29/06/2025
حسبي الله ونعم الوكيل.....
💔 كانوا ناطرين لمّ الشمل بهولندا
كانوا ناطرين يوصلوا ويبلشوا حياة من أول وجديد
حياة بلا خوف، بلا حرب، بلا وجع
أوروبا… صارت حلم لكل حدا عاش وجع وافرازات الحرب السورية لسنوات كتير
بس يا خسارة…
القدر كان يخبي قصة تقطع القلب
الصغير حسين من حي الأشورية تكهرب من المولدة
صار جسمو يرتجف، وصوتو ينادي ويصرخ بحرقة
الأب، ناصر، شاف ابنو عم يتعذب
ما فكر، ما حسبها، ما سأل شو ممكن يصير
شو بدك تعمل وقت تشوف دمك ولحمك عم ينحرق قدامك؟
بشو بدك تفكر وانت شايف ابنك، روحك، حلمك اللي يكبر قدام عينك بيموت؟
كل شي توقف… الدنيا صارت سودا بعيونو
ركض… ركض الأب بقلبو قبل رجلو
ركض يشيل ابنو من بين أسلاك الموت
بس الكهربا ما فرقت وما رحمت …
سحبت الأب كمان
وقعوا جنب بعض…
الحلم انتهى، السفر ما كمل، خلص كل شي
وتوقف كل شي… إلا المولدة
المولدة ضلت تشتغل
بس الأب وابنو… رحلوا للسما
وبقيت قصة وفا وتضحية وحب تتبقى تنذكر لاجيال كتير
الله يرحمهم ويغفر لهم............
ياسر حسين
