04/06/2026
ရန်ကုန်သူမီရှဲဘဝမှာ ကိုယ့်ကိုယ်ကိုယ်ကလေးတစ်ယောက်နဲ့တွဲမြင်ဖို့ဆိုတာ အဝေးကြီး ….. ။
တူ၊ တူမတွေကိုလည်း ၂ နာရီထက်ပိုစိတ်မရှည်ဘူး။ ကလေးတွေ စကားနားမထောင်၊ အော်ဟစ်သောင်းကျန်းနေရင် မိဘတွေရှေ့လည်း ဆုံးမတာပဲ။ ပြောမရရင် အဲ့ဒီနားပစ်ထားခဲ့တာ။ နားလည်အောင်ရှင်းပြလို့ရ၊ အဖော်ရတဲ့ အသက် ၅ နှစ်လောက်မှ တည့်တယ်။ ကိုယ်ဝန်ဆောင်ချိန် မလှမပဖြစ်တာကိုလည်း မကြိုက်ဘူး။ အင်္ကျီတွေ မတော်တော့တာလည်း စိတ်ဒုက္ခတစ်မျိုး။ အရင်လို စိတ်သွားတိုင်းကိုယ်ပါ မသွက်တာလည်း စိတ်တိုတယ်။
ဒါပေမဲ့လည်း ချစ်သူလေးက ကိုယ်ဝန်ဆောင်ချိန် လိုလေသေးမရှိ၊ အနားမှာနေပြီး စိတ်ဖိစီးသမျှ နားထောင်ပေးတယ်။ အလုပ်တွေ ဝိုင်းကူလုပ်ပေးတယ်။ စိတ်အေးရအောင် အကုန်လုံး ကြိုတင်ပြင်ဆင်ပေးတယ်။ ကိုယ်နဲ့အတူ ကိုယ်ဝန်ဆောင်ချိန်သိသင့်တာ၊ လိုက်နာရမှာတွေ လိုက်လေ့လာပြီး အာဟာရပြည့်အောင်ကျွေးတယ်။ ကိုယ်ဝန်ကြောင့် ပင်ပန်းနေရင် နားလည်ပေးပြီး ခန္ဓာကိုယ်သက်သာရအောင် ကိုယ်ဝန်ဆောင်နှိပ်နည်းတွေ ကြည့်ပြီး ညတိုင်းနှိပ်ပေးတယ်။ ဆေးခန်းရက်ချိန်းတိုင်း မပျက်မကွက် လိုက်ပို့တယ်။ ညညဗိုက်ဆာလာရင် စားဖို့ မုန့်တွေ မပြတ်အောင်ဝယ်ပေးတယ်။ ခေါင်းထဲ ဘာမှတွေးနေစရာမလိုပဲ အေးချမ်းအောင် ထားထားတော့ “ဒါမျိုးလေး ဇိမ်ကျရင်တော့ နောက်ထပ် သုံးယောက်လောက်ထပ်မွေးပေးနိုင်တယ်” လို့ တွေးနေပြီ မိတ်ဆွေတို့ရေ ….
ဓာတ်ပုံ - Aung Chan Thar
