اكلات جزائرية متنوعة مع الوصفات

22/09/2025

مسكوتشو مكملة قرايتها
كي طيب مسكوتشو حركوها من مول غي بشوية باه طير منبعد باه تحشوها

22/09/2025

بيتزا كاري, 🍕🍕🍕🍅تقليدية بعجينة خفيفة و إقتصادية تع العادة و العوايد ، الوصفة مكتوبة 👇👇😋 طريقة التحضير ؛ نحطو كأس ماء دافي، نضيف عليه مغرف كبيره خميرة عجين ،مغرف كبيره سكر نخلطوهم نخلوهم يتفاعلوا لمدة 10 دقائق، 4 كيسان فرينة نغربلوها و تكون الخلطة تفاعلت نحطوها عليها، نزيدو ربع كأس زيت و نبسوها، مغرف صغيره ملح ، و نلمو العجينة بماء دافي مانكتروش الماء باش ماتجيش العجينة جارية نلموها غي بشوية أنا داتلي حوالي نصف كأس هذا ماكان نخلوها ترتاح نصف ساعة، نحضرو الصلصة 🍅 في مقلاة 2 فصوص ثوم رابي مع زيت يتقلو نزيد مغرف كبيره طماطم مصبرة نقلوها مع ثوم، ملاحظة دايما نقولكم طماطم مصبرة قلوها غاية باش تروحلها لاسيد، بعد ما تتقلى نزيدو 3 حبات طماطم 🍅 رابي، ملح، ،فلفل اسود، زعيترة، رند، شوية سكر نطيبوها 5 دقايق هذا ماكان باش ماطيبش بزاف و تنشف، نولو للعجينة بعد ارتاحت نعجنوها غاية حتى تولي طرية، نجيبو بلاط كاري ندهنوه بالزيت، و نورقو العجينة بالوراق و نحطوها ولا نحلوها ديراكت في بلاط، نضيفولها صلصة ، فلفلة مقطعة إختياري ، أنا ضفت تون و زيتون مقطع ، معدنوس و جبن أنتوما كيما تبغو بعد ما و نحطها طيب بعد ما طيب من تحت نشعلو من الفوق بعد الطياب تتقطع مباشرة و بالصحة و الراحة

21/09/2025

🙄🫢🤔😦😳

21/09/2025

خبز رولي محشي
العجين في وعاء نحطو كاس ونص حليب دافئ ملعقة كبيرة خميرة خبز ملعقة كبيرة سكر ربع كاس زيت بياض بيضة ونحط فرينة ملح ملعقة صغيرة خميرة حلوة ونخلطو حتي نتحصل علي عجينة طرية نغطيها ونخليها تخمر نروحو الحشو في مقلاة شوية زيت حبة بصل مقطعة رقيق 2 فص ثوم مرحية حبة فلفل اخضر مقطعة رقيق قليهم ضفيلهم لحم مرحي وزيتون اخضر مقطع دواير وخليهم يتقلاو حطي عليهم حبة طماطم مرحية نصف ملعقة طماطم مصبرة ملح فلفل اسود حتي يطيبو ذري معدنوس مقطع وطفي اقسمي عجينة علي زوج حليها علي شكل مستطيل فرشي حشو فوقو فرماج رابي وفي بداية العجينة ضعي جبن قطع بطول وبداي ترولي حتي تكملي حطيها علي جهة المفتوحة فوق ورق طهي خليها ربع ساعة ودهنيها بصفار البيض دريلها خطوط بسكين اختياري وذريلها سانوج وزيتون مقطع ودخليها للفرن تطيب بعدما طيب وتبرد قطعيها وقدميها مع شربة او حساء وبصحتكم ارجو تفاعل مع وصفات للمزيد

