena. W třoch nowych epizodach skutkuje znowa Serbowka Gloria Lanzyna sobu, kotraž poda dohlad do katolskeje wěry. W nowych wusyłanjach zaběra so produkcija z pjeć wšelakimi nabožinami a z ateizmom. Njedźelu potom prěnju epizodu w telewiziji ZDF wusyłaja. Prěnja stafla je dale w mediatece ZDF přistupna. Njedawno bě sej format Němske telewizijne myto wudobyło - a to w kategoriji "Best Infotainment".

https://www.zdf.de/reportagen/37-grad-leben-goettlich-gute-freunde-100

Foto: ZDF/ Maximilian von Lachner

11/12/2025

Znowa w Jaseńcy koncertowali

11/12/2025

W Čěskej maja wot spočatka měsaca nowe prawidła za nakup a wužiwanje praskotakow a pyrotechniki. Mnohe silwesterske praskotaki su wotnětka pola našich susodow zakazane. Konkretnje rěka to, zo móžeće sej w Čěskej jenož praskotaki kategorije F1 kupić. To su tajke kaž škričkowcy (něm.: Wunderkerzen) abo praskate hróšatka (něm.: Knallerbsen). K rozprawje:

W Čěskej maja wot spočatka měsaca nowe prawidła za nakup a wužiwanje praskotakow a pyrotechniki.

11/12/2025

Smy wosrjedź zymy. To rěka tež, zo je čas smorkawy a porskawy. Hač hodźa so nětko hišće čerstwe zela jako pomocny srědk ze zahrodki žnjeć? To chcyše Diana Fryčec-Grimmigowa wědźeć. Zetkaše so za to ze Sylviju Jancynej. Wona je haptykarka měšćanskeje haptyki w Budyšinje. A wona hlada zhromadnje z hobbyjowymi zahrodkarjemi města, tak mjenowanu haptykarsku zahrodu při Michałskej cyrkwi.

Smy wosrjedź zymy. To tež rěka, zo je čas smorkawy a porskawy. Hač hodźa so nětko hišće čerstwe zela jako pomocny srědk ze zahrodki žnjeć?