Hassen Ige Osman

Startseite
Deutschland
Ludwigshafen
Hassen Ige Osman

This is my official page

13/12/2025

Wafti heer federaal iyo deegaan ah oo uu hoggaaminayo Madaxweyne Ku-xigeenka DDS, Ibraahim Cusmaan Faarax, ayaa booqday Mashruuca Waraabka Galbeedka Goday, halkaas oo uu si wanaagsan uga socdo wax-soo-saarka dalagyo kala duwan sida bariis, qamadi, sisin iyo calafka xoolaha. Madaxweyne Ku-xigeenku wuxuu sheegay in inkasta oo kulayl ka jiro qaybo ka mid ah DDS, haddana dadaallo ballaaran lagu xoojinayo wax-soo-saarka beeraha si loo yareeyo ku tiirsanaanta gacan shisheeye, maadaama deegaanku hodan ku yahay dhul wax-soo-saar leh.

12/12/2025

Eritrea ayaa markale ku dhawaaqday inay ka baxday ururka IGAD.

Dowladda Asmara waxay sheegtay in IGAD muddo dheer ka gaabisay hawlihii loo igmaday, isla markaana ay ciyaartay “door waxyeello leh” oo ka dhan ah danaha gobolka, gaar ahaan Eritrea.

Eritrea waxay xustay inay door muhiim ah ka qaadatay dhisidda IGAD tan iyo 1993, balse sanadihii dambe ururku uu noqday mid aan waxtar u lahayn xasiloonida iyo horumarka Geeska Afrika.
Eritrea ayaa horey uga baxday IGAD 2007, waxayna dib ugu soo laabatay 2023 iyadoo rajeynaysa isbeddel, hase yeeshee waxay sheegtay inuusan ururku fulin waajibaadkiisa sharciyeed. Sidaas awgeed ayay mar kale u go’aansatay inay ka baxdo

12/12/2025

Shirkadda Ethiopian Airlines ayaa maanta la wareegtay diyaarad cusub oo Boeing 787-8 Dreamliner ah. Diyaaraddan cusub waxay qaadi kartaa 213 rakaab, waxayna sare u qaadaysaa adeegga raaxada iyo tayada duulimaadyada. Tirada guud ee Dreamliner-yada ay leedahay shirkaddu waxay hadda gaartay 30 diyaaradood.

11/12/2025

Maxay yihiin adeegyada aad ku heli karto Fayda ID-?

👉 Adeegyada Maaliyadda
👉 Adeegyada Boostada
👉 Duulimaadyada gudaha dalka
👉 Diiwaangelinta iyo xaqiijinta ardayda
👉 Adeegyada isgaadhsiinta (Telecom)
👉 Tigidhka tareenka Addis–Jabuuti
👉 Xaqiijinta iyo diiwaangelinta dukumentiyada
👉 Adeegyada yaryar iyo kuwa fudud
👉 Diiwaangelinta iyo soo saarista ruqsadda ganacsiga

10/12/2025

Booliiska ayaa Addisababa ku xidhay laba Tiktoker oo lagu kala magacaabo Adoney iyo Jani sida wararku tibaaxayaan. Walise lama cadeynin sababta rasmiga ah ee loo xidhay.
Maalmahan booliska ayaa xabsiga dhigay tiro Tiktoker ah oo la yimid dhaqan soo galooti ah oo ka baxsan anshaxa shacabka.

10/12/2025

📌 Sheeko Qalbiga Taabanaysa oo Ku Saabsan Jacaylka Hooyo.

Sheekadan Murugada iyo tacajabka leh waxay Ka Timid Dhulka Sacuudiga.
Mararka qaarkood xoogga jacaylka hooyo ayaa ka weyn muranka maxkamadda iyo dood kasta oo aduunyo!

Sheekadan naxdinta leh waxay ka hadlaysaa laba wiil oo walaalo ah oo maxkamad u galay cidda mudan inay daryeesho hooyadood oo da' ah—ma aha hanti, mana aha dhaxal, balse waa sharafta iyo fursadda loo helo daryeelka hooyo.

👤 Walaalka Weyn ( Hantii leh)

"Anigu waxaan leeyahay dhaqaale iyo awood aan ku siiyo hooyaday nolol raaxo leh, waa aniga midka ugu habboon daryeelkeeda!"

👤 Walaalka Yar (nolol dhexdhexaad ah)

"Anigu inkastoo aanan hanti badan lahayn, haddana waxaan leeyahay xoogga, dulqaadka iyo awoodda aan hooyaday ugu qaadi karo gacmaha, ugu adeegayo, uguna daryeeli karo maalin iyo habeen."

⚖️ Go'aankii Maxkamadda

Kadib markii uu garsooruhu arkay jacaylka labadooda, wuxuu xoogga saaray cidda awood u leh daryeel jidheed. Wuxuu go’aansaday in hooyadu la joogto walaalka yar, maadaama uu awood u leeyahay inuu si joogto ah u qaado, jidhka ugu maydho, uguna adeego.

💔 Ilmada Walaalka Weyn

Walaalka weyn oo qalbi jab ku dhacay, maxkamadda dhexdeeda ayuu la ooyay—ilmadiisuna waxay taabatay dadkii joogay oo dhan. Waxaa laga dareemay qaddarinta qof uu hooyadii u hayay—ilmo hooyo darteed u daadatay oo ku noqotay mid warbaahinta si weyn uga hadasho.

🌙 Casharka Sheekadan

Sheekadan waxay xasuusin xooggan u tahay qiimaha weyn ee waalidka gaar ahaan hooyada.
Dalalka Carabta waxaa sharaf weyn loo arkaa in waalidka lagu haysto guriga, laguna daryeelo gacanta ubadkii ay dhashay, ee aan loo geyn xarumo kale.

