كلام يجرح ويداوي

كلام يجرح ويداوي لا شي مستحيل عندما يكون الله بجانبك❤️ 𝒉𝒆'𝒔 𝒋𝒆𝒂𝒍𝒐𝒖𝒔 𝒐𝒇 𝒑𝒆𝒐𝒑𝒍𝒆 𝒂𝒏𝒅 𝒉𝒆'𝒔 𝒂𝒍𝒍

07/07/2025

#رسائل
تعيشو لي يفهمو فأمور الورث تباعت دار جداتي 800 مليون عندي 14 خال و 12 خالة شحال يطيح لماما و جزاكم الله خير

06/07/2025

#رسائلكــــــم
خاوتي نحب وحدة بوليسية و نعشق فيها وحاب نتزوج بيها وصحابي والناس لي نسقسيهم يقولولي اخطيك من الزواج من بوليسية وانا حبيتها وخايف من هدرة الناس وش تنصحوكي كي خوكم ولي وجه الله من فضلكم

02/07/2025

#رسائل
جيت نحكيلكم انا أمي كانت بصحتها أيا عندي بصح هي كانت تضل في الدار ضايڨة روحها كانت ديما تحب تسيق عند الباب عندي حيرانا يضلو يتاڨرو فيها وعندي جارتي والله تضل تشرشيلها وهذي جارتي لباس عليها ماديا واحنا زواليا مهم مرة جابتلي بصلة من جنان عندهم جنان برا وبحيرة قاتلي هاكي كولو فاكهة انا شديتهم ورميتهم في لابوبال وسكتت المهم أمي كانت كي تسيق عند الباب حيرانا هذون لاسقين فينا الحيط في حيط الماء يجي جيهت بابهم تجي هذي جارتنا دوست مع والديا وقالت لامي راكي سحارة وبلي هي رجلها يوجعو فيها من سحور أمي المهم هذي جارتنا تضل تبخر وتبات نسمع فيها دڨ في مهراس انا أمي عام لي فات اصابتها جلطة تشلت ولات هذي جارتنا زعمة نجينا وحنينة انا منحبش ندخلها لدارنا لانو منسيتش كيفاش كانت تتعامل مع أمي المهم أمي عندها يومين حكمتها سعلة ولاقريب جا خويا وصاحبو يهزو فيها تيدوها لطبيب صدور لانها متقدرش تمشي هذي جارتنا راجلها بلا حشمة قعد واقف يشوف في أمي هوما يهزو فيها وكي جينا مرجعينها لقيناهم في سيارتهم كانو تيديمارو كي شافونا مهبطين أمي قعدو يتفرجو فيها كأنها فيلم انا غاضني حالة خسيتهم يششفاو فينا ربي يحفضكم أدعو لأمي بالشفاء االعاجل

28/06/2025

#رسائلكــــــــم
خويا ومرتو عندهم شهر زواج كل يوم يتعشاو برا وياكلوا لاكريم ويدخلوا على 12 تاع ليل باغية نهدر معاها أنا وماما

28/06/2025

#رسائلكم
راني في حالة غير نبكي ولدي مجابوش وعجوزي جامي شفتها تضحك اليوم راهي تكركر وتعيط فالتيلفون مجابوش هاهاها مجابوش هاهاها

27/06/2025

#رسائلكــــــــم
انا عروسة و كي كنت عزبة ديما نكره الولاد لي يجو يخسرو العراس و يماهم طالقينهم علينا
مالا كي جيت خارجة انا و زوجي بالغوب بلونش خسرت دراهم كبار كاميرا ديكور كلش
جا طفل صغير يخربلي احلى لحظة في حياتي
لمزية ختي الكبيرة ضربتو بركلة طاح المهم مخرجش فالكاميرا و مخسروليش اللحظة
مفهمتش انايا نسا هادو لي يزاحمو العروسة و يخسرولها اجمل لحظة في حياتها
كيفاش نتي كامرأة تبعثي وليدك عند العروسة ؟؟؟ متحشميش ؟
الله يهديكم يا نسا
من فوقها زعفت و جات تريكلامي.

27/06/2025

#رسائل
عجوزتي دخلت عليا فشمبرة لقاتني مطفيا ضو ونسيي فيذيك العفسة تاع زعفران لي ختارعها الله يحرقو ولات تندب لمت عليا ڨاع سلايفي قاتلهم. راها تسحر فيا جا خوها كبير ليا قالي أبنتي فهمينا شاكنتي ديري شباغي نقلو أنا شيخ في عمرو70 سنة مخرجش مدوار من عام لڨيرة يعرف ترند قتلو راني نشرب في زعفران باه نصفار ينعل بوه لي تزوج عندكم. عيطو لدارنا باه يجو يدوني. وسبع نتاعي. قالي وعليها راني نبات نعرڨ فليل وثرن مسحور. خويا راه جاي يديني قالي. انا خيك نصيبك برا نرفدك آنا يهدر معاا واحد نوكلو ذاك زعفران بلمغرف. قالي تقولي نرجع. لداري ناكلك. ڨالي آنا من نهار راجلك قالي ختك زايدا في سيكتمبر راه قلبي ضارني ومبغيتش نقولك

