LEXO

17/10/2025

11/10/2025

A e dini se Profeti a.s ka thënë:

“Një namaz në xhaminë time është më i vlefshëm se një mijë namaze të falura në vende të tjera, përveç në Xhaminë e Shenjtë dhe një namaz në Xhaminë e Shenjtë (në Qabe) është më i vlefshëm se njëqind mijë namaze të tjera.”

—Sunan Ibn Majah (1406)

Allahu na dhëntë mundësinë të falemi në Masjid al-Haram. 🤍

Bota Islame

10/10/2025

Gezimi i nje vajze te vogel per perfundimin e luftës ne Gaza: Lavdi Zotit shpresa nuk shuhet dhe ëndrra vazhdon

22/09/2025

Kujto se Muhamedi ﷺ u ngjit në qiellin e shtatë dhe arriti te Sidretu’l-Muntehà, dhe u afrua atje ku nuk ishte afruar asnjë krijesë më parë.

E kur u kthye në tokë, ishte në shërbim të familjes së tij.
Ai milte kopenë e tij… arnonte sandalen e tij, dhe kur vinte një shërbëtor të kërkonte që të ndërmjetësonte për të tek i zoti i tij, ai e bënte.

Një vajzë e vogël vinte e ia kapte dorën për t’i kërkuar të ndërhynte tek familja e saj, dhe ai shkonte me të.
Ai u ngjit në qiellin e shtatë, por përsëri hante në një pjatë me të varfrit, hipte mbi mushkën e tij, dhe e urdhëronte ushtrinë e tij që të mos presin pemë, të mos vrasin fëmijë e gra, dhe të lënë murgjit në manastiret e tyre, ata dhe atë që adhurojnë.
Ai ishte i madh para se të ngjitej, dhe mbeti i madh edhe pasi zbriti.

I madh pa mendjemadhësi, i lavdishëm pa krenari të tepruar.

O Allah, dërgo paqe, bekime dhe mëshirë mbi prijësin dhe udhërrëfyesin tonë, Muhamedin, robin Tënd dhe të Dërguarin Tënd ﷺ.

Nga libri: “Muhamed”
– Dr. Mustafa Mahmoud, Allahu e mëshiroftë.

03/07/2025

FUQIA E ZOTIT… lexo dhe bindu 👇

Nëndetësja njerëzore më e re dhe e teknologjisë më të lartë shpërtheu për shkak të presionit në një thellësi prej 3000 metrash.
Një peshk xhelatinoz transparent, rreth 10 cm i gjatë që jeton, ushqehet dhe riprodhohet në një thellësi prej 6000 metrash!
Pastaj vijnë liderët e evolucionit dhe pretendojnë se rastësia e krijoi këtë jetë!

“Ky është krijimi i Allahut. Më tregoni çfarë kanë krijuar të tjerët përveç Meje. Me të vërtetë zullumqarët janë në një humbje të qartë.” (Lukman, 11).

03/07/2025

ÇKA I URDHËRON ALLAHU ENGJËJT, KUR NJË NJERI ËSHTË I SËMURË

Kur një njeri, besimtar/e e kaplon sëmundja, atij njeriu besimtar/e, Allahu ia dërgon katër engjëj para se të sëmurët.

(1) Njërin prej engjëjve Allahu i Plotfuqishëm e urdhëron që t’ia merr fuqinë, dhe engjëlli sipas urdhrit nga Allahu ia merr fuqinë e tij dhe ai bëhet i dobët dhe i rraskapitur.
(2) Engjëllin e dytë Allahu i Plotfuqishëm e urdhëron që t’ia merr ndjenjën dhe oreksin e ushqimit.
(3) Engjëllin e tretë Allahu i Plotfuqishëm e urdhëron që t’ia merr dritën nga fytyra, dhe fytyra e tij bëhet e verdhë.
(4) Engjëllin e katërt Allahu i Plotfuqishëm e urdhëron që t’ia merr të gjitha mëkatet, që të bëhet i pastër nga mëkatet.

