Wie lautet die Website?

https://www.facebook.com/108631088161520/

Star Press

Official Page of Star Press
(1)

08/05/2026

خوست د هېواد د ځنګلونو په پراختیا کې پنځم مقام خپل کړی.

د خوست ولایت مقام د یوې خبرپاڼې له مخې، د احصایې او معلوماتو عمومي ادارې د جغرافیایي معلوماتو له مخې، خوست ولایت د هېواد په کچه د ځنګلونو د پراخوالي له پلوه پنځم مقام لري. په دغه ولایت کې شاوخوا ۱۲۸ زره هکتاره ځنګلونه موجود دي، چې د طبیعي ښکلا، د هوا د پاکوالي، د خاورې د ساتنې او د اقلیم د تعادل په برخه کې مهم رول لوبوي.

06/05/2026

د خوست امنیه قومندانۍ ویاند طاهر احرار وایې، د خوست په نادرشاه کوټ ولسوالۍ کې د یو قتل شوي کس په تړاو د هغه ورور او وراره ونیول شول.

د خوست امنیه قومندانۍ اړوند د نادرشاه کوټ ولسوالۍ جنایي ضد منسوبینو هغه دوه تنه نیولي چې شاوخوا یوه اونۍ وړاندې یې یو کس د چړو په واسطه په مرموز ډول وژلی وو.

نیول شوي کسان د قتل شوي کس یو مېرنه ورور او بل یې وراره دي.
یادو کسانو په خپل جرم اعتراف کړی او په لومړنیو اظهاراتو کې یې د یادې شومې کړنې لامل له وژل شوي کس سره حقوقي دعوه یاده کړې ده.

04/05/2026

*خوست: امنیتي ځواکونو د نشه یي توکو دوه تنه وسلوال خرڅوونکي نیولي دي.*

د خوست امنیه قوماندانۍ له لورې په خپاره شوې خبر بڼه کې راغلې، چې د خوست اړوند د اسماعیل خېلو او مندوزیو ولسوالۍ له نشه یي توکو سره د مبارزې منسوبینو د یادې حوزې په مربوطاتو کې د یو لړ ځانګړو عملیاتو په پایله کې دوه کسان د نشه یي توکو او یو میل سلاح سره یو ځای نیولي دي.

له یادو نیول شويو کسانو سره یو اندازه شیشه، تریاک، یو میل توفنګچه، شاجورې او مرمۍ نیول شوي دي.

04/05/2026

عبدالرحمن حقاني د حکومت د مشرتابه له لورې د وروستیو ټاکنو په پایله کې د خوست ولایت د نوي والي په توګه وټاکل شو. نوموړي تر دې وړاندې د بغلان ولایت د والي په توګه دنده ترسره کړې ده.

30/04/2026

د خوست ولایت مقام د یوې خبر پاڼې له مخې په خوست کې، د وروستیو اورښتونو او سېلابونو له امله د ١٦٩ زیانمنو شوو کورنیو سره نغدي او د غير خوارکي توکو مرسته ترسره شوه.

د خوست ولایت اقتصاد ریاست تر چتر لاندې، د پېښو پر وړاندې د مبارزې ملي آمادګۍ ریاست سره په همغږۍ او مستقیمه څارنه، د خوړو نړیوال سازمان (WFP) په مالي ملاتړ، او د زرغون افغانستان د کرنې او مالدارۍ مؤسسې (GALLO) په تطبیق او همکاري، د وروستیو شدیدو اورښتونو او سېلابونو له امله، په مرکز او ولسوالیو کې له ۱۶۹ زیانمنو شوو کورنیو سره، نغدي او غير خوارکي توکو مرسته ترسره شوه.

30/04/2026

د خوست ولایت د صنعت او سوداګرۍ ریاست اړوند د باغ سموات صنعتي پارک کې د شاوخوا ۷۰ تولیدي فابریکو د جوړولو چارې په چټکۍ سره روانې دي.
په همدې موخه د خوست ولایت مقام خبرپاڼه کې راغلي، دغه پارک چې پر نږدې ۴۰۰ جریبه ځمکه جوړېږي، په بشپړېدو سره به شاوخوا ۲۰۰ لویې او وړې فابریکې پکې فعالیت وکړي.