27/06/2025

#رسائلكــــــــم
بدون تجريح بنتي ضربت بوليسي بزوج صفعات للوجه حبسها في باراج تشادمعاها بالهدرة قلقها نزلت ضرباتو الحاصول بنتي هزوها لابوليس داوها و غدوة رح توقف فالشرع انا و باباها عيينا نجريو نطلبو السماح مالبوليسي لي ضرباتو والو جربنا كل الحلول والو خايفين عليها لا تدخل للحبس و زيد مخطوبة و خطيبها و مواليه مزال معلابالهمش بالحكاية بصح كون يفيقو أكيد يبطلو عليها وواحد مراح يديها من ورى و هي داخلة للحبس
والله راني غير نبكي ادعيو معايا تعيشو يحكمولها بغرامة و لا تعويض برك و ميحبسوهاش والله الطفلة مستقبلها يتحطم😭

أول محرم عام1447 هجري غدا الخميسكل عام ونحن على دين نبينا وحبيبنا مُحمد ﷺ💗اللهم أجعل النصر القريب العاجل لاخواننا في غزة...
25/06/2025

أول محرم عام1447 هجري غدا الخميس
كل عام ونحن على دين نبينا وحبيبنا مُحمد ﷺ💗
اللهم أجعل النصر القريب العاجل لاخواننا في غزة🇵🇸
اللهم اختم عامنا بالصالحات وبارك لنا في السنة الجديدة، اللهم غيثا من الصحة والعافية والخير والأمن والسلام على الأمة الاسلامية جمعاء
كل عام وأنتم بخير

24/06/2025

#رسائل
راجلي عمرو 27 و انا 26 عندنا عامين زواج و سلفي عمرو 32 و مرتو 19 سنة عندهم 3 أشهر زواج بطاجهم وحدهم المهم يالبنات مرتو دارتلنا البارح عرضة عشا طلعنا عندها دارها يالبنات تشعل نقية لقيناها لابسة غوب مستورة طويلة تهبل شعرها طويل مجبود بلا ماكياج و تهبل لاطاي تاعها متوسطة كيما البنات كامل كي روحنا قالي علاش ماتتهلايش في روحك كيفها هيا ملقري اونسانت بصح متهلية في روحها و في دارها و بدا يعاير فيا( ملقري متهلية في روحي بصح ماتبانش عليا خلاص مافهمتش علاش يالبنات شعري من ليماش ولا حرش شحال من حاجة و الدراهم يمدلي بصح مانعرفش نتصرف المهم غاضتني بكيت بكيت و رقدت غير يقارن فيا بيها قالي خويا عندو الزهر كي طيحو ربي في طفلة كيفها و ملقري هوا كتر عليا بصح داها صغيرة غاضتني عمري حتى كرهتها و الله بالرغم جامي ڨاستني بالعكس عاقلة و متربية كيفاش ندير يالبنات راهو منايفني مايهدرش معايا( زواج عن حب😭💔💔).

21/06/2025

#رسائلكم
جاو البارح يخطبوني عندي عامين معاه شوكاوني دارهم انا كي قالي نسكنو في دوار قلت عادي ما فيها والو حتى انا كنت نسكن في بلدية صغيرة الحمد لله جابو لي كلش قديم تاع بكري ما نيش نعيب حاشى لله بصح عائلة قديمة بزاف صوالح لي جابوهم كي تاع ماما تاع جهازها وانا عارفة عماتي استشفاو فيها حشمة ويماه هي لي تحكم واشمة في جبهتها محكلة عينيها وباباه بالعمامة وقشابية وجايين في مازدا باشي راكبين النسا من اللور ودربوكة ويغنيو في طريق وجابو بزاف دراري صغار وانا نوجد قبل بسمانتي كلش بالهمة والشان درت قاطو بريستيج سفة الله الله الفواكه ما خليت من كل خير جاو صغار في دقيقة لبرزو كلش وليت نشوف بعيني وبغيت نبكي كي درنا الموسيقى تاوعه كامل ناضو يرقصو حتى جداته كبيرة تحمرت وقالت ترقص طاحت فالارض وتخبطت في روحها وانا وعائلتي غير نشوفو وساكتين وجايين بجبات مقطعين شعر طالع مكياج مبقص بيرق من بعيد وباباه وخوه دخلو صالون بالمطارق يشطحو حتى خرجهم خويا عيب يدخلو عند نسا ما يعرفوهمش كي جاو خارجين كمشولي خمسة ملاين في يدي زعمة دفع انا تم قلتلها هاكي دراهمك خالتي يبقا بيناتنا الخير بسلامة

21/06/2025

#رسائلكم
ماما كانت مع الاساتذة لي فلحجز لي دارو اسئلة تاع الباك غي كيما خرجت 🥹❤
منين سمعت جارتنا بلي يما خرجت جات تداڨ معاها قاتلها كيفاه متديريش لبنتي المقالة لي كانت حفضتها نوكل عليك ربي وبنتي تدي الباك زكارة فيك 😂
الغريب هو انو ماما استاذة علوم طبيعية 🙂❤

Adresse

Algerie

Site Web

Notifications

Soyez le premier à savoir et laissez-nous vous envoyer un courriel lorsque كلام يجرح ويداوي publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type