4K PUB

03/04/2022

خطأ تسويقd كلف الشركة 50 مليون دولار😨
(التذكرة الذهبية)

- في اواخر السبعينات كانت شركة الطيران الامريكي تواجه ضائقة مالية
فكانت الخطة التسويقية العاجلة كالتالي

- قاموا ببيع تذاكر تضمن لحاملها التنقل في الدرجة الاولى مجانا مدى الحياة
مع اي شخص من اختياره بثمن 250k دولار

- الى الان الامر عادي اليس كذالك؟

- لا بالطبع
قام احد المشترين حرفيا بحلب هذه التذاكر

- حيث كان يسافر في اليوم أكثر من اربع مرات

- تخيلو معايا…
كان يطلع الصباح لباريس باش ياكل الكرواصون
يرجع العشية يدي مرتو لطوكيو تتسوق
يرجع في الليل يرقد

- و غدوة صباح يدي معاه شخص ممنوع من السفر ويبيعلو تذكرة الذهاب

- نضن من هاذ القصة اكم فهمتو علاش لازم العروض التسويقية تكون محسوبة
وعلاش ملازمناش نغلطو غلطة

- واش رايك نديرولك سلسة كيماهاك نتاع الاخطاء التسويقية للشركات الكبرى

جاوبنا في التعليقات

19/03/2022

04/03/2022

صعيب بزاف تصدق انو ...😨
الاعلان على فيسبوك

رخيص مقارنة بواش كانو الناس يديرو بكري

تخيل روحك تشهر لمنتوجك ب5000دج وتوصلك لنتيجة ممكن أحسن من اللي يوصلك ليها التلفزيون

ايه احسن من التلفزيون اللي لازمك على الاقل 200 مليون باش تقدر تدير في الاشهار فيه

وثان أحسن من المطبوعات اللي لازمك على الاقل شي 3 ملاين و مافوق باش يجيبلك نتيجة مليحة

اصلا فرضا عندك 5000 دج فقط رح تديرها اعلانات

اذا خدمتلك 200 مطبوعة محترمة راك هايل

واذا وزعت هاذوك المطبوعت معضهم رح يروح في الارض ولا في الزبالة ولا الاسوأ يديها طفل صغير ميقدرش يشري عليك المنتج

لكن الفيسبوك قادر توصل لأكثر من 30 الف شخص مهتمين بالمنتوج نتاعك في العمر نتا تحددو

مثلا تقولل للفيسبوك
يا الفيسبوك نحتاجك توصللي هاذ الاعلان للأشخاص اللي يسكنو في الحسين داي فقط و اللي يكون عمرهم مابين 22 و 35

اللي يتابعو الانمي و يحبو ناروتو ولا 35 - 45 اللي عندهم سيارة و يحبو يشرو من الاننترنت

وبهاذا تقدر بسهولة انك تبيع للأشخاص لي موالفين يشرو عليك أكثر

بكل سهولة

28/02/2022

شكون يتفق مع هنري فورد؟ 😍

20/02/2022

أكبر غلطة تديرها في حياتك انك تخمم برا الصندوق 😨😨

على بالي تبان حاجة غريبة لكن... هاذا هو الصح

أهم حاجة لازمك تديرها قبل ما تخمم برا الصندوق. قبل ما أنك تخرج بأفكار جديدة. قبل ما أنك تخترع اختراع جديد

هو أنك تشوف في الصندوق نتاعك

لأنو في أحيان كثيرة الحل يكون في الصندوق برك لكن نتا متقدرش تشوفو لأنك مكش تشوف في صندوقك

صحا الأن واش معنى كلمة صندوق؟

الصندوق الي نقصدو انا هو جمهورك اللي راك تستهدف فيه بحملتك الاعلانية ولا بفيديوهاتك

تعرف عليهم كلش لأنو

كي تعرف عليهم واش يحوسو هوما تعطيلهم واش يحتاجو املا يولو متابعين أوفياء ليك

18/02/2022

التسويق بالمؤثرين هو عبارة عن "ايصال رسالة البراند الخاصة بك عبر افواه الناس التي لديها تأثير"
و بالطبع عندو ياسر فوائد رح نعطيلكم 3 فوائد جبارة تفيدك في

🔴أول حاجة
المؤثرين هوما ناس يعرفو يحكو مليح ويعرفو كفاش يوصلو الأفكار مليح للمتابعين نتاعهم
و عدد متابعينهم هو أكبر دليل على أنهم يعرفو يصلوهم
لأنو كون مجاوش يتواصلو مليح ويخلو الناس يستمتعو كون معندهمش هاذ العدد الكبير

وبالطبع ... مادامهم يعرفو يوصلو أفكارهم للناس يعني رح يوصلو فكرة الشركة او البراند نتاعك للناس حتى أحسن منك وأحيانا أحسن المسوقين العاديين

🔴ثاني حاجة
اذا كان المؤثر هاذا يوثق فيك فان المتابعين نتاعو كاملين رح يوثقو فيك

مثلا
في الأيام السابقة سمعنا فضيحة كبيرة دارتها وكالة سياحية اللي ادعت أنها رح تخلي الناس يقراو في الترك ولما خلصوها سرقت دراهم بزاف ناس منهم
السبب انو هاذوك المؤثرين دارو حملة اشهارية في صفحاتهم لهاذ الوكالة و بينو بلي راها ثقة و في الأخير كانت الطامة الكبرى وين هاذ الوكالة نصبت وسرقت أكثر من 200

السؤال هنا هو كفاش حتان الناس وثقو في هاذ الوكالة
والجواب ساااهل ...بسبب قوة المؤثرين

🔴ثالث حاجة
لما تتعامل مع مؤثر رح يتواصلو معاك مