دبس سوريا - DBS Syria

دبس سوريا - DBS Syria Kontaktoplysninger, kart og anvisninger, kontaktformular, åbningstider, tjenester, stjerner, fotos, videoer og meddelelser fra دبس سوريا - DBS Syria, Digital kreatør, Copenhagen.
(384)

الدين أجتهاد وبحث وليس عناد وورث
( وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آبَاءَنَا ۗ أَوَلَوْ كَانَ آبَاؤُهُمْ لَا يَعْقِلُونَ شَيْئًا وَلَا يَهْتَدُونَ)

10/05/2025

سيكون من الجميل جداً ان نلتقي مع من نحب يوم القيامة .. ولكن ألا يجب أن نضمن أننا فعلنا نحبهم ونتبعهم ؟
لان النصارى الذين قالوا ان الله هو عيسى ابن مريم يقولون الآن أنهم يحبون المسيح ويتبعونه فهل فعلاً سيلقونه ؟
أجاب الله على هذا السؤال في القرآن الكريم ... (الآية وضعتها بالفيديو) ..
اللهم لا تعلق قلوبنا إلا بك وانزع من قلوبنا الكبر والتكبر لكي ينيرها نور الحق و تدخلها الحقيقة .. فلن ينفع عند الله محبة الأشخاص ولن ينفع مال ولا بنون .. إلا من أتى الله بقلبٍ سليم

28/12/2024

الله يسعدلي ياكم يا قلبي كيفكم جميعاً 💙
لكل يلي تابعني وبيعرفني بالواقع او بالفيس 💙
توضيح صغير بس بالنسبة للببجي وللشي يلي عملتوا أنا ... بتمنى تسمعوني وتفهموني ❤
يا ربع الببجي .. فيك تحط كاسة متة أكرك عجم و تغلي هالأبريق تخليه يقلب قلب مع احترامي لأخواتي الحماصنة يلي بحبوها فاترة 💙 وتفتح ببجي تتونس انت والشباب وتنبسط وتضحك واحلا عالم ويعدها تفتح فيس وتشوف شو ميصير بالبلد والوضع ونحكي وندردش ونقترح و ألخ .. يعني بتعيش تفاصيل يومك بأحلا ما يكون .. وبنفس الوقت تعيش هاليوم بضوابط دينية ( يعني منلعب ببجي بس مافيه داعي للمسبات والعصبية و وما منلعب بوقت الفريضة لانو بالاخير ببجي مارح تروح معنا عالقبر ولا رح نشبع من هالغيم يلي كفيتو وما صليت ) ..
وانا ماتركت الببجي لاني التزمت بالدين ابدا .. بس كنت مأبحث بشغلات كتير و كنت مخطط ومأشتغل عمشروع يلي هوي بوت التلغرام منشان خليه شامل للكل للمسلم والمسيحي والملحد وللطوائف ولكل شخص حابب يعرف الحق والحقيقة ولكل الاسئلة يلي بتخطر عبال بشري .. يعني فيك تقول حبيت قدم للبشرية شي قبل ما الله ياخد أمانتو وشي للامانة كتير محتاجينو الشباب حاليا ( انا شب وبعرف ) .. و أي عادي ممكن ارجع العب ببجي ومنلعب كلنا ومنتسلا ونجتمع وننشر وهي الامور الحمدلله تحسنت والكهربا رح تتحسن والشركة قريبا رح ترفع الحظر عن سوريا وهي رفعيتوا حاليا عن ال meta يعني فيك تربح من جوا سوريا وكتير قصص .. بس متل ما منعيش الدنيا .. منلتزم كمان بالاخرة و منخلي يوميا ورد يومي للقرآن و انا متل ماني مأعمل عم نزل عالتلغرام يعني يشهد الله ماني آخد الموضوع غير أنو متل الأخوة ومجتمعين كلنا سوا بهالغروب منتسلا سوا و منمشي بأمور دينا يومياً سوا بما يرضينا دنيا وآخرة

