01/11/2025
ah ee Darbiga – Dhaxal Taariikheed oo Qarsoon!
Masaajidka Qadiimiga ah ee Darbiga wuxuu ku yaal gobolka Fafan, degmada Tuuli-guuleed ama hada degmada cusub ee daarimi qiyaastii 32 km ayuu dhinaca woqooyi ka xiga magaalada Jigjiga.
Waxaa la rumeysan yahay in masaajidkan ay dhiseen boqortooyadii Harla sannadkii 1315 G.C., taas oo ka dhigan in uu dhisanyahay in ka badan 700 sano ka hor. Boqortooyada Harla waxay ahayd ilbaxnimo caan ka ahayd Geeska Afrika,gaar ahaan dhulka Soomaalida, waxaana lagu yaqaanay dhismayaal waaweyn, ganacsi, iyo diinta Islaamka oo si weyn u faaftay xilligoodii.
Dhismaha masaajidka waxaa laga sameeyay dhagaxyo si qurux badan loo dhigay iyo dhoobo adag, taas oo muujinaysa xirfad iyo aqoon dhismeed oo heer sare ah. Inkastoo wakhti badan ka soo wareegay, haddana darbiyadiisii iyo qaabkii asalka ahaa wali way taagan yihiin!
Masaajidka Darbiga wuxuu ka mid yahay meelaha u baahan ilaalinta iyo dib-u-dayactirka ataarta qadiimiga, si jiilasha mustaqbalka ay u arkaan astaantan qaaliga ah oo ka tarjumaysa xidhiidhka fog ee u dhexeeya diinta Islaamka iyo ilbaxnimada qarniyadii h**e.
Goobta masaajidka waxaa ku hareeraysan deegaan dabiici ah oo deggan, leh dhir, buuro yaryar iyo degaan wax-soo-saarka beeraha ku haboon,ku habboon in lagu nasto, sawirro lagu galo, ama lagu dareemo xasilloonida diinta iyo taariikhda isku sidkan.
Masaajidka Darbigu waa dhaxal diimeed iyo taariikh ay mudan tahay in la ilaaliyo iyadoo xafiiska dhaqanka iyo dalxiiska ee DDS uu wado dadaalo lagu horumarinayo dayactirka iyo kor u qaadida wacyigelinta bulshada iyo suuqgaynta dalxiiska.Waana meel qof kasta oo jecel dalxiiska,dhaqanka iyo taariikhda Islaamka uu u baahan yahay inuu booqdo arkana nolasha degaanka bilicda san iyo taariikhda facawayn.
, oo sawiro ku gal, barana taariikhda, oo la wadaag saaxiibbadaada safarka dalxiiska iyo dabiiciga jecel!
