Berlin Bidarija

Berlin Bidarija Berliner Marokkaner

05/09/2025

السلام عليكم خواتي بغيت اسأل على الحالة ديالي دب أنا اخرجاتلي فيزا أنا راجلي انطلعوابجوج هاد اشهر (راجلي خدمة ابلو كارط)أبغيت النصيحة اديلكم أنا يله اخديت ماستر هاد العام ملي انطلع باش ناصحوني واش انقرا اللغة حيت ماقريتاشي ولا نقلب ب الإنجليزية متلا ولا ضرر اللغة
لي عندو شي فكرة ينصحني وشكرا جزيلا
وابغيت انسول حتى على الدكتورة لبغيت اندفاع
المدينة برلين

31/08/2025

السلام عليكم الإخوان عندي المشكل معا راجلي بغا يجري عليا من دار جاو البوليس خرجوني من دار فراون هاوس والو بلاصة قوتليهوم نمشي عند واحدة من العائلة مازال ماكملت 3سنوات عندي هنا في ألمانيا سنتين و8شهور راجلي علم الأسلاندا بيهوردا معنديش ألميندو واش ندير الترمين نمشي عندهوم ولا ندير محامي راني خدامة يالاه بديت 2 ييمانات فولتسايت

السلام عليكم خوتي 🌹أنا مغربية ساكنة فـ ألمانيا، مطلقة وعندي بنية صغيرة، عمري 25 عام.تعرفت فواحد العرس على شاب سوري عندو ...
31/08/2025

السلام عليكم خوتي 🌹
أنا مغربية ساكنة فـ ألمانيا، مطلقة وعندي بنية صغيرة، عمري 25 عام.

تعرفت فواحد العرس على شاب سوري عندو 23 عام، زوين، نقي، خدام مع دارهم ومهلي فيا بزاف. قاليا إلا تزوجنا ما غنسكنوش مع والديه، نكريو ولا نشريو دار بوحدنا. من نهار عرفتو ما قصّرش معايا فوالو، ديما حاضر وكيهتم بيا، ودابا باغي يجي عند دارنا باش يخطبني.

وفنفس الوقت، عبر الفيسبوك تعرفت على شاب عراقي شيعي عندو 28 عام، زوين حتى هو، عندو دارو يالله كملها وعايش بوحدو. خدام مزيان وكيبين بلي قادر يوفر حياة مستقرة. المشكل الوحيد فيه هو أنه كيشرب، ولكن ما كيبانش عليه بزاف، حتى إلا كان شارب كيبقى عادي وما كيديرش مشاكل. حتى هو باغي يجي يتقدم ليا.

أنا دابا محتارة بزاف وخايفة نضيع القرار. بجوج كيحماقو عليا وباغيني بالمعقول، وما بغيتش نضحك على حتى واحد فيهم.
شنو تنصحوني؟ مع من نكمل حياتي؟

لقطة ديال طارق مع طاگية رمزية جميلة جدا... برافو حريمات اداء على مدار البطولة كلها... دراري بطولة...لا تبخسو مجتهد حق...
30/08/2025

لقطة ديال طارق مع طاگية رمزية جميلة جدا...
برافو حريمات اداء على مدار البطولة كلها... دراري
بطولة...لا تبخسو مجتهد حقه....🇲🇦🇲🇦
مبروك لوليدات اللقب المستحق

والله يا خوتي، عايش هنا ف ألمانيا والراتب الصافي ديالي هو 2800 أورو. على حساب الوراق كتقول "مزيان"، ولكن فالواقع كتشوف ر...
28/08/2025

والله يا خوتي، عايش هنا ف ألمانيا والراتب الصافي ديالي هو 2800 أورو. على حساب الوراق كتقول "مزيان"، ولكن فالواقع كتشوف راسك غارق. الكرا مع الضو والما والتدفية والإنترنت كيضرب ليا 1200 أورو. الماكلة واللباس والسوبرمارشي كيطلع ما بين 800 و900 أورو. الكارط ديال المواصلات أنا والمدام 100 أورو. الروضة ديال البنية250 أورو. وزيد مصاريف صغار: هدايا، زياراتت وخرجات بالتقرزيز ... شي 100 أورو.

