27/09/2025
Thirrje për Sponsorë – Të Bashkuar për KF Opoja!
Klubi i Futbollit Opoja, krenaria e vetme sportive e komunës së Dragash*t, po hap dyert për të gjitha kompanitë që dëshirojnë të jenë pjesë e rrugëtimit tonë! Tashmë, çdo sponsor do të ketë mundësinë të vendosë banerin e tij në stadiumin tonë – një hap i ri për të promovuar biznesin tuaj dhe për të mbështetur një kauzë që na bashkon të gjithëve.
KF Opoja nuk është thjesht një klub – është simbol i pasionit, përkushtimit dhe krenarisë sonë kolektive. Ka qenë dhe vazhdon të jetë burim gëzimi për komunitetin, duke na bërë krenar me paraqitjet e tyre në fushë. Por për ta mbajtur gjallë këtë frymë, nevojitet mbështetja e secilit prej nesh.
Mbajtja e një klubi nuk është e lehtë – nuk mund të përballohet vetëm nga komuna apo stafi i klubit. Prandaj, ftojmë çdo biznes, çdo individ dhe çdo dashamir të sportit që të kontribuojë, të investojë dhe të bëhet pjesë e suksesit tonë të përbashkët.
Le ta mbështesim KF Opojën që të vazhdojë të shkruajë histori, të frymëzojë brezat e rinj dhe të na bëjë krenarë, ashtu siç ka bërë shumë herë më parë.
Të interesuarit të kontaktojne klubin KF Opoja- Faqja Zyrtare!
