قدور وما مسعودة

11/08/2025

08/03/2025

مآ أسمعته من افواه البشر هاته الايام و ما صادفته من مقاطع على اطلال الفيسبوك، كوني لم اشاهد التلفاز منذ فترة ليست بالقصيرة، قنوات الصرف الصحي توجهت نحو الخز و القرف المفرط، بافلام ومسلسلات ساقطة، تتجاوز حدود المنطق و عين العقل بمشاهدتها، دون الاخذ بعين الاعتبار اننا بلد مسلم و لو بالاسم فقط، انا اتفهـــم قيامهم بذلك و ادرك مسعاهم المبتغى، لكن هذا لا يليق بمحيطنا.. في ذات السياق من يصنفون انفسهم كفنانين، رغم انه لا علاقة لهم به لا من قريب ولا من بعيد، اتخذوا من اسلوب كثير من البرامج التـي تبث على بعض القنوات التونسية، طريقا نحو الشهرة، و اكتساب ملايين المشاهدات، عبر افتعال شجارات وهمية في البلاطوهات، و من ثم تبادل الشتائم و النشعات على الانستغرام خاصة، للحصول على متابعين كثر، كون الغالبية في الوطن تحب التفاهة و تشمهــــــا حيثما كانت، و المبتغى الحصول على اموال اشهارية، كون شركات الغذاء مثلا، ستتواصل معهم حال كان حسابهم يحظى بمتابعــــات كبيرة، مجرد سوڨ ذَرّْ موازي لسوق التيك التوك الذي يسير بمنطق،،، اشلح تنجح..
اهم شي المصداقية و كيلو زلابية..

02/02/2025

صاحبي متعارك هو و صاحبتو عندو سمانة و هو يشكيلنا و آني توحشتها و الولف صعيب و خلا و جلا .. حكمناه ضرك بدينا نكوراوجو فيه .. ڨلنالو والله غير تدخل تبعثلها ميساج مادامك تحبها أرجع ليها .. وعلاه ڨاعد تتعذب هكا .. عجبك في سمانة وليت تتكيف و نتا الدخان جامي دخل لفمك .. تحبها تحبها آ سبحان الله ماشي عيب .. سمع هدرتنا دخل لبروفيلها باه يبعثلها ميساج .. لڨاها مهبطة سطاتي بلي تخطبت كاتبة فيه " الحمد لله ربي جمعنا بعد علاقة دامت خمسة سنوات ".. و صاحبي مسكين يعرفها عندو عام .. ها حبس ضرك عزرين الدخان آ سي لخضر و روح أضرب فيها قريعات روج على سعدك و وعدك

29/01/2025

يعجبوني هذوك لي يتحمسو و يبدو يهبطو في لي سطاتي .. و في 14فيفري ستتبدل العقلية .. و كل واحد نحطو في بلاصتو .. سترون من أنا .. و يجيبو فيديووات مالتيك توك و يحطوهم ستوري .. هيا تراش نعتيلنا من أنتي أ حنانتي .. أبدي مالليلة على لثناش .. إتعري علينا بعقليتك الجديدة .. أخرجي لفرس التي بداخلك .. ما طوليش علينا برك