27/04/2026

د خوست ولایت مقام ویاند له قوله،
خوست والي: د خوست نفوس شاوخوا دوه نيم میلیونه ته رسېږي، خو له مرکز څخه ورته وړاندې کېدونکي خدمات یوازې د درې لکه نفوس په کچه دي. هغه نن په همدې مورد د عامې روغتیا وزارت له ځانګړي پلاوي او مؤسساتو وغوښتل چې د خوست د واقعي نفوس اړتیاوو ته په کتو، د روغتیايي خدمتونو کچه لوړه کړي، د روغتیايي مرکزونو ظرفیت پراخ کړي او د اساسي اسانتیاوو د برابرولو لپاره جدي او عملي ګامونه پورته کړي، څو د یاد ولایت اوسېدونکي له معیاري او عادلانه روغتیايي خدمتونو څخه برخمن شي.

26/04/2026

د خوست ولایت په موسی‌خېلو او نادرشاه کوټ ولسوالیو کې د ۱۹۰ تنو مستحقو بزګرانو سره د سویابینو تخمونو او کیمیاوي سرې مرسته ترسره شوه.
د خوست ولایت مقام د رهبرۍ په سپارښتنه او همغږۍ، د ياد ولایت د کرنې، اوبو لګولو او مالدارۍ ریاست تر چتر لاندې، د ORD مؤسسې په همکارۍ او د د ملګرو ملتونو د خوړو او کرنې سازمان (FAO) په مالي ملاتړ، د یادو ولسوالیو اړوند مستحقو بزګرانو ته ووېشل شوه.

د مرستې له مخې، هر بزګر ته ۲۰ کیلو ګرامه اصلاح شوي د سویابینو تخمونه، ۲۵ کیلو ګرامه سپینه سره (یوریا) او ۲۵ کیلو ګرامه توره سره (DAP) ورکړل شوه.

26/04/2026

خوست کې۵۰ ټنه په تاریخ تېر او بې کیفیته درمل، خوراکي او طبي توکي له منځه یووړل شول

د خوست ولایت مقام له لورې په خپره شوې خبر پاڼه کې راغلې چې دغه درمل، خوراکي او طبي توکي د خوست ولایت د عامې روغتیا ریاست د څارنې او پلټنې مسؤلینو له لوري په عقرب، قوس، جدي او دلوې میاشت کې له خصوصي روغتیایي سکتور او د خوراکي توکو پلورنځیو څخه راټول شوي وو او د یو شمېر مسؤلینو په شتون کې له منځه یووړل شول.

26/04/2026

د خوست ولایت مقام له لورې خپره شوې خبرپاڼه کې راغلي چې، د اړوند ریاست د محتسبینو د دې ولایت په مرکز او یو شمېر ولسوالیو کې پنځه مېرمنې له کورني تاوتریخوالي او بېلابېلو ظلمونو څخه ژغورلې دي.
د خبرپاڼې له مخې، یادې مېرمنې له تېرو څو کلونو راهیسې د خپلو کورنیو له لوري له فزیکي او رواني تاوتریخوالي سره مخ وې، چې اوس د اړوندې ادارې په هڅو خپلو ش/رعي حقونو ته رسېدلې دي.

23/04/2026

د خوست ولايت د عامې روغتیا ریاست د څارنې ډلې له لوري د ياد ولايت په مرکز کې ۸ کتنځایونه، د شفري نسخو کارونې، د جواز نشتون او غير معياري فعاليتونو له امله مهر او وتړل شول.

د څارنې يادې ډلې د دوا فروشيو، کتنځایونو او دوکاندارانو څخه په کلکه غوښتنه کړي، چې د خدمتونو کيفيت او معيار ته جدي پاملرنه وکړي او د درملو د نرخونو له لوړوالي څخه ډډه وکړي.

Adresse

Frankfurt, Germany
Frankfurt
60

Website

facebook.com

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Star Press etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.