Hassen Ige Osman

12/01/2026

Booliiska Fadaraalka Itoobiya ayaa sheegay inuu dhawaan gaadiidka ay ku shaqeeyaan ciidamadu lagu xidhi Taarikooyin casri ah oo loohu talagalay hawlgallada iyo shaqooyin ka ay ciidamadu hayaan.

12/01/2026

Aroos lacag badani ku baxday oo u baaqday sabab la yaableh.

Sheeko aroos oo maalmahan ka dhacday magaalada Addis Ababa, isla markaana hadal-hayn weyn dhalisay, ma ahayn mid caan ku noqotay qarash badnaanta, balse waxay caan ku noqotay sida lama filaanka ah ee ay ku dhammaatay.

Dhammaan diyaargarowgii arooska waa la sameeyay; hoolkii waa la qurxiyay, cunto iyo cabbid waa la diyaariyay, balse aroosku wuu fashilmay sababo la xidhiidha in aroosaddii iman weyday.
Sheekadu waxay ahayd sidan: Lamaanahan oo sanado badan is yaqaanay, isla markaana ninku ku noolaa dibadda, ayaa si weyn isugu diyaariyay guurkooda. Tusaale ahaan, kaliya cunnada kitfada ah waxaa horay loo bixiyay 450,000 birr. Qurxinta hoolkana si heer sare ah ayaa loo sameeyay maalmo ka hor arooska.

Hase yeeshee, khilaaf ka dhashay habeenkii ka horreeyay arooska iyo maalintii la rabay in la meheriyo ayaa wax walba burburiyay.
Aroosaddu waxay dalbatay in baadhitaan caafimaad la sameeyo ka hor guurka, halka aroosku uusan oggolaan ama uusan waqti u helin. Intaas kadib, warar iyo shaki ah in aroosku horay u guursaday oo uu leeyahay shan carruur ah ayaa soo baxay, taasoo sii hurisay khilaafka. Isku daygii odayaasha ee dhexdhexaadinta isna wuu fashilmay.
Ugu dambayn, maalintii arooska, arooska iyo saaxiibbadiisii iyagoo diyaar ah ayay sugayeen, balse aroosaddu way diidday inay timaaddo. Qaar ka mid ah martidiina ma iman markii ay maqleen arrinta. Arooskii malaayiin birr lagu bixiyay wuxuu ku dhammaaday in aroosku keligiis sawir ku galo hool madhan, kadibna uu gurigiisa ku laabto.
Sheekadan waxay cashar u noqotay dad badan, iyadoo muujisay dhibaatada ka dhalata guur aan isfaham ku dhisnayn, isla markaana tilmaantay muhiimadda ay leedahay hufnaan, kalsooni, iyo is-faham ka hor inta aan la gelin kharash iyo diyaargarow weyn.

11/01/2026

11/01/2026

Raiisulwasaare Abiy Ahmed oo qoraal soo dhigay bartiisa Facebook ayaa sheegay inay Madaxweynaha Jabuuti ka wada xaajoodeen qodobo ay kamid yihiin arrimo juqraafi-siyaasadeed, amniga mandaqadda, ganacsi labada dal, saadka iyo arimaha horumarka.

11/01/2026

Raiisulwasaare Abiy Ahmed ayaa saaka ka degay Jamhuuriyadda Jabuuti.
Waxaana garoonka diyaaradaha ee caasimadda Jabuuti-na ku qaabilay Madaxweyne Ismaaciil Cumar Geele.

10/01/2026

"Aragtida ama himiladu halka loo socdo ayay tilmaantaa, wadajir kuna awood buu abuuraa. Labadaa marka laysku daro, berri ayay dhisaan." Abiy Ahmed, Raiisulwasaaraha Itoobiya

10/01/2026

Xogta kooban ee garoonka diyaaradaha ee Bishoftu.

10/01/2026

Dawlada ayaa 3bilood ka ganaaxday inay shidaal hesho kaalin ku taala gobolka Arsi oo lagu eedeeyay inay si aan loo baahnayn ukhasaarisay shidaal lagu soo iibiyay lacagta adag ee sida aadka ah loo raadiyo.

Kaalintan ayaa laga baahiyay muuqaallo muujinaya inay shidaalka wadada ku shubiyeen taas oo ka baxsan sharciga uyaala kaalmaha oo ay kow ka tahay in la ilaaliyo shidaalka, loona adeegsado oo kaliya ujeedka loogu talagalay.

10/01/2026

10/01/2026

Dhismaha garoonka diyaaradaha ee Bishoftu oo saaka si rasmi ah loo bilaabay.
Xogtiisa hoos ka akhri

Bishoftu oo qiyaastii 40 km koonfur-bari kaga beegan Addis Ababa, kuna taalla 1,910 mitir oo ka sarreeya badda, waxaana la sheegaa inay ku habboon tahay hawlaha diyaaradaha, isla markaana ay u wanaagsan tahay rakaabka ku socda ama ku sii hakada (transit).

Marxaladda koowaad ee garoonka ayaa qaadi doonta 60 milyan oo rakaab ah sanadkii, marka uu dhammaadana wuxuu ka mid noqon doonaa xarumaha ugu horreeya gaadiidka cirka caalamka, iyadoo awoodda guud mustaqbalka ay gaari doonto 110 milyan oo rakaab ah sanadkii.

09/01/2026

Kulan looga hadlayey dardargelinta jidka xawaaraha sare ee Maa’iso ilaa Diridhabe, oo ku kacaya 62.5 bilyan oo Birr, ayaa lagu qabtay magaalada Jigjiga.

Kulanka waxaa hoggaaminayey Madaxweyne Ku-xigeenka DDS, Mudane Ibraahim Cusmaan Faarax, waxaana ka soo qayb-galay Wasiirka Wasaaradda Waraabka iyo Dhulka Jooggiisu Hooseeyo ee JDFI Dr. Abraham Belay, masuuliyiinta shirkadda dhisaysa jidkan iyo maasuuliyiin heer deegaan ah. Kulanka ayaa looga hadlay dhismaha iyo dardargelinta mashruucan.

Sidoo kale, intii uu kulanku socday waxaa looga hadlay dhamaystirka jidka laamiga ah ee Jigjiga – Tuli – Lowanje – Dulcad – Semekaab – Harmukaale.

08/01/2026

Itoobiya waxay ka gashay darajada 65-aad marka la eego aqoonta luqadda Ingiriisiga ee dadkeeda, iyadoo laga qiimeeyay 123 dal.
Darajadan awgeed, Itoobiya waxay ku jirtaa waddamada leh heer hoose oo aqoonta Ingiriisiga ah.
Hay’ad caalami ah oo cabbirta heerka aqoonta Ingiriisiga ee dadyowga adduunka ayaa sheegtay in Koonfur Afrika iyo Zimbabwe ay kaalinta 13-aad ka galeen qiimeynta, iyagoo noqday dalalka Afrika ugu horreeya, isla markaana galay heerka lagu tilmaamo “aad u sarreeya”.
Dalalka kale ee Afrika ee Itoobiya ka horreeya waa Nigeria, Zambia, Ghana iyo Uganda. Suudaan waxay gashay kaalinta 106-aad, halka Soomaaliya ay gashay 119-aad. Guud ahaan, 28 dal oo Afrikaan ah ayaa lagu daray qiimeyntan.