20/09/2025

دخول مدرسي موفق بإذن الله ♥♥👨🏻‍🎓👩🏻‍🎓👨🏻‍💻👩🏻‍💻🌼الدخول المدرسي
2026 /2025🌼
🌸🌸🌸دعاء لاولادنا جميعا🌸🌸🌸
ﺳَﺪَّﺩ ﺍﻟﻠَّﻪ ﺧطاهم 💐، ﻭَﻭَﻓَّﻘَهم ﻓِﻲ ﻣﺴﻌﺎهم 💐، ﻭَﺣَﻘَّﻖ ﻟَهم ﻣﻨَﺎهم ، 💐ﻭ ﺻﺮﻑَ ﻋَﻨْهم ﺍﻟﺴُّﻮﺀ ،💐 ﻭ ﺃَﻋْﻄَﺎهم ﻣُﺒْﺘَﻐَﺎهم .💐
“ ﺍﻟﻠﻬﻢ ﺣﺒﺒﻬﻢ ﻓِﻲ ﺍﻟﺘَّﻌْﻠِﻴﻢِ ﻭﺍﺟﻌﻠﻬﻢ ﻣِﻦ ﺍﻟﻌﻠﻤﺎﺀ 💐” .
“ ﺍﻟﻠﻬﻢ ﺍﺟْﻌَﻞ ﺩُﺧُﻮلهم ﻓِﻲ ﻫَﺬِﻩِ ﺍﻟْﻤَﺪْﺭَﺳَﺔِ ﺩُﺧُﻮﻝ ﺧَﻴْﺮٌ ﻭﺑﺮﻛﺔ💐 ”
“ ﺍﻟﻠﻬﻢ ﻓِﻲ ﺑِﺪَﺍﻳَﺔِ ﺍﻟْﻌَﺎﻡ ﺍﻟﺪَّﺭﺍﺳِﻲّ اﺣْﻔَﻆ ﺃَﺑْﻨَﺎﺀَﻧَﺎ ﻭَﻳﺴﺮ ﻟَﻬُﻢ ﺍﻟﺘﻌﻠﻴﻢ ”💐 .
ﻳَﺎﺭَﺏ ﺍﺻْﺮِﻑ ﻋَﻨهم ﺍﻟﺴُّﻮﺀ ،💐 ﻭ ﺃﺻْﺪِﻗَﺎﺀ ﺍﻟﺴُّﻮﺀ 💐، ﻭ ﺃَﺻْﺤَﺎﺏ ﺍﻟﺴُّﻮﺀ ،💐 ﻭ ﺣَﺒﺒهم في ﻣَﺤَﺎﺳِﻦِ ﺍﻟْﺄَﺧْﻠَﺎﻕِ ،💐 ﻭ ﺩَﺑّﺮ ﻟَهم ﻣِﻦْ ﻓَﻀْﻠِﻚ ﻭَ ﻛَﺮَﻣِﻚ💐

🤍💜🤲🏻اللهم امــييين

20/09/2025

تشكشوكة هادي طريقة اول طبق تعلمتو من عند جدة الله يرحمها تجي بنينة تحكمي فلفل تشويه وتنقيه تقطعيه مربعات صغار في مقلاة حطيها تنشف من ماء منبعد حطيلها شوية زيت 4 فصوص ثوم مرحية ملح خليهم يتقلاو الي يحب الحار يقطعلها شوية. حار منبعد ضفيلها 2 حباة طماطم مقشرة ومقطعة مربعات صغار تخليهم علي نار ناقصة يتقلاو في اخير الي يحب يضيف بيض يديرلها والله تجي بنينة بزاف تفكر في ايام زمان

19/09/2025

19/09/2025

كرواسون 🥐 مورق وناجح مليون في 100 تبعي وصفة وحطي جام

19/09/2025

🕋 جمعة طيبة مباركة معطرة بذكر الله 🕌

سبحان الذي لا تسكن النفوس إلا بحبه
ولا تطمئن القلوب إلا بذكره
ولا يدرك نجاح إلا بتوفيقه


جمعه طيبه مباركه
‏جمعة جامعة للخير
فاجمعنا يا الله دائما على الخير ،
وألف بين قلوبنا وأصلح ذات بيننا
إنك على كل شيء قدير
جمعة طيبة 🕌
اللهُـم لا ترفـع عنّـآ غطاء سترك ولا تبتلينـآ فيما لا نستطيـع عليه صبرآ اللهُـم إنـا نسألك راحـة فـي البـدن وراحة في القلبُ وراحة في النفس❤️

18/09/2025

رولو بصدر دجاج محشي بالخضار
في وعاء حطي صدر دجاج 🐔 مرحي حطيلو 2 فص ثوم مرحية ملح فلفل اسود توابل دجاج 2 ملاعق خبز مرحي 2 ملاعق زيت زعيترة اعجنيهم مليح هاتي بلاستيك غذائي ادهنيه بشوية زيت بسطي صدر دجاج مرحي علي شكل مربع ادهنيه بجبن يكون طري ثم ذري فوقو شوية بصل مقطع رقيق وفلفل اخضر رقيق و طماطم رقيقة ثم اضغطي عليهم قليلا. وبعدها ابداي رولي استعيني بالبلاستيك اغلقي عليه من جانبين زديلو قطعة بلاستيك وحطيه يفور مدة 45 د بعدها حمريه في شوية زبدةوقطعيه يجي بنين بلخضار الي فيه ميجيش ناشف قدميه بواش حبيتي انا قدمتو مع شومبينيو

18/09/2025

هليلات بلكوكاو وصفة بسيطة للقهوة