فيا جماعة الخير الخلاصة الدين ما بيفصلك عن الحياة .. منعيش حياتنا ومنضحك ومنتسلا .. بس ماننسى الشي يلي انخلقنا كرمالو و صلواتك كلها عبعضها مارح تاخد ساعة بالنهار وقبل ماتنام ربع ساعة قرآن وهي انا والشباب منمشي سوا كل يوم واحلا مايكون ❤ الدين هو الابتعاد عن الحرام وليس الابتعاد عن الحياة ( بدون كفر .. بدون سب .. بدون شرك .. بدون كسل ) .. عسى الله سبحانه يرزقنا حسن الخاتمة لي ولكم 💙
وبس هيك يا ولاد خالتي بالتوفيق جميعاً..

ورد الأربعاء 💙{ أما الذين كفروا فيقولون ماذا أراد الله بهذا مثلاً }
25/12/2024

ورد الأربعاء 💙
{ أما الذين كفروا فيقولون ماذا أراد الله بهذا مثلاً }

24/12/2024

ميلاد سيدنا المسيح عليه السلام 💙 من أحبه أتبع ما قاله ❤️


ً_أحد

ورد الثلاثاء 💙( فإن لم تفعلوا ولن تفعلوا )
24/12/2024

ورد الثلاثاء 💙
( فإن لم تفعلوا ولن تفعلوا )