Nëse Allahu i Plotfuqishëm dëshiron t’ia kthej përsëri shëndetin, Ai e urdhëron engjëllin që ia mori fuqinë, t’ia kthejë; engjëllin që ia mori ndjenjën dhe oreksin ushqimit që t’ia kthejë; engjëllin që ia mori dritën e fytyrës, që t’ia largojë ngjyrën e verdhë; por nuk e urdhëron engjëlli, që ia mori mëkatet, për kthimin e mëkateve.

Ky engjëll do t’i bëjë sexhde Allahut të Plotfuqishëm dhe do t’i thotë: “O Allahu i Plotfuqishëm, ne ishim katër engjëj që Ti na urdhërove, pastaj tre të tjerët i urdhërove t’ia kthejnë ato që ia kishin marrë të sëmurit. Mua nuk më urdhërove për t’ia kthyer atë që i kam marrë (mëkatet e tij).”
Allahu i Plotfuqishëm do t’i thotë: “Kjo nuk përkon me nderin Tim dhe nuk është bukur të urdhëroj t’i kthehen mëkatet e tij pasiqë e kam munduar me sëmundje.”
Engjëlli do të thotë: “O Zot, çka të bëj unë me mëkatet e tij?”
Allahu i Plotfuqishëm do t’i thotë: “Shko dhe hidhi në det!”

Dhe engjëlli do të shkojë dhe do t’i hedh në det …

(Hadith sahih).

03/07/2025

Tregim këshilues: Dhuratë për njeriun pozitiv

Tregohet se një perandor Kinez kishte vendosur një gur të madh (shkëmb) në rrugën kryesore, i cili njerëzve ua bllokoi rrugën plotësisht. Aty vendosi një roje që t’i vëzhgojë sjelljet e njerëzve, e më pas ta njoftoj atë (perandorin)!

Personi i parë që kaloi ishte një tregtar i madh i vendit. E shikoi tregtari gurin (shkëmbin) dhe u nevrikos. Filloi ta kritikoj atë që kishte vendosur aty, pa e ditur se ai ishte Perandori. U soll tregtari para dhe prapa gurit (shkëmbit) duke bërtitur: “Do të shkoj të ankohem për këtë çështje, dhe do ta dënojmë atë që e ka vendosur këtë”.

Personi i dytë që kaloi ishte një ndërtues godinash. Edhe ai, veproi njëjtë sikurse tregtari, por zëri i tij ishte më i ulet, sepse ai ishte me më pak autoritativ në vend se sa i pari.

Pastaj kaluan tre shokë të rinj që ende nuk e kishin gjetur veten dhe po kërkonin personalitetin në jetë, qëndruan në një anë të gurit (shkëmbit) dhe filluan të talleshin me vendin e tyre. Atë që e kishte vendosur gurin e cilësonin si injorant, ahmak dhe kaotik, e pastaj u larguan drejt shtëpive të tyre.

Pasi kaluan dy ditë, në atë rrugë kaloi një bujk i varfër, nuk foli asgjë i përvjeli mangët e tij dhe u përpoq ta largoj. Kërkoi ndihmë nga kalimtarët që vinin dhe ata e ndihmuan, e kështu e larguan gurin (shkëmbin) nga rruga.

Kur bujku largoi gurin (shkëmbin), në rrugë (prapa shkëmbit) gjeti një qyp me ari dhe një letër në të cilën thuhej: “Nga Perandori..., tek ai i cili e largon gurin (shkëmbin). Kjo dhuratë është për ty sepse ti je njeri pozitiv. U angazhove në zgjidhjen e problemit, në vend se të fillosh të ankohesh.”

Çdo njëri prej nesh le të shikoj se me çfarë probleme ballafaqohet dhe a mund t’i zgjidh ato me lehtësi para se të filloj të mendojë për ankesa.

02/07/2025

Dituria e Bariut

Isai alejhis-selam kishte takuar një bari delesh në shkretëtirë dhe i kishte thënë: “O njeri, e kalove jetën duke qenë rojtar-bari në shkretëtirë. Sikur ta kishe kaluar jetën duke kërkuar dituri, do të ishte më mirë për ty!”

Rojtari i tha: ” O Pejgamber i Allahut, nga dituria i kam mësuar gjashtë gjëra (mesele) dhe i praktikoj shumicën e tyre, e ato janë:

Çështja e parë: derisa të ekzistojë hallalli, nuk do të ha haram!

