21/12/2025
Driton Selmanaj: Prizreni i rinisë, energjisë dhe shpresës!
Kandidati për deputet dhe njëherësh kryetar i Lidhjes Demokratike të Kosovës (LDK), dega në Prizren, Driton Selmanaj, ka kaluar mbrëmjen e së dielës me të rinjtë e LDK-së në hapësirat e Shesh*t të Lidhjes, ku prej disa ditësh ka filluar aktiviteti i fundvitit “Dimri Kulturor”.
Përmes një shkrimi të publikuar në rrjetin social Facebook, Selmanaj ka vlerësuar rolin e rinisë në ndërtimin e së ardhmes së vendit, duke e cilësuar Prizrenin si qytet të rinisë, energjisë dhe shpresës.
“Këta janë të rinjtë që besojnë në vlera, në demokraci dhe në një të ardhme që ndërtohet me punë e ndershmëri. Janë zëri i guximit, i dijes dhe i përgjegjësisë për ta çuar vendin përpara. Nga Prizreni, kjo energji po përhapet në gjithë Kosovën.”
Selmanaj ka nënvizuar se Kosova ka nevojë për një rini që beson, që punon dhe që nuk dorëzohet përballë sfidave, duke i bërë njëkohësisht thirrje qytetarëve për mbështetje ndaj Lidhjes Demokratike të Kosovës në zgjedhjet e ardhshme.
