Travel with Bero

10/10/2025

انا بروح ع اسبانيا لاكل زيتون 🫒😍😂 كل مطعم هنيك بيتفنن بالزيتون و هالشي يلي بالصحن عبارة عن زيتون مسلوق مع ورق اكليل الجبل 😋 بدوب بالتم دوبان و طلبت منن ٤ مرات 😂

#اسبانيا
#اسبانيا

08/10/2025

وقت فتت عهالكنيسة بمدينة فالنسيا استغربت انو الكل عم يطلع لفوق …. السقف:

07/10/2025

بلشت من السفر من شي ٥ سنين و صرت زاير بلدان كتار بس بالسنة يلي ما بشوف فيها اسبانيا و بشم هواها و باكل اكلها ما بحس حالي شفت شي و لا سافرت حتى ❤️ للمرة رقم ٨ باسبانيا بمدينة جديدة اسمها فالنسيا رح اخدكن معي عليها ✈️🌊 🇪🇸

07/10/2025

حلب ❤️ قلبنا معكن

06/10/2025

ولان بيرو بجن اذا ما سافر 😂يالله سوا ع اسبانيااااا عمدينة اول مرة بزورها اسمها فالينسيا عالبحر 😍🌊🌊 شوفولي عمنظر المدينة من الطيارو ولووو


#اسبانيا
#فالنسيا

02/10/2025

يمكن من احلى الاشيا يلي عشتها بسوريا كانت اني قدرت احكي اسبوعين كاملين بس عربي 🥲 و اسمع بس عربي …. هون حياتي كلها بالالماني لدرجة بتصير تحلم بالالماني …اول كم يوم كل شوي التفت و انتبه اني عم اسمع و احكي بس عربي لغتي الام ❤️ و انو بالشارع الكل عم يحكي عربي و انو الكل حاطت اغاني عربي… يمكن هي من الشغلات الصغيرة يلي ما حدا بينتبهلها بس الها قيمة كبيرة بقلب كل مغترب 🙏

01/10/2025

مسا الخير يا حلوين … انا صرت بالمانيا بعد زيارة لسوريا مرح انساها بعمري ❤️ بعد ١٠ سنين غربة عشت اسبوعين بكبرو القلب و الروح …
رجعنا بقا عالشغل و التعب و من وقت رجعت و سؤال واحد بس عم يخطرلي كل الوقت…. لوين انا بنتمي؟ وين تختي و مخدتي الحقيقيين ؟ وين انا و مين انا 😂 يعني قبل ما انزل ع سوريا كنت اكل هم كتير قصص بس ما خطرلي انو وحدة منن اني رح فوت بالحيط نفسيا بعد ما ارجع …

30/09/2025

وقت تضيع بشوارع اللادقية الضيقة ❤️

28/09/2025

لا تنسو تتابعوني عاليوتيوب لفيديوهات حصرية و دقة اعلى … الرابط : 👇

travel the world with me

27/09/2025

اليوم بوست من القلب متل ما عودتكن عن زيارتي لسوريا:

اول يوم وصلت فيه عاللادقية
نزلت المسا ، وبعدا بلشت أتمشّى بالشارع…
كنت طول الوقت مدهوش، عنجد!
عم شوف العالم، وعم حس إني واحد منهم…
ما حدا عم يطّلع فيني، ما حدا عم يعيّن…
أنا بشبهن، وهون العالم كلها بتشبهني.

ما حسّيت حالي غريب أبداً…
مع إني صارلي فوق العشر سنين ما جيت عاللادقية ،
كان الشعور كتير غريب،
كأني بنتمي…
بس كمان، بنفس الوقت، حسّيت إني ما بنتمي يعني ما بعرف مشاعر ملخبطة .

ضلّيت هيك…
ماشي، صافن بالعالم، صافن بحالي ….

26/09/2025

يعني في كتير اشيا طيبة بالحياة بس بعد بطاطا مقلية بعد السباحة بظن هي وحدة من اطيب الاشيا بالعالم 😂😍