Was ist die Webseite?

Tempulli

Informohu për ngjarjet e fundit! Më afër me ju!

19/11/2025

Ja si funksionon procedura e regjistrimit në sistemin EES (shembull nga aeroportet italiane):

Kur afrohesh te pajisja, hapi i parë është skanimi i pasaportës. Pajisja e lexon automatikisht dhe verifikon të dhënat.

Më pas, ekrani të kërkon të qëndrosh drejt dhe të shikosh në kamera. Bëhet fotografimi i fytyrës, një proces që zgjat vetëm disa sekonda.

Vazhdon me marrjen e gjurmëve të gishtërinjve: vendos gishtat në skaner sipas udhëzimeve në ekran. Skanimi mund të kërkojë disa gishta, në varësi të pajisjes.

Kaq është procedura. Ajo realizohet vetëm një herë, gjatë hyrjes tënde të parë në zonën Shengen. Në udhëtimet e mëvonshme, sistemi të njeh automatikisht.

Nga prilli 2026 pritet funksionimi i plotë i EES dhe nisja e ETIAS, i cili do të kushtojë 20 euro për person.

Në periudhat me fluks të lartë udhëtarësh, policia kufitare mund të pezullojë përkohësisht EES dhe të përdorë kontrollin klasik me skanim e vulosje pasaporte, për të shmangur pritjet e gjata.

19/11/2025

Nuk i prisja vërshëllimat në shtëpinë time, më dhemb.

17/11/2025

Para disa dite në Gjakovë, me veturë e drejt në dyqan.

17/11/2025

Moment epik para ndeshjes në Tiranë! 🤣

Kur vjen për ndeshje…por s’të le porta! 😅⚽️

17/11/2025

Aubrey Drake Graham, i njohur si Drake, në profilin e tij zyrtar në Instagram () ka publikuar një seri fotosh, ku në njërën prej tyre shihet një grup shqiptarësh të veshur me xhaketa që mbajnë simbolin e shqiponjës dykrenare.

17/11/2025

Fokusi tek djali në shkallët e stadiumit.

13/11/2025

Danimarka po përgatitet të vendosë një moshë minimale ligjore për përdorimin e mediave sociale. Qeveria dhe partitë parlamentare janë pajtuar që kufiri të jetë 15 vjeç, megjithëse prindërit do të kenë të drejtën t’u lejojnë fëmijëve hyrjen që në moshën 13 vjeç.

Sipas Ministrisë së Çështjeve Digjitale, masa synon të mbrojë fëmijët dhe të rinjtë nga rreziqet që lidhen me botën online, duke u dhënë më shumë kohë për zhvillim, lojë dhe pushim, para se të krijojnë profile publike që mund të jenë të rrezikshme.

Ende mbetet e paqartë se cilat platforma konkretisht do të përfshihen në ligj dhe kur do të nisë zbatimi. Në marrëveshje përmendet vetëm se kufizimet do të aplikohen në platformat më të mëdha ku përdoruesit krijojnë profile publike dhe ku ekziston rreziku për ndikime negative tek të rinjtë, si çrregullimet e gjumit, presioni social dhe humbja e përqendrimit.

Danimarka po synon të bëhet një nga vendet e para të BE-së që ndërmerr një hap të tillë, duke planifikuar ta shtyjë këtë çështje edhe në nivel evropian. Si inspirim për modelin ligjor shërben Australia, e cila tashmë ka vendosur kufizime të ngjashme dhe lejon përdorimin e platformave si TikTok, Snapchat, YouTube, Facebook dhe Instagram vetëm nga mosha 16 vjeç.

13/11/2025

Një pjesë e një ure të madhe të hapur së fundmi u shemb të martën (11/11) në provincën Sichuan të Kinës jugperëndimore përgjatë një autostrade kombëtare që lidh zonat e thella të vendit me Tibetin, por nuk pati raportime për viktima.

Sipas Reuters, policia në qytetin Maerkang kishte ndaluar hyrjen në Urën Hongqi 758 metra të gjatë të hënën pasdite, pasi u shfaqën çarje në shpatet dhe rrugët aty pranë dhe një shpat mali u pa duke lëvizur, sipas qeverisë lokale.