23/12/2024

#للعقلاء
بتذكر حالك لما كنت بالمرحلة الإعدادية بالمدرسة و فقت بهداك اليوم يلي قلك فيه ابوك تعال روح معي لنعملك هوية بالدولة ... وانت عرمت وماحدا قدك انو رح تصير ضمن فئة (الكبار) ورح يصير عندك هوية .. هلق اطلع بالهوية بتلاقي مكتوب عليها (الديانة مسلم ) جميل جدا انت حاليا وين مارحت بالدنيا بتقلهم انا مسلم وبيعرفوك والهوية بأيدك ... طيب ماسألت حالك شي يوم انو قديش صلاحية هالموضوع؟؟ يعني طالما الهوية مارح تاخذها عالقبر .. كيف رح اتميز انا بيوم القيامة اني مسلم مع كمية البشر المهولة يلي رح تكون .. وقتا مافيه شي اسمو الديانة مسلم .. طيب لكن شو ؟؟ هاد الشي الحمدلله ربنا ماتركنا بدون ما يخبرنا وعطانا جواب قراَني و كمان النبي صلى الله عليه وسلم اخبرنا كمان .. قال الله ( يَوْمَ تَرَى الْمُؤْمِنِينَ وَالْمُؤْمِنَاتِ يَسْعَىٰ نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ ذَٰلِكَ هُوَ الْفَوْزُ الْعَظِيمُ ) .. منظر رهيب بالمعنى الحرفي و لما سأل الرسول عن ذلك قال : ( إن أمتي يدعون يوم القيامة غرا محجلين من آثار الوضوء ، فمن استطاع منكم أن يطيل غرته فليفعل } ... يعني المصلين بتلاقي مكان الوضوء بجسمهم ميضوي نور .. ايوا .. طيب ويلي مانو ميصلي او يتوضى ؟؟ بكل بساطة تايه بين عدد من البشر لا يعلمه الا الله.. محشور مع الملحدين والمتكبرين .. وجهه مسود و رح يحس بكمية نبذ مو منطقية .. طيب ليش وكرمال شو عمل بحالو هيك .. يا عيوني انت ... الصلاة هيي هويتك بالمعنى الحرفي .. بل هي الغاية الاساسية واكتر شغلة رح تشفعلك بالقبر.. وأول ما يحاسب عليه المرء يوم القيامة .. من كتر اهمية الصلاة .. الله سبحانه وتعالى فرضها استثنائيا بليلة الاسراء والمعراج .. كل العبادات نزلت بوحي الا الصلاة .. الرسول طلع وعرج الى السماء لحتى الله يفرضها عليه .. وأيضا الله قال بالقرآن ( واستعينوا بالصبر والصلاة ) متخيل قديش رح تعينك الصلاة ؟ طيب بتعينا على شو ؟ هاد سؤال مهم جدا ولتعرف اجابتوا لازم نقرا كمان وين انذكرت الصلاة ... بنفس الاية يقول الله ( وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ) ايواا .. يعني المحافظة عالصلاة هاد شي عظيم جدا ومانو شي قليل ابدا يعني متخيل قديش بكون جزائك كبير وبينضربلك تحية عمحافظتك عالصلاة ؟ طيب بالاية مذكور إلا على الخاشعين .. طيب مين هدول وشو صفاتهم .. بالآية البعدها تماما ..( الَّذِينَ يَظُنُّونَ أَنَّهُم مُّلَاقُو رَبِّهِمْ وَأَنَّهُمْ إِلَيْهِ رَاجِعُونَ ) .. يعني قال الله انو يلي بروح بوقت الصلاة ليقابل ربو .. ويتذكر انو رح يجي يوم الحساب ويوقف نفس هالوقفة تماما امام الله سبحانه ومارح يكون معك احد من الخلائق (وَكُلُّهُمْ آتِيهِ يَوْمَ الْقِيَامَةِ فَرْدًا ) .. هيك لحالك متخيل الموقف قديش رح يكون جميل اذا كنت محافظ عصلاتك بالدنيا وتقلو يارب جيتك والحمدلله ما بحياتي اعصيت الك امر ولا تهاونت بفرض انت فرضتو وكان امرك من اولوياتي ... وقديش رح يكون صعب اذا رح توقف هالوقفة وتقلو ... ماكنت صلي لانو كنت شايف انو فيه شغلات اهم من الفريضة يلي انت فرضتا ؟؟ متخيل كمية الخجل متخييل !! ... لك حتى الصلاة راحة نفسية لا توصف وبتحميك بالمعنى الحرفي بتحميك من تقلبات المزاج .. اقرأ معي هالاية الكريمة ( إِنَّ الْإِنسَانَ خُلِقَ هَلُوعًا (19) إِذَا مَسَّهُ الشَّرُّ جَزُوعًا (20) وَإِذَا مَسَّهُ الْخَيْرُ مَنُوعًا (21) إلا الْمُصَلِّينَ (22) الَّذِينَ هُمْ عَلَىٰ صَلَاتِهِمْ دَائِمُونَ ) ... شفلي هالاستثناء الصريح .. إلا المصلين .. هدول نفسيتهم محمية بحماية الهية 💙 سبحان الله رحمة الله قديش واسعة يعني بالرغم انو اذا بتصلي البشرية كلها او ما بتصلي .. هاد الشي ما بزيد ولا بينقص من عظمة الخالق .. وربنا مامحتاج عبادتنا ابدا .. يعني منعمل هالشي كرمالنا .. ورغم هالشي بكافئنا عليه وكمان بيشكرنا عليه .. يعني اتخيل الله سبحانه بكامل عظمته بيشكرك عصبرك وعبادتك ؟ والله يا جماعة الحالة الوحيدة يلي مابتكون فيها حياتك متروح عالفاضي هيي محافظتك عصلاوتك وذكرك لله اقل مايمكن ٥ مرات باليوم .. منشان تضمن الدنيا والاخرة احسن ما تخسرهم التنين .. ويمكن بعض الناس تقول ليش الله يعاقبني اذا ما صليت وين مذكور بالقران عقاب تارك الصلاة .. هاد السؤال بتلاقي جوابو بالقسم التاني ( عقوبة التكبر ) ..دمتم بخير جميعاً .. لن انساكم من الدعاء .. احبكم في الله .. اخوكم المسلم ❤️