كنحاول نوفّر 200 ولا 300 أورو فالشهر، ولكن الصراحة بزاف ديال المرات ما كتسلكش. والأسعار؟ يا لطيف! اللي كنا كنشريوه ب50 أورو ولى اليوم ب70. الخضرة والفواكه كل سيمانة كتبدل، كتحس بحالك كتجري ورا الهواء. وأي حاجة خسرات فالدار ولا خاصها تصليح كتزيد تشد عليك الخناق.

الضغط النفسي كبير، ماشي غير من ناحية المعيشة ولكن حتى على الراس. شي مرات كنقلس كنخمم: واش نقدر نزيد نجيب طفل ثاني ونغامر، ولا نخلي الأمور هكا ونشد الأرض؟ واش 2800 أورو كافية باش عائلة صغيرة تعيش بكرامة هنا؟ ولا خاصني نقلب على خدمة أخرى باش نقدر نوقف على رجلي؟

الدار البيضاء.. فضيحةالممثلة والمؤثرة غيثة عصفور شدوها البوليس داخل شقة في حالة تلبس مع راجل مزوج بعدما مراتو بلغات بوا...
27/08/2025

الدار البيضاء.. فضيحة
الممثلة والمؤثرة غيثة عصفور شدوها البوليس داخل شقة في حالة تلبس مع راجل مزوج بعدما مراتو بلغات بواقعة الخيانة الزوجية
توقيف قبل لحظات في عشية يوم الاربعاء بمنطقة عين السبع الحي المحمدي الدار البيضاء الممثلة و المؤثرة غيثة عصفور داخل شقة رفقة رجل متزوج و فتاة أخرى.
حسب المعطيات المتوفرة بناء على مصادر من عين المكان، الموقوفين الثلاث كانو سهرانين في علبة ليلية و دخلو الدار مع الخامسة صباحا تقريبا. شي واحد من جيران شافهم و علم زوجة الرجل صاحب الشقة. من بعد جات الزوجة رفقة ابيها للدار، ما بغاوش يحلوا عليهم الباب. اتصلوا فيما بعد بالشرطة لي دخلوا الدار هذه العشية. تم اقتياد الكل الى المنطقة الأمنية عين السبع الحي المحمدي قد التحقيق و معرفة حيتيات القضية.
#غيتة #عصفور

#رسائلكــــــــم جيت نعاودليكم لان ضميري ممرتاحش مهم انا كنت مصاحبة مع البنت وديك البنت كتعرف واحد كيطلق وعندو بنت واح...
20/08/2025

#رسائلكــــــــم
جيت نعاودليكم لان ضميري ممرتاحش مهم انا كنت مصاحبة مع البنت وديك البنت كتعرف واحد كيطلق وعندو بنت واحد نهار نصحتها قتليها بعدي من راجل يقدر يرجع مرتو حيت مازال كيطلقو وهي دارت فيا وغوتت علي قاتلي ضيعت معاه وقتي وخرجت معاه وفي اخير نخليه ليها قتليها راه مرتو وام بنتو ..ماشي هذا مشكل ..المشكل الحقيقي هو هاد سيدة كتسحر هاد سيد ومراتو وعندها مشعوذ فاس وعندي دلائل وقالت لي ان مرتو ديما مريضة وانا نقول مع بالي ياكما ديك سحور مهم عودت والدة ديالي هادشي وهي تقولي الى كتعرفي ديك سيدة وصيها خدي أجر حيت والدة عندي واحد مرا مزيانة ومتقية …ديك سيدة مرتو انا مكنعرفهاش شخصيا ولكن رجعت معذبة بزاف ديما كنحلم شي حاجات وضميري معذبني ونفس وقت بقيت نتهرب من صاحبتي لان خفت ديرليا ولا تنتقم مني حيت حوايجي عندها ..دبا شنو ندير لاني خايفة من موت وناخد معايا هاد ذنوب وانا ماديرت والو ..ذنب ديالي كنت مصاحبة مع مشعوذة ..مهم غادي نحاول نلمح بعض معلومات هاد سيد ساكن في دورتموند وعندو بنت وكيطلق وهو ولد بني ملال منقدرش نقول كثر من هوكا ..بغيت ضميري يرتاح راني في عذاب 😔😔