22/10/2024

.اليوم عيطلي صاحبي في التيليفون.. لا داعي لذكر الأسماء.. عنتر.. ألو قدور وينك.. ڨتلو ني في الدار مسامي ما مسعودة ڨالي أخرج نحتاجك.. خرجت لڨيتو بالطوموبيل.. ڨالي اطلع ركبت.. حسيتو ماشي ڨد ڨد غير ديمارينا شعل الشاب حسني.. كونفيرميت بلي الطفل متخذ.. ما حبيتش نحرجو و نسقسيه وش بيه.. ماشين خرجنا في واحد الطريڨ.. بدا يزيد في الفيتاس طيشت عيني لڨيتو ماشي 190.. اااااا لخلا وش بيك نقص يهديك الهادي.. بدا يضرب في الفولون و يعيط على طول صوتو و الريوڤ هابطة من فمو .. نحبها آآآ قدور نحبهاااااا آفهمووووني.. فااااهمك آا شاروخان وراس ما مسعودة غير فااهمك.. ڨاري نفروها بالشوي بجاه النبي محمد.. يخي أنا وش دخلني.. آ عييييتك ڨاري راح تبعثنا نڨابلو سيدي ربي با الجرد لي عندك . . أقسم بالله نهدرلك معاها و نرونجيكم .. نحبهاااااا نحبهاااااا خليني نموووت.. اااااا ربي حاب تموت أشرب لاصيد أشرب الماء تع بيدون النشافة.. و أنا علاش ماديني معاك.. المهم هداه ربي و فاتت سلامات.. روحنا رحت لأمو نجري ڨلتلها نحو لولدكم زي أفلام و آمبيسي بوليود مالتلي تاعو في الحين المحنحن .. هذا ما مزال في الحب يتمعشق وحدو جامي ڨال نشوف لصاحبي مسكين أختها ولا بنت خالتها هذيك نسرين السمينة هذيك العُرام .. و في الموت مكركرني معاه.. صُحبت لغدر نعمبو لمارك الكلبة..

22/10/2024

تقريبا منذ أكثر من ساعة وأنا جالس أمام موظفة تعمل في المبيعات، تبيع العطور، جمالها عادي جدا لكن ملامحها وتقاسيم وجهها وإبتسامتها تشعر وكأن فيهم سر، جالس في مقهى أمامها مثل شارلوك هولمز أحلل بيني وبين نفسي كمية القبول التي في وجهها وطريقة جذبها للزبائن بعرض عطورها والإبتسامة على محياها لم تفارقها ثانية لدرجة أنني تعبت مكانها لأنني إنسان لا أستطيع أن أبقى مبتسما لأكثر من خمس دقائق، طبعا هي كانت متعبة من كثرة وقوفها لكن وردتها قبل قليل مكالمة بعد إنتهائها شعرتُ بها وكأنها وضعت نفسها في الشاحن فامتلأت بطاريتها فجأة، صارت تتحرك هنا وهناك كالفراشة وتعمل بجد أكثر من السابق حتى الإبتسامة التي كانت لأجل التسويق أصبحت من القلب،
لا أعلم من المتصل وماذا قال لها، لكن لغة جسدها أثناء المكالمة وحركات يدها ونظراتها العشوائية هنا وهناك وهي تتكلم جعلتني أتأكد شكّا وأتيقن ظنّا بأن هناك رائحة حب في المكان تغلبت على رائحة عطورها لدرجة أنني أصبحت أبتسم من مكاني لأكثر من نصف ساعة وأنا لا دخل لي بالأمر..
أدركت أن الحب جميل، جميل جدا، لكن فقط عندما تراه وتشم رائحته من بعيد.

05/09/2022

كي تسحريه اتزوجيه مش تهبليه ويبدا يجري ورا قسامي بلحجر 🙂💔

05/09/2022

فعاليات :
غمض عينيك واكتب المغرب 😂🤞

04/09/2022

لقد انكشف أمرنا ..
ترجمها بالدزيرية 🙂🤞

04/09/2022

21 سبتمبر يا ڨِدْعَان

03/09/2022

#منقول
باغي نسقسيك معليش !؟
علاه راك زعفان و ترد لقلبك ؟!
ياودي الحاجة اللي تروح من حياتك خليها تروح والله غير خليها تروح
غادي نعطيك آية من كتاب الله فيها طمأنينة و راحة نفسية : يُؤْتِكُمْ خَيْرٓا ممـا أُخِذَ مِنْكُم ْ ♥️
خلي ثقتك في ربي كبيرة بلي الحاجة اللي راحت من يديك والله العظيم مراهي نتاعك
الحاجة اللي راهي ليك راه جايبلك ربي فالوقت محدد
#الكاتب: bilalchaib3