Ura e hyrjes dhe shtrati i rrugës u shembën, duke shkaktuar rrëshqitje t**e.

13/11/2025

Robert De Niro, një nga emrat më të mëdhenj të Hollywood-it, do të jetë pjesë e një filmi ndërkombëtar që trajton luftën e Kosovës dhe Masakrën e Reçakut.

Lajmin e konfirmoi producenti kosovar Fitim Krasniqi, i cili zbuloi se De Niro do të interpretojë rolin e babait të tij.

Në një intervistë për Blendi Fevziun, Krasniqi tregoi:

“Filmi rrëfen historinë e babait tim dhe atë që ndodhi në Kosovë gjatë luftës. Babai im u plagos dhe më pas u dogj i gjallë. Ky projekt është një homazh për të dhe për të gjithë ata që u sakrifikuan.”

Projekti pritet të përfshijë 71 aktorë nga Hollywood-i, ndërsa xhirimet do të nisin vitin e ardhshëm, pas disa vonesave organizative.

Sipas Krasniqit, filmi synon të paraqesë tragjedinë dhe qëndresën e popullit të Kosovës përmes një historie thellësisht personale me mesazh universal.

13/11/2025

Një studim i ri tregon se mësimi dhe zotërimi i disa gjuhëve mund të ketë ndikim pozitiv në procesin e plakjes. Sipas “FemaleFirst”, kërkimi me 86 mijë persona të moshës 51–90 vjeç në 27 vende të Evropës zbuloi se individët që flasin tre ose më shumë gjuhë shfaqin më pak shenja të “plakjes së përshpejtuar” krahasuar me ata që flasin vetëm një.

Hulumtuesit nga Qendra Baske për Trurin, Gjuhët dhe Aftësitë Njohëse krahasuan moshën biologjike të pjesëmarrësve – bazuar në tregues fizikë, njohës dhe të stilit të jetesës si shëndeti i zemrës, niveli i aktivitetit dhe cilësia e gjumit – me moshën e tyre reale. Ata zbuluan se shumëgjuhësia lidhej me plakje më të ngadalshme të trupit dhe trurit.

Sipas ekspertëve Jason Rothman dhe Federico Gallo nga Universiteti i Lancasterit, të dish më shumë gjuhë nuk sjell vetëm përfitime kulturore e sociale, por mund të kontribuojë edhe në plakje më të shëndetshme.

13/11/2025

Departamenti i Shtetit të SHBA-së ka njoftuar se gjendjet shëndetësore që mund t’i shkaktojnë barrë financiare shtetit mund të çojnë në refuzim të vizës. Në një memorandum të dërguar ambasadave, thuhet se aplikuesit duhet të vlerësohen edhe për probleme si obeziteti, i cili mund të shoqërohet me astmë, apne të gjumit, tension të lartë dhe sëmundje të tjera kronike.

Dokumenti thekson gjithashtu rrezikun nga sëmundjet kardiovaskulare, respiratore, kanceri, diabeti dhe çrregullimet metabolike dhe mendore, të cilat mund të kërkojnë trajtime shumë të kushtueshme dhe kujdes afatgjatë.

Ky zhvillim vjen në kohën kur presidenti Donald Trump po ndjek një qasje më të ashpër ndaj imigracionit, duke premtuar deportime masive dhe masa më të forta sigurie. Ndërkohë, statistikat globale tregojnë se obeziteti dhe diabeti janë në rritje, me rreth 42 për qind të të rriturve në SHBA që janë obezë, sipas CDC-së.

13/11/2025

Google ka njoftuar se do të investojë 5.5 miliardë euro në Gjermani gjatë katër viteve të ardhshme, duke ndërtuar një qendër të re të dhënash në Dietzenbach dhe duke zgjeruar ato ekzistuese në Mynih, Frankfurt dhe Berlin.

Qeveria gjermane e vlerësoi këtë si një hap të rëndësishëm për ta kthyer vendin në një qendër udhëheqëse të infrastrukturës digjitale në Europë. Sipas Google, investimi pritet të sjellë rreth 9,000 vende pune çdo vit deri në vitin 2029 dhe të nxisë inovacionin, AI-në dhe zhvillimin ekonomik të qëndrueshëm.

Adresse

Munich

Webseite

http://www.tempulli.info/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Tempulli erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.