DIY TEA

17/12/2025

17/12/2025

اغلاق مصنع Volkswagen في مدينة Dresden، علاش؟

المصنع عمره 24 سنة، كان يصنع في الPhaeton و الGolf E، ومؤخرا الID3... المهم سبب الغلق هو كونه باش يتم تغيير نشاط المصنع من وحدة انتاح الى وحدة بحث وتطوير في مجال التكنولوجيا المستقبلية والروبوتيك والMicro chip مع ...وهذايا بالاشتراك مع جامعة Dresden. وهذا المعلن عنه رسميا.
مع العلم:
✅️ المصنع هذا انتج 165 الف سيارة من على مدى السنين، يعني رقم مش كبير لانها وحدة انتاح صغيرة.
✅️ رقم المبيعات لفئة الID3 كان اقل من التوقعات، وهذايا الارجح السبب الاخر لغلق الوحدة فيDresden، ويبقى انتاج الID3 في مصنع Zwickau وفي مصنع اخر في الصين.

⚠️ هذايا باختصار، وكل ماهو يدور من اخبار اخرى في معمل عمره 88 عام، وفي 35 الف خدام شيتطردو، وفي افلاس... كلها اخبار زائفة وناس تلوج على buzz..

مصدر الخبر، الرابط في اول تعليق.
النقطة الاخيرة، رائي الخاص، ماجاتش في الخبر.

الترجمة: DIY TEA

16/12/2025

الاخوة الجزائريين كيفنا في تونس، عندهم متلازمة حديث القهاوي في عالم السيارات
اما الموضوع هذا ستاج الوحش مازلت ماسمعتش بيه ههه

هذا الموضوع نشرتو صباح
يبان سخيف ومضحك
بصح كي تشوف التعليقات تفهم مستوى مدى جهلنا للأمور حولنا
بعض المواضيع نحطها عبارة عن جس النبض ونتابع التعليقات

المهم عن قريب فيديو مفصل حول الموضوع ...

16/12/2025

سلام يا جماعة،
اشكون مايحبش يركب جنطوات سبور؟ جنطوات كبار كي ال18" فما فوق. لكن السؤال القابل للنقاش: هل كياسات بلادنا متاع الجنطوات هاذم؟ عمليا لا، لكن الي يحب يركب اش يعمل؟ من شنوة يرد باله؟ باش تنصحوه؟
الاكيد كونه قد ماتكبر الجونط، قد ما الكنفور يطيح.

مثال فيالتصويرة تاع جونطوات تحكوا لين ماعادش،وزيد ممكن تقرضوا الpneus في حفرة او مع trottoir. (صور من كرهبة وحدة، شيرة ليمين)

في مقال اخر توة نحكيو على اختيار كبر الجونط و الpneu بطريقة صحيحة.
#عجلات

15/12/2025

السيارات الكهربائية مافيهمش صيانة؟
الحلقة 2
هذايا مثال اخر، للحاجات الي تتعمللهم صيانة في السيارات الكهربائية: تغيير سائل التبريد.
المشكل في السيارات الكهربائيه السركوي معقد لتعدد القنوات والمكونات الي لازم تبرد وعدد الطرنبات الموجودة وزيدهم كمية سائل التبريد الكبيرة الي توصل حتى ل20 لتر...وهذايا يخلي الpurge العادي مستحيل. ولهنا تخلق besoin جديد يتمثل في مكينات تفرغ و تعبي سائل التبريد في السيارات الكهربائية وتعمل الpurge فرد وقت.

مثال لمكينة لي تقوم بالخدمة هذي لي جاءت في المقال، Texa eFluid BAS 531011، سومها قرابة 7000€.غالية اما قالك تنجم تستعملها حتى للسيارات العادية.

صحيح السبارات الكهربائية اقل مكونات، واقل صيانة، لكن مش منعدمة كيما يدعي البعض. والصيانة مكلفة ولازمها معدات خاصة.

المصدر،مجلة Krafthand Technikmagazin، العدد الصادر في نوفمبر 2024

الترجمة: DIY TEA

صورة من المقال الاصلي في اول تعليق.
#سيارات

15/12/2025

كل واحد و اولوياته

13/12/2025

فمة حاجة en commun بين الحاجات هذي🤔

13/12/2025

ورشات المستقبل، قبل مفتاح 10 و 13 لازم انترنات...

