30/05/2025
Imisa sharci ayaa laga bixiyaa Jarmalka?
qof kasta oo ku cusub dalka Jarmalkani wuxuu u baahan yahay inuu fahmo xaqiiqada iyo fursadaha dhabta ah ee uu ka heli karo waddankan Jarmalka, haddaba halkan waxaan idinkula wadaagayaa sharciyada kala duwan ee uu qofku qaato marka uu dalkan Jarmalka magangelyo ka codsado.
Marka aad waraysiga haayada qaxoontiga ee BAMF marto, waxaad haysataa inaad afartan go’aan midkood lagaa gaadho;
1. Sharciga qaxoontiga rasmiga ah ee saddexda sanno ah( buluuga ). Sharcigani waa qaxoonti rasmi ah, oo micnaheedu yahay in fursad u haysato inaad soo qaadato qoyskaaga, inaad shaqo bilaabi karto gudaha Jarmalka, inaad shaqaysan karto, sidoo kalena aad u dalxiisi karto meel kasta oo caalamka ah, marka laga reebo waddanka aad dhibta ka sheegatay. Sharciga weyn waad xaraysan kartaa muddo 5 sanno ah ka dib, haddii aad soo buuxiso dhamaanba shuruudaha lagaaga baahan yahay.
2. Sharciga Subsidiärschutz, oo hal sanno ah. Sharcigani waa ibnu aadantinimo, kaliya waxa laguu siiyay, maadaama ay naftaadu halis geli karto haddii lagugu celiyo dalkii aad dhibta ka sheegatay. Sharcigan waad ku shaqaysan kartaa, waxbarashana waad ku geli kartaa, sidoo qoyskaaga waad kusoo kaxaysan kartaa, laakiinse arrintan dawlada cusub waxay joojisay muddo laba sanno ah. Sharciga weyn waad xaraysan kartaa, haddii aad soo buuxiso shuruudaha lagaaga baahan yahay.
3. Sharciga Abschiebeverbot, oo halsano ah. Sharcigani waa kaliya in laguu diiday in laguu celiyo dalkaagii, maadaama ay ka jiraan weli dhibaatooyinkii aad uga timid. Sharcigan waxbaad ku baran kartaa, waad ku shaqaysan kartaa, sidoo kale waad ku bixi kartaa haddii Passport lagu siiyo. Laakiinse waxa caqabad ku noqon karta inaad qoyskaaga soo qaadato. Dhinaca sharciga weyn waad xaraysan kartaa haddii aad buuxiso shuruudaha lagaaga baahan yahay.
4. In diidmo lagu siiyo. Maadaama aannad laguu diiday saddexdan magangelyo, waxaad xaq u keedahay inaad qabsato looyar/abukaate muddo 7 cisho gudahood ah marka aad hesho jawaabta diidmada. Ka dib Looyarkaaga/abukaatahaaga ayaa maxkamada u gudbinaya inaanad ku qancin go’aanka haayada qaxoontiga ee BAMF. Ka dib ayay maxkamadu go’aan kaasoo gaadhi doontaa. Haddii sharci lagu siiyo saddexda sharci ee aan h**e usoo sheegnay ayaa lagu siin doonaa.
Intaas ayaan kusoo koobayaa, nabad-gelyo. 👍