ورد الاثنين 💙{ فلا تجعلوا للهِ أنداداً }
23/12/2024

ورد الاثنين 💙
{ فلا تجعلوا للهِ أنداداً }

22/12/2024

بعمرك لا تستنكر الحق لقلة سالكيه .. العالم اذا شافت واحد ميقرأ قرآن بقولوا مدري شو صرلو .. واذا شافوه ميصلي بقولوا يلا صار المؤمن التقي هلق .. واذا نصحهم بشغلة غلط بقلولوا يلا عمول علينا شيخ ... بدهم يرموك بجهنم ابيعرفوا كيف وما بحياتهم بحبو يشوفوك متنجح بشي .. صاحبك الحقيقي ويلي بحبك فعلا ما بيضحك عليك اذا شافك حاطت لايك عبوست ديني لاء .. بتاغيلك عليه .. اذا شاف موقف غلط منك بينصحك بيقلك ( عيش حياتك طبيعي عادي بس انو هالشغلة مثلا بطلها والله يا صاحبي مابتعرف بأي لحظة رح ينقطع هالنفس ) بدك تعرف انو هاد شي طبيعي وبالعكس مابحياتك بتتاكد انك عالطريق الصح الا بهالطريقة ... وكونك من القليلين يلي بتابع بوستاتي و ميقرأ الورد اليومي للقرآن عالتلغرام هاد شي يضرب لك التحية من أجلو .. ولا تزعل اذا كنت من القليل بالعكس احمد ربك لانو شوف أكثر الناس كما وردت في القرآن :
١- (وما أكثر الناس ولو حرصت بمؤمنين )

٢- ( وإن تطع أكثر من في الأرض يضلوك عن سبيل الله )

٣-( وَقَلِيلٌ مِّنْ عِبَادِيَ الشَّكُورُ )

٤- (وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالْإِنسِ ۖ لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَٰئِكَ كَالْأَنْعَامِ بَلْ هُمْ أَضَلُّ ۚ أُولَٰئِكَ هُمُ الْغَافِلُونَ)

وقال نبينا الكريم: ( بدأ الإسلام غريباً وسيعود غريباً كما بدأ فطوبى للغرباء)
اي نعم كون من الغرباء وانت فخور ومبسوط لانو النهاية هيك :
(إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ)

ليس جزاء الراحة راحة ولا جزاء التعب تعب

اصبر اصبر تتعب قليلا وترتاح الأبد ..

(لاَ يَغُرَّنَّكَ تَقَلُّبُ الَّذِينَ كَفَرُواْ فِي الْبِلاَد ۝ مَتَاعٌ قَلِيلٌ ثُمَّ مَأْوَاهُمْ جَهَنَّمُ وَبِئْسَ الْمِهَاد)