11/12/2025

قالك في المستقبل الكراهب باش تتواصل مع ببعصها وتولي فمة بيناتهم communication و reseau يعتمد عليه سيستام السياقة autonome و هذا باش يحسن من آداء السيستام هذا من خلال تبادل المعلومات بين الكراهب وهذا من شانه باش ينقص من الحوادث وكذا...
اي هاو في بالي.. لحكاية مرهونة في فرخ روسي عمره 11 سنة ضاربه القلق، يبيراتي الريزو ويلعب بيها الكل على بعضها GTA

11/12/2025

⚠️Do not try this at home⚠️

قالك في المانيا هالنهارات طفلة عمرها خمسطاش، كرهبتها ماحبتش ديماري، ماركة Aixam، ياخي من باب انا Strong and independent, قالت نجم نسلك اموري. اش عملت الاخت؟
جابت سشوار و منظف الفرامل (سريع الالتهاب) وبدات تبخ فيه في الادميسيون تاع الموتور وتسشور، ياخي شعل الموتور والنار كلات الكرهبة الكل في لحظات.
الماركة Aixam تعمل سيارات بسعة محرك صغير والسرعة ماتفوتش 45km/h ويتكلاساو كموطورات.

مصدر الخبر، جريدة Der Spiegel، الرابط في اول تعليق

11/12/2025

الناس الي ينزلوا على البدال embrayage لوقت طويل بالفارغ، المعلومة هذي تهمكم.
مقال جاء في مجلة للسيارات يحكي على المشاكل الي تصير كي نبقاو نازلين على pedale d'embrayage وقت طويل (توصل دقائق) خاطر حاطين 1ere vitesse نستناو واقفين في شخص او في الضوء الاخضر.
حسب برشة خبراء في عالم المحركات، العادة هذي تنجم تتسبب في casse moteur!

للجماعة الي مايهتموش بالتفاصيل التقنية، ماغير ما تكملوا تقراو، ماعادش تنزلو على embrayage بالفارغ و وقت طويل. في الضوء. حط point mort ونحي ساقك من embrayage رتحها.

للجماعة لي تحب شوية تفاصل، اشنوة يصير بالضبط؟
وقتلي ننزلو على الpedale d'embrayage، فمة ضغط يصير على volant moteur الي هو بدوره يضغط على ال vilebrequin. ومقدار القوة هذي مثلا في vw coccinelle (الي هي كرهبة صغيرة) توصل حتى 500kg. وفي الكراهب العصرية و الموتورات الكبار نجمو نحكيو على 1000kg عادي جدا.
القوة هذي لا مفر منها ولكن كي نبدلو الفيتاس ونسيبو ال embrayage عادي. يعني ال vilebrequin يبقى sollicité ممكن زوز ثلاث ثواني. اما المشكل هو كي نبقاو نازلين على ال embrayage دقايق: يقعد ال vilebrequin تحت الضغط الكبير هذاكة، وفمة تأكل (usure) يبدى يصير في les cales laterales (شوفو التصويرة وين flèche الاصفر) خاطر مع الضغط المطول يتقص عليهم filme متاع التزييت. مع الوقت يتاكلوا ويولي فمة jeu axial كبير في الvilebrequin يفوت المقدار المسموح بيه، ويوصل مع الوقت الى casse moteur.

المعلومة مقتطفة من مجلة:
Oldtimer Markt (سوق السيارات التاريخية) العدد الصادر في اكتوبر 2021

الخبير الي حكى على المشكل
Peter Bazille (واحد من اكبر خبراء المحركات في المانيا)

الترجمة: DIY TEA

صورة مقتطفة من المقال في اول تعليق

#سيارات

10/12/2025

في خضم التطور الكبير في مجال زيوت المحركات الحديثة والتوجه لزيوت خفيفة، لتقليص الانبعاثات وتحسين مردودية المحرك، وتزيبت احسن للمكونات خاصة في دماراج بارد...
هذايا تصوري للnext big thing في مجال صناعة السيارات