البنات الله يخليكم، لي عندها نفس التجربة أو شي معلومة تفيدني، ما تبخلش عليا.أنا خطيبي سوري ومقيم بألمانيا، وكنوجد معاه ب...
19/08/2025

البنات الله يخليكم، لي عندها نفس التجربة أو شي معلومة تفيدني، ما تبخلش عليا.

أنا خطيبي سوري ومقيم بألمانيا، وكنوجد معاه باش ندير عقد الزواج ديالنا. جمع جميع الأوراق من سوريا، من بينهم الإقرار بالزواج أو ما يسمى بـ شهادة الكفاءة، وهاد الوثيقة مصادق عليها من وزارة الخارجية السورية.

المشكل اللي لقيت، هو منين مشيت بهاد الشهادة لـ محكمة الأسرة، قالو ليا خاصها تكون مصادق عليها حتى من الخارجية المغربية. مشيت لعندهم، ولكن رفضو، وقالو ليا هاد النوع من الوثائق خاص القنصلية السورية هي اللي تعطيه، والقنصلية مازال مسدودة فالمغرب.

أنا دابا واقفة، ما عرفت شنو ندير، شهور وأنا كنوجد الأوراق ونجري، وفـ الأخير كلشي تحيّد ليا بحال لا والو.

السؤال ديالي: واش كاينة شي بنت مغربية تزوجات بسوري مقيم بألمانيا؟ واش قدرو يديرو الزواج؟ وكيفاش داز؟ وشحال خدو من وقت؟
ولا شي طريقة قانونية نتبعها باش نكمل هاد الزواج بلا ما يتعطل أكثر.

أنا صراحة تحبطت، والله ما حس بيا غير الله.

الله يخليكم، أي وحدة عندها تجربة أو نصيحة، تعاونني ❤️🙏

#رسائلكــــــــم #نصيحة

#رسائلكــــــــم تخيل راسك فهاد الوضع:خويا مزوج غير شهرين، ساكن مع مرتو بوحدهم فمدينة ألمانية. أنا كنمشي عندهم مرة مرة...
19/08/2025

#رسائلكــــــــم
تخيل راسك فهاد الوضع:
خويا مزوج غير شهرين، ساكن مع مرتو بوحدهم فمدينة ألمانية. أنا كنمشي عندهم مرة مرة باش نشوفهم.

نهار مشيت عندهم، بقيت واقفة حدا الباب من الصباح حتال الليل وماكاين حد فالدار. فالأخير جا خويا من الخدمة، فتح ليا الباب، سولتو: فين هي مرتك؟ قالي: مشات عند مّها.

دخلت قلسنا، ولكن هي ماجتش حتى لـ 11 ديال الليل… داخلة كضحك، سلمت ومشات تنعس. أنا بقيت كنخمم: واش هادي مراتو ولا صديقة؟ واش معقول وحدة مزوجة تبات فالزنقة حتى لهاذ الوقت؟

دازت سيمانة، رجعت عندهم، لقيت نفس السيناريو: عيطت عليها مباشرة، قلات لي: أنا خارجة مع صحاباتي. جاوبتها: ولكن راه 9 ديال الليل! واش كاين شي مرت راجل كتخرج هاد الساعة؟ ماعجبهاش الحال، بدات كتجاوبني بالعكس: إيوا ملي تبغي تجي قولي ليا باش نعرف ندير بحسابي.