تابع الورد اليومي معنا عالتلغرام فالآخرة خير لك من الأولى 💙

18/12/2024


خليني آخدك معي برحلة عبر الزمن ونرجع شوي لورا ونشوف المشهد من مراقب خارجي .. في بداية الخلق البشري .. الله سبحانه وتعالى عندما خلق سيدنا آدم من شدة حبو وتكريمو لهالمخلوق اسمع ماذا قال ( وَإِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِّن صَلْصَالٍ مِّنْ حَمَإٍ مَّسْنُونٍ (28) فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ ) .. اتأمل عظمة الكلمة ( نفخت فيه من روحي ) متل اب بقول لابنو من شدة حبو ( يا روحي انت ) .. وتكريما لآدم امر الملائكة بالسجود تحية له ... وهون الكل سجد الا مين ؟؟ (فَسَجَدَ الْمَلَائِكَةُ كُلُّهُمْ أَجْمَعُونَ (30) إِلَّا إِبْلِيسَ أَبَىٰ أَن يَكُونَ مَعَ السَّاجِدِينَ ) .. ابليس أبى .. ابليس قال * ليش لاسجدلو وهوي بشر من طين وانا من نار ... انا احسن منو * عد معي كم خطيئة عمل ابليس بهالموقف عزيزي القارئ ( ١- التكبر ٢- عصيان امر الله ٣- المجادلة - ٤- العناد ) ... ولما طردو الله سبحانه من الرحمة منلاحظ انو آدم كمان اخطأ وعصى بس انتبه منيح شو عمل آدم .. (فَتَلَقَّىٰ آدَمُ مِن رَّبِّهِ كَلِمَاتٍ فَتَابَ عَلَيْهِ ۚ إِنَّهُ هُوَ التَّوَّابُ الرَّحِيمُ) .. قلو يارب انا اخطئت و بعترف بغلطي .. ما تكبر أبدا وهون أبليس من الحقد قال بس لانك يارب فضلتو عليي رح اغويه ومابحياتي رح خليه يعبدك ( قال أرأيتك هذا الذي كرمت علي لئن أخرتن إلى يوم القيامة لأحتنكن ذريته إلا قليلا ) .. قال ابليس بينو وبين حالو معقول انا نأمرت اني اسجد وما سجدت وهوي أمرو بالسجود ورح اتركو يسجد ؟؟! و انت شوف يعني عدم المؤاخذة بعد كل هالتكريم لآدم وبعد كل هالحب من الله و كمان الله اخبرنا مين عدونا منشان مانخليه ياخد يلي بدو ياه و حذرنا منو تحذير واضح (يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ) .. معقول فوق كل هاد الشي انت يا انسان بتضل مصر عالمعصية تبعيتك وبتعرف انو حالتك هي يلي انت عليها بتكون عاطي فيها ابليس يلي بدو ياه حرفيا وميضحك عليك و رح يشمت فيك يوم القيامة ؟ يعني فعلا غريب حتى شوف الاية الكريمة ( أَلَمْ أَعْهَدْ إِلَيْكُمْ يَا بَنِي آدَمَ أَن لَّا تَعْبُدُوا الشَّيْطَانَ ۖ إِنَّهُ لَكُمْ عَدُوٌّ مُّبِينٌ) ... وهون الله سبحانه من كمال علمه ذكرلنا كمية الناس يلي تركت عبادة الله و اتبعت شهواتها و عطت ابليس يلي بدو ياه .. (وَلَقَدْ أَضَلَّ مِنكُمْ جِبِلًّا كَثِيرًا ۖ أَفَلَمْ تَكُونُوا تَعْقِلُونَ (62) ) ... وهون المشهد لا يوصف من شدة الخجل والندم .... وبعدو يأتي امر الله ....( هَٰذِهِ جَهَنَّمُ الَّتِي كُنتُمْ تُوعَدُونَ ) .. تخيل الموضوع بلش بتكبر وترك صلاة وترك عبادة وشوف وين انتهى .. بكل بساطة لا تتكبر وضل متذكر انو نحن بالأخير عباد لله .. لا سألنا لما جينا ولا رح يسألنا لما رح ياخدنا ويمكن اليوم تنام وما بتعرف اذا رح تصبح .. لهيك عمرك لا تختم يومك على معصية و ترك الصلاة اكبر معصية لانو تكبر على الله عز وجل ..( إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ) .. مارح تتحمل يوم واحد من عذاب جهنم لهيك اذا حاليا انت عم تقرأ يعني لسا عندك فرصة استغلا و لا ترد عصوتك الداخلي لانو الشيطان مارح يتركك ترجع لربك .. كون قوي وكون ذكي .. دمتم بخير جميعاً .. لن انساكم من الدعاء .. احبكم في الله .. اخوكم المسلم ❤

