25/11/2025
KONCERT FESTIV PËR FESTAT E NËNTORIT
Shoqëria Kulturo-Artistike ,,Jehona" nga Theranda, në bashkëpunim me Shoqërinë Kulturo-Artistike ,, Xheladin Zeqiri" nga Tetova, do të shfaqin të mërkurën me 26 nëntor KONCERTIN FESTIV dedikuar 28 Nëntorit - Ditës së Flamurit kombëtar dhe Shpalljes së Pavarësisë së shtetit shqiptar.
Koncerti mbahet në sallën e Shtëpisë së kulturës ,, Ukë Bytyçi", duke filluar nga ora 18:00, ndërsa hyrja është gratis për të gjithë të interesuarit.
Kemi punuar gjatë dhe profesionalisht në përgatitjen e këtij koncerti ,ndaj presim që të na vijnë bashkëqytetarët tanë, adhurues të këngëve të mirëfillta shqipe, ka thënë veterani i kësaj shoqërie, Refki Resh*taj, duke shtuar se vlerën e këtij eventi do e shtojnë edhe performancat e tetovarëve, që kanë një traditë gadi shekullore në ruajtjen dhe kultivimin e këngëve dhe valleve autoktone. Në programin "Jehonës", pos grupit të vallëtarëve, do të këndojnë Edona Resh*taj, Merfi Gashi, Jehona Lumi dhe Beçir Gashi e Ibrahim Fetaj.
,, Ejani të festojmë e të kënaqemi bashkë", thonë në Ansamblin ,, Jehona" !