سكت، ولكن فقلبي كان الغليان.

المرة الثالثة مشيت عندهم نهار سبت، لقيت خويا بوحدو فدار، سولتو: وفين مرتك؟ قالي بكل برود: مشات رحلة مع صحابتها، ترجع غدا.
تصدمت 😳 واش راجل قاعد بوحدو فدار ومرتو مسافرة مع صحاباتها؟ قلت ليه بالحرف: يا تحكم فمرتك يا مانا ختك ما نتا خويا. واش بغيتي تكون ديوث والناس يهدرو فيك؟

هو ماعجبوش كلامي.
وللغد عيطت لي مراتو، قالت لي: حشومة عليك، خليتي راجلي يعيط عليا ويرجعني من السفر بسبابك! أنا عارفة حدودي وماشي ضروري تخافي نخونو… وقطعات عليا الخط.

من رسائلكمفعمري 37 سنة جاني عريس ارمل عمرو 58 سنة وعندو ولادو كبار بنات كاين لي فلجامعة و كاين لي ومزوجات و دكروة كاين ...
17/08/2025

من رسائلكم

فعمري 37 سنة جاني عريس ارمل عمرو 58 سنة وعندو ولادو كبار بنات كاين لي فلجامعة و كاين لي ومزوجات و دكروة كاين لي مزوجين وكاين لي لا ،جا خطبني انا قلت كبير بولادو ونسابو مانقدرش على مشاكلهم قالولي تزوجي لباس هو لباس عليه كان مدير متقاعد و عندو قهوة وحوانت تحت دارو كاريهم قالولي تزوجي بيه تعيشي مبرعة معاه رآه برزقو
تزوجت بيه عادي ولادو ساكنين بوحدهم وانا بوحدي هوما كل واحد فايطاج ديالو وانا الطبقة لولى ديالي ساكنة فيها مع ولادو لي ماشي مزوجين ، الأغلبية ماشي فالدار كيقراو كيجو فالليل يدخلو لبيوتهم ياكلو وينعسو .كان ماعنديش مشاكل الحمد لله ،
من بعد حملت وطاحلي البيبي و مشيت لطبببة قالتلي عادي تقدري تزيدي تحملي من تماك راجلي ماقربش ليا، او بقيت ساكته ومن بعد واجهتو قتلو من حقي نجيب لولاد قالي أنا كبرت و ماتعرفي اليوم كاين غدا ماتلقاينيش شكون غادي يهزكم ويكبر يتيم قلتلو الاعمار بيد الله وراك برزقك الحمد لله سكت ماقلي والو.
ولكن واحد المرة كنت كنهضر مع بنتو قلتليها على لحمل ديالي وطاح لبيبي كنت زعمة باغيه نتقرب منها باباك معارض خايف على راسو يموت ولولد يعيش بلا أب ، قالتلي للا بابا كتب كولشي لي عندو لولادو قسم علينا قبل مايتزوج كلشي قالتلي بالدار كتبلنا طبقة بطبقة بالحوانت بالقهوة بكلشي دبا ماعندو والو ف اسمو داكشي علاش خاف تجيبي دراري قلتلي ننصحك ماتجيبيش دراري
سولتو قلتلو علاش مشيتي بلغدر قالي كيفاش خدعتك فيك علاش تزوجتي بيا على حساب فلوسي قلتلو راك ضلمتني هكا قالي ماضلمتك ماوالو قالي هادشي عملناه انا والمرحومة هي تمرمدات وباعت ذهبها قلي شهريتي ماكانت كافية لوالو قالي هادشي من حق ولادها .
با بغيتكم تنصحوني واش نجيب لولاد معاه ولا لا هو ماشي موافق وزيد ماخلالو والو قالي عيشي باش كتب الله معايا وملي نموت ولي لداركم قالي إلى بغيتي نطلقك وتزوجي من حقك وجيبي لولاد
#نصيحة #رسائلكم