Çështja e dytë: derisa të ekzistojë drejtësia, nuk do të gënjej.

Çështja e tretë: derisa ti shoh të metat-mëkatet e mia, nuk do të merrem me të metat e të tjerëve.

Çështja e katërt: përderisa shejtani nuk ka vdekur, nuk do të jem i sigurt prej tij.

Çështja e pestë: derisa arkën e Allahut xh.sh. po e shoh se është plotë, nuk do t’i drejtohem arkave të krijesave.

Çështja e gjashtë: derisa nuk i shoh këmbët e mia të më shpijnë drejt Xhennetit, nuk jam i sigurt se do t’i shpëtoj zjarrit të Xhehennemit.”

Isai alejhis-selam i tha: “Kjo është dituria e të parëve dhe të mbramëve, paske lexuar dhe e paske ruajtur këtë dituri

01/07/2025

"Ai lejoi dy detet të përplasen mes veti. Ndërmjet tyre është një pengesë që ata nuk e kapërcejnë". (Er-Rahman, 19-20)

Ky ajet i mrekullueshëm përshkruan një skenë që është njëkohësisht fizike dhe metafizike, tokësore dhe hyjnore. Dy dete që takohen, përplasen, por nuk përzihen. Edhe pse duken afër, ato ruajnë veçantinë e tyre, ndarjen, karakterin.

Një nga kuptimet e njohura është pamja e jashtme e këtij fenomeni – uji i kripur dhe ai i ëmbël që rrjedhin pranë njëri-tjetrit pa u përzier. Një shembull natyror i kësaj mrekullie është në Brazil, aty ku takohen “dy ujërat”, njëri me ujë të errët dhe tjetri me ujë të turbullt dhe ngjyrë kafe. Por Kurani nuk flet për një rast të veçantë. Ai flet për një ligj të vendosur në krijim, një rend të padukshëm që i tejkalon kufijtë e gjeografisë.

Një tjetër kuptim lidhet me historinë e Tokës, me transformimet që ajo ka përjetuar gjatë epokave. Dikur, sipas disa mendimeve, toka ishte mbuluar nga ujërat, derisa Zoti krijoi ndarje, e ujërat u tërhoqën dhe dolën kontinentet. Kështu, aty ku dikur dy dete përplaseshin, u vendos një “barzakh” – një pengesë, një ndarje, një ndalim i përzierjes.

Por ka dijetarë që mendojnë se këtu nuk kemi të bëjmë vetëm me ujë, por me dy rrjedha, dy realitete, dy dimensione që ecin paralelisht pa u përzier.

Pikërisht këtu është ngritur një ide intriguese: ndoshta këto “dy dete” janë vetë bota e njerëzve dhe bota e xhinëve. Dy realitete që bashkëjetojnë, përplasen, por nuk shkrihen kurrë plotësisht me njëra-tjetrën. Te komentet e Kurtubiut, në librin "El-Xhami' li Ahkam el-Kur'an" hasim këtë perspektivë mistike, ku thuhet se sikur që njerëzit kanë lindjen dhe perëndimin e tyre, edhe xhinët i kanë të tyret – madje edhe oqeanet e tyre. Dhe ndarja mes këtyre dy botëve është pikërisht ajo pengesë e padukshme që përmend ajeti.
Ky simbolizëm përforcohet edhe më shumë në tregimin e Musait a.s. dhe Hidrit, të cilët u takuan në “vendin ku bashkohen dy detet” – Mexhme‘ el-Bahrejn. Dy dete të dijeve: dija profetike e Musait dhe dija e veçantë e Hidr-it, që nuk ndjek rregullat e shpalljes së zakonshme. Veprimet e Hidrit – vrasja e një fëmije, dëmtimi i një anijeje – nuk kuptohen nga sistemi i njohur i Sheriatit, sepse ai vepron në bazë të një dijeje tjetër, të dhënë drejtpërdrejt nga Zoti. Dhe kur Musai provoi të "notonte" në atë "det të panjohur", ai nuk mundi ta përballonte.