Nebi Muxamed (SCW) wuxuu yiri:
“Jannada waxay ku jirtaa hooyada cagahaheeda hoostooda.”

🤲 Alle ha inaga dhigo kuwa dhowra xuquuqda waalidkood, oo hooyadood ku daryeela jacayl, sharaf iyo xurmo. Aamiin.

Haddii sheekadan aad ka heshay ❤️
La wadaag (Share) si ay qalbiyo badan u taabato!

🌴🌴🌴

10/12/2025

📌 Jarmalka oo Xoojinaya Iskaashiga uu la Leeyahay Itoobiya

Jarmalka ayaa xaqiijiyay inuu sii xoojinayo iskaashiga horumarineed ee uu la leeyahay Itoobiya, isaga oo ballan qaaday 206 milyan oo Yuuro oo taageero ah. Taageeradan waxay ku wajahan tahay dib-u-habaynta dhaqaalaha, xasilloonida dalka, iyo gargaar loo fidinayo bulshada ay dhibaatooyinka saameeyeen.

Intii lagu guda jiray kulamo ka dhacay Addis Ababa, labada dal waxay kala saxiixdeen heshiis iskaashi oo 3 sano ah (2025–2027). Kulanku wuxuu diiradda saaray horumarinta suuqyada, fududeynta ganacsiga, maalgelinta tamarta, iyo iskaashiga la xidhiidha la dagaallanka isbeddelka cimilada.

Itoobiya waxay uga mahadcelisay Jarmalka doorka muuqda ee uu ku leeyahay horumarinta dalka, iyadoo la adkeeyay in labada dal ay sii wadi doonaan xidhiidhkooda iyo iskaashiga muddada dheer.

10/12/2025

Bangiga qaranka Itoobiya waxa uu si rasmi ah u bilaabag isku xidhka aqoonsiga dijitaalka ah ee Fayda iyo nidaamka bangiyada. Tani waa qayb muhiim ah oo ka mid ah qorshaha dalka ee dijitallynta maaliyadda.
Bangiga Dhexe ayaa soo saaray bayaan arrintan ku saabsan.
Dadka isticmaala akoonada bangiyada iyo kuwa furanaya akoonno cusub ayaa labadaba laga rabaa aqoonsiga qaranka.

09/12/2025

Wasiirka Arrimaha Dibadda Itoobiya, Dr. Gedeon Timotiwos, ayaa maanta xafiiskiisa kulan kula yeeshay Wasiirka Arrimaha Dibadda Falastiin, Varesen Agbekiyan Shaheen.

Labada wasiir waxay ka wada hadleen arrimaha nabadda iyo amniga ee gobolka iyo kuwa caalamiga ah.

09/12/2025

Guddiga Doorashada Qaranka ayaa ku dhawaaqay jadwalka rasmiga ah ee doorashada 7-aad ee dalka.

🗳️ Maalinta codeynta:
Isniin – Ginbot 24, 2018 E.C

📊 Natiijada rasmiga ah:
Sene 4, 2018 E.C

Jadwalka muhiimka ah ee doorashada:

✔️ Diiwaangelinta musharraxiinta:
Tir 1 → Yekatit 1

✔️ Ololaha doorashada:
Tir 1 → Ginbot 19

✔️ Diiwaangelinta codbixiyeyaasha (gacanta):
Yekatit 7 → Megabit 7

✔️ Is-diiwaangelinta teknolojiyada (self-registration):
Tir 15 → Megabit 7

Natiijooyinka hordhaca ah:

📌 Dadka codeeya Ginbot 24 waxay natiijada hordhaca ah ka arki karaan goobta codbixinta maalinta xigta.

📌 Natiijooyinka ku-meel-gaadhka ah ee heer Deegaan :
Ginbot 25 → Ginbot 29

📌 Deegaanadu waxay natiijooyinka usoo gudbinayaan guddiga dhexe:
Ginbot 26 → Sene 1

📌 Guddiga Doorashada wuxuu xaqiijinayaa natiijada:
Ginbot 27 → Sene 2

🟦 Natiijada rasmiga ah ee doorashada:
Khamiis – Sene 4, 2018 E.C

09/12/2025

Daahfurka 7aadka waxsoosaarka Deegaanka.

09/12/2025

Booliska Federaalka Itoobiya ayaa sheegay inay bilaabeen baadhitaan iyo dacwad ka dhan ah dad ku labistay dhar ka hor imanaya dhaqanka iyo anshaxa dalka, kuwaas oo si toos ah loogu arkay xafladii G-Power TikTok Creative Award oo dhawaan ka dhacay Addis Ababa.

Boolisku waxay sheegeen in dadka dharka aan habboonayn soo xidhay, kuwa barnaamijka diyaariyay, iyo kuwa maalgeliyayba la soo qabtay, lana bilaabay baaritaan lagu caddeynayo masuuliyadda ay ku leeyihiin arrintaas.

Magacyada shakhsiyaadka lala xidhay waxaa ka mid ah:

1. Wengelawit Gebre Endrias Berhe
2. Berket Tsegaye Jifar
3. Mekdem Dereje Mengistu
4. Girum Gezahegn Kechene
5. Yohannes Mekonnen H/Mariam

Boolisku waxay sheegeen inay arrintan u arkaan mid dhaawacaysa dhaqanka iyo qiyamka bulshada, ayna doonayaan in ay ka hortagaan saamayn taban oo ay ku yeelato jiilka cusub.

Adresse

Mudenheimer Str 255
Ludwigshafen
67061

Telefon

+4917641877705

Webseite

http://hassenige.com/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Hassen Ige Osman erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.