خويا انا عسكري يتيم كبرت فالخيرية عمري 23 انا مكينش فالمانيا مي بغيت نعاود قصتي مهم بلا مدكر اسمي خويا انا كنبغي واحد...
17/08/2025

خويا انا عسكري يتيم كبرت فالخيرية عمري 23 انا مكينش فالمانيا مي بغيت نعاود قصتي مهم بلا مدكر اسمي خويا انا كنبغي واحد البنت او دويت معا دارهوم كولشي عندي كونجي فشهر 9 باغي نهبط نخطبها هاد سيمانة كونا بيخير حتا مشات لواحد العرس ديال ولد خالها مدواتش معايا كاع اليوم صونيتلها جوبتني قاتلي اخويا انا ممرتاحاش معاك الله اسهل عليك والله حتا تصدمت من صباح ونا مريض فراسي دويت معا مها قاتلي بنتي مبغاتش معنديكش عائلة انا اخويا كونت كنهبط كنتقدا اي حاجة بغيتها نجبهالا لمدة 6 شهور دبا كونت باغي ندير ليها عرس فالقاعة نكبر بيها صحابي قولولي نحضرو معاك بحال عائلتك ولكن ضمرتاني انا والله عمري تفليت علا شي بنت خرجت من الخرية علا 18 مبغيتش نتبع طريق البلية ولكن دبا كيبالي نخرج مالعسكر او نهبط نعقدها فحياتها باش تعلم عييت نصبر ولكن زهر معنديش فالحياة والله اول مرة بغيت من قلبي تخورة

والله اخويا الا هاد شي لي قتليك بالحرف مكدبت عليك الا بغيتي حتا دليل عندي مرضت فراسي

17/08/2025

‎أنا تطلقت هادي 17 سنة وتنازلت على ولادي لباباهم باش يربيهم ويصرف عليهم حيت ما كنتش قادرة على المصاريف، وكان واحد خطبني ما بغاهمش، عرضت على طليقي وقال ليا أنا غناخدهم وحتى إلا بغيتي تنسيهم باش ما يديروش ليك مشاكل مع راجلك، انسيهم وما تهزيش الهم. فعلا تزوجت براجل ميسور ومحترم.. ،دبا هادي سيمانة صونيت على بنتي حيث سمعت من الناس أنها تخطبات باش نبارك ليها ونسولها على العريس، ولكن ردات عليا ببرود، وكل ما نسولها كتجاوب بكلمة قصيرة، أسلوبها ضايقني ورفعت صوتي عليها وقلت ليها أنا أمك، قالت لي أمي كيفاش وأنتي سمحتي فيا طول حياتي، دابا جيتي تهدري معايا وتخبري الناس أن بنتك غتزوج باش تاخدي الواجب ، قلت ليها هاد الكلام ما كيتقالش، قالت لي ما بغيتش نشوفك وما بغيتش منك مساعدة، ولو سمحتي إلا شفتك غنجري عليك قدام الناس، وسدات عليا الخط. صونيت على خوها ما جاوبش، وفي الأخير صونيت على باهم، وعدني أنه يهضر معاهم ويحاول يصلح الأمور، وبعد يوماين صيفط ليّا مساج وقالي عفاك ما تديش على بنتي وتضيعي فرحتها وخرجي من حياتها وديري ليها بلوك، دابا شنو ندير معاهم، نمشي عندهم ولا نخلي الأمور؟ أنا مقهورة وصعيب عليا نتخيل يجي النهار اللي يقولوا ليا اليوم عرس بنتك وأنتي ما حاضراش معاها، ما عارفاش هاد الجحود منين جاها وما عارفاش كيفاش نتصرف معاها، هي كانت صغيرة وما كانتش عارفة الظروف ديالي ولا الأسباب اللي خلاتني ندير هكا.

Adresse

Wedding

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Berlin Bidarija erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Berlin Bidarija senden:

Verknüpfungen

Teilen

Kategorie