Ashtu si krijesat e detit që nuk mund të jetojnë në çdo lloj uji, edhe ne, si njerëz, nuk mund të lëvizim lirshëm në të gjitha dimensionet e dijes dhe ekzistencës. Ekziston një urtësi e fshehur në këtë ndarje, një "berzakh", një pengesë, një kufi që Zoti ka vendosur midis realiteteve.

Ky ajet, pra, nuk është vetëm një përshkrim natyror. Është një ftesë për të kuptuar botën përtej syrit, për të reflektuar mbi ndarjet që ruajnë rendin dhe mbi përplasjet që ndodhin pa u shkrirë. Dy dete që përplasen, por nuk e tejkalojnë njëri-tjetrin; Si dija dhe padija; Si forca dhe urtësia; Si materia dhe shpirti.

Allahu A'lem!

Dr. Xhemail Çupi

01/07/2025

Një rrobaqepës i vjetër jetonte në një fshat të vogël dhe qepte rroba shumë të bukura dhe i shiste me një çmim të mirë, një ditë, një fshatar i varfër erdhi tek ai dhe i tha:

Ju fitoni shumë para nga biznesi juaj, pse nuk i ndihmoni të varfrit e fshatit?!
Shikoni kasapin e fshatit që nuk ka shumë para dhe megjithatë çdo ditë shpërndan copa mish falas për të varfërit.
Rrobaqepësi nuk iu përgjigj dhe buzëqeshi butësisht.

I varfëri doli i mërzitur nga rrobaqepësi dhe përhapi thashetheme në fshat se rrobaqepësi ishte i pasur, por koprrac, ndaj fshatarët u inatosën me të.

Pas pak rrobaqepësi i vjetër u sëmur dhe asnjë nga fshatarët nuk i kushtoi vëmendje dhe ai vdiq i vetëm.
Kaluan ditët dhe fshatarët vunë re se kasapi nuk po u dërgonte më mish falas të varfërve.
Kur u pyet përse, ai tha:

Se rrobaqepësi i vjetër që më jepte çdo muaj një shumë parash për t'u dërguar mish të varfërve vdiq, por kjo u ndal me vdekjen e tij.

Disa njerëz mund të mendojnë keq për ty, e të tjerë mund të mendojnë se je më i pastër se uji i resë, dhe këto nuk do të të bëjnë dobi dhe nuk do të të dëmtojnë, ajo që ka rëndësi është e vërteta jote dhe ajo që di Zoti për ty.

Mos gjykoni askënd nga ajo që shihni prej tij, ai mund të ketë gjëra të tjera në jetën e tij nëse do t'i dinit do të ndryshonit gjykimin tuaj për të.

01/07/2025

Ngjarja ndodhi kur vajzat e ikonës së boksit Muhamed Ali arritën në shtëpinë e tij me rroba mjaft provokuese. Kjo është një histori e treguar nga një prej vajzave të tij:

"Kur më në fund mbërritëm, shoferi shoqëroi motrën time më të vogël Lejla dhe mua në shtëpinë e babait tim. Si zakonisht, ai u fsheh pas derës duke pritur të na trembte. Shkëmbyem shumë përqafime dhe puthje njëri me tjetrin. Më pas, babai na shikoi bukur mirë.

Pastaj ai më uli në prehrin e tij dhe tha diçka që nuk do ta harroj kurrë. Ai më shikoi drejt e në sy dhe më tha:

'Hana, gjithçka që Zoti e krijoi të vlefshme në botë është e mbuluar dhe është e vështirë për të arritur deri te ajo. Ku ndodhet diamanti? Thellë në tokë, e mbuluar dhe e mbrojtur. Ku ndodhen perlat? Thellë në fund të oqeanit, të mbuluara dhe të mbrojtura në një guacë të bukur. Ku ndodhet ari? Poshtë në minierë, i mbuluar me shtresa e shtresa guri. Ju duhet shumë mund për të arritur tek ato".

Ai më hodhi me një shikim serioz dhe më tha: "Trupi juaj është i shenjtë, kurse ju jeni shumë më të çmuar se diamantet, perlat dhe ari nën tokë, ... ".

30/06/2025

Thjeshtësia dhe funksioni i reziston çdo kohe.