Quel est le site Web ?

https://www.facebook.com/103581561700859/

Nary cook

وصفات يومية سهلة و مجربة

17/06/2026

مساء الخير حبوباتي ❤️ رقم 03 من سلسلة وصفات صيفية ساهلة و سريعة و تقدرو تدوها للبحر 🏖️ جبتلكم فكرة سندويش بيض بالخبز السوري ولا خبز التورتيلا و الحشو طبعا كل واحد و ذوقو و كل واحد و لي متوفر عندو
#الوصفة
2بيض ضربتهم مع ملح و فلفل كحل و درتهم في مقلاة مع ملعقة مرغرين على نار هادئة
حطيت خبز التورتيلا مباشرة على البيض قبل ما يطيب
نقلب الخبز و يكون البيض لاصق بالخبز
زدت مايونيز ،هريسة ، تونة،جبن فلفل حلو و ذرة
نلفو و نخليه يتحمر و بصحتكم ❤️

#سندويتش #طبخ

15/06/2026

مساء الخير صحا فطوركم ❤️رقم 02 في سلسلة وصفات صيفية ساهلة و سريعة و تقدرو تدوها للبحر 🏖️ وصفة كوكا مقرمشة و بنينة
العجينة:
200غ فرينة
3ملاعق زيت
ملعقة سكر
ملح
نجمع بالماء و نخليها ترتاح 30د
نفتحها مليح و نرابي عليها 100غ زبدة التوريق
نروليها كيما شفتو في الرييل
نفتحها مرة اخرى و نقطعها لزوج دوائر
نحط وحدة فالمول و نزيد الحشو و في الاخير نغلق بالدائرة الثانية
نحدد المثلثات بلا تقطاع ،ندهنها بالبيض و نزينها بالزيتون
نخليها تبرد 20 د و ندخلها الفور على أعلى درجة 10د تكون تورقت
نخرجها و نقطعها و نرجعها الفرن على نار قليلة و نخليها تكمل طياب حوالي 30د
الحشو:
بصل شرائح
فلفل أخضر
فلفل حار
طماطم
فرماج

#كوكا #بيتزا

14/06/2026

صحا عشاكم حبوباتي ❤️ عشانا كيما شفتو فالستوريات كوكا بنيينة و مقرمشة توالم السخانة الوصفة في الستوري غدوة

13/06/2026

صحا فطوركم حبوباتي ❤️ مع السخانة تاع اليوم ميليق غير حاجة خفيفة.

12/06/2026

مساء الخير رقم 01 في سلسلة وصفات صيفية ساهلة و سريعة و تقدرو تدوها للبحر ميني كيش بالقرعة و جبن البري 👍
إذا حبيتو تحضير مسبقا توجدو العجينة تحطوها فالقوالب زيدو الحشو فوق العجينة
توجدو خليط البيض مع الكريمة و صباح حطوه فوق الكيش و دخلوهم يطيبو 20د على 180
العجينة كنت بارطاجيتها في فيديو نحطلكم الرابط في التعليق المثبت 👍
الحشو:
حبة قرعة رابيتها و عصرتها مليح و ملحتها
تونة منزوعة الزيت
جبن البري تقدرو تعوضوه بالكامومبير
خليط 2بيض ،فنجان كريمة سائلة تقدرو تعوضوها بعلبة جبن ريجيم أو فنجان حليب مخلط مع 2ملاعق فرينة
اعشاب عطرية و حبات طماطم كرزية للتزيين

#كيش #مملحات

12/06/2026

مساء الخير و جمعة مباركة للجميع ❤️ و كيما كل جمعة نحطلكم افكار و وصفات تقدرو توجدوهم من قبل و تدوهم معاكم للبحر 🏖️ قولولي شكون معول يروح غدوة للبحر ؟

#كيش #وصفات #مملحات

11/06/2026

اكلات صيفية خفيفة و ساهلة و الوصفات مع الصور قولولي رقم الاكلة لي عجبتكم في التعليقات 🥰

#وصفات #اكلات #طبخ

10/06/2026

مساء الخير حبوباتي ❤️ وصفة الملوخية بالتفصيل و بكل اسراها ،قولولي جربتوها من قبل؟؟

✅على نار هادئة نحط كيل ملوخية مغربلة 👍مع كيل زيت نباتي (التوانسة يديرو زيت الزيتون الصراحة مجربتهاش)
قوام الملوخية بعد ما طيب نتحكمو فيه بكمية الزيت إذا حبيتوها خفيفة على لي طيبتها ديرو كيلة ملوخية مع كيلة و نصف أو 2 كيلات زيت

✅نخليها على النار مع التحريك حتى تبدا تغلي القدرة و نكون موجدة ماء يغلي لازم يغلي باه متتشكلش حبيبات فالملوخية تاعكم
نبدا نزيد الماء 8 كيلات ماء على مراحل كل مرة نزيد و نخلط ،نزيد الرند و نخليها على نار هادئة مع التحريك مرة على مرة

✅نتبل اللحم بالثوم ملح و فلفل كحل ملعقة طماطم مصبرة فلفل عكري و أنا زدت شوية من مكعب مرق غنمي تقدرو تستغناو عليه و الملح منكثروش لان الملوخية الحجم تاعها ينقص بزاف بعد ما طيب

✅بعد ساعة نزيد اللحم و نخليه يطيب مع التحريك كل 10/15د لمدة 3 إلى 4 ساعات
❌تقدرو تحطو اللحم مع لول و كي يطيب تنحوه و تخلو الملوخية تكمل طيابها و تطلق زيتها
❌ إذا الملوخية طلقت الزيت و اللحم تاعكم مطابش زيدو كمية من ماء سخون و خلوه يكمل طيابو و الملوخية تعاود تطلق زيتها
بعد ما تطلق الزيت تكون واجدة مع كسرة سخونة 😍و بصحتكم ❤️

#ملوخية #طبخ

08/06/2026

صحا عشاكم حبوباتي ❤️ شكون يحب الملوخية

#ملوخية #قسنطينة #عنابة #قالمة

Adresse

Algiers Plage

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Nary cook publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.