16/12/2024


موضوع بالنسبة للبعض من المسلمات والبديهيات و بالنسبة للبعض الآخر عليه شبهات و ضبابية و ايضا فيه ناس تنطق بما لا تعقل ولا تعلم ماخطورة هالنطق .. عيوني الك يا صديقي انا بعرف حبك لله وحبك للحق لهيك اسمعني دقيقة بس ... يا جماعة الخير فيه نقطة من المهم جدا جدا تعرفوها .. الدين الحق الصحيح يأتي عن علم وبحث وليس عن وراثة .. النسبة الاكبر من حجج اهل النار كما ذكر في القرآن هيي ( هذا ما وجدنا عليه آبائنا ) .. طيب فكر معي شوي رجاءً واسمعني بقلبك .. مين ماكان المستعان به .. يعني انت قلت يااا كذا .. مين ماكان يكون بالحياة .. كلمة يا كذا فيه الها اربع حالات مافيه غيرن :
1- الاعتقاد بأن ال (كذا) أنه هو الله وتطلب منه العون وهاد الموضوع بظن مو محتاج دليل من القرآن على انو شرك قطعا بس مع هيك قال الله في كتابه الكريم:
( وَيَعْبُدُونَ مِنْ دُونِ اللَّهِ مَا لَا يَضُرُّهُمْ وَلَا يَنْفَعُهُمْ وَيَقُولُونَ هَؤُلَاءِ شُفَعَاؤُنَا عِنْدَ اللَّهِ قُلْ أَتُنَبِّئُونَ اللَّهَ بِمَا لَا يَعْلَمُ فِي السَّمَاوَاتِ وَلَا فِي الْأَرْضِ سُبْحَانَهُ وَتَعَالَى عَمَّا يُشْرِكُونَ)

2- انت لا تقصد بال (كذا) العبادة له .. بس عم تطلب القرب من الله من خلالها .. يعني متتقرب به الى الله .. ويأتي كلام الله عن هاد الشيء :
( أَلَا لِلَّهِ الدِّينُ الْخَالِصُ ۚ وَالَّذِينَ اتَّخَذُوا مِن دُونِهِ أَوْلِيَاءَ مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَىٰ إِنَّ اللَّهَ يَحْكُمُ بَيْنَهُمْ فِي مَا هُمْ فِيهِ يَخْتَلِفُونَ ۗ إِنَّ اللَّهَ لَا يَهْدِي مَنْ هُوَ كَاذِبٌ كَفَّارٌ)

3- انا لا اقصد العبادة له ولا تقربا ولا شفاعة عند الله ولكن من حبي له .. وهنا يقول الله عز وجل :
(وَمِنَ النَّاسِ مَنْ يَتَّخِذُ مِنْ دُونِ اللَّهِ أَندَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ)

4- يعني معقول ما بيسمعو دعائنا ولا بيوصلهم شي ؟؟ ابدا يا قلبي .. وفوق هيك مارح يكونو مبسوطين منك .. اقرأ معي هالآية :
(إِن تَدْعُوهُمْ لَا يَسْمَعُوا دُعَاءَكُمْ وَلَوْ سَمِعُوا مَا اسْتَجَابُوا لَكُمْ ۖ وَيَوْمَ الْقِيَامَةِ يَكْفُرُونَ بِشِرْكِكُمْ ۚ وَلَا يُنَبِّئُكَ مِثْلُ خَبِيرٍ)

شوف الانسان وين بكون ميروح بحالو و يهدد نفسو بالشرك لاسمح الله وهوي بكل بساطة فيه يسمع متل ماقلو ربو .. اقرأ معي هالاية وشوف الرحمة
( وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ)

ادعي الله مخلصا له الدين .. لست بحاجة لاحد ولا لكرامة احد ليسمعك الله .... انا مسلم ولا يوجد انسان احب الي من رسول الله وبعرف يقينا درجة وقرب الرسول من الله ورغم هاد الشي ما بستعين فيه وحتى غلط ويمكن يطلعني عن الملة
لهيك يا عيوني بعرف انو الانسان بتاخدو الحمية شوي ومن محبتو الزايدة لبعض الناس بروح بمحلات تانية تماما💔 لهيك الانسان لازم ينتبه عمعتقداتو ويهتم بكلامو وبدينو لانن الوحيدين يلي رايحين معك عالقبر ... انشرو كلمة التوحيد عسى ان يخفف الله عنا مماتنا وحسابنا ... دمتم سالمين .. احبكم في الله .. اخوكم المسلم💙

Adresse

Copenhagen

Internet side

Underretninger

Vær den første til at vide, og lad os sende dig en email, når دبس سوريا - DBS Syria sender nyheder og tilbud. Din e-mail-adresse vil ikke blive brugt til andre formål, og du kan til enhver tid afmelde dig.

Genveje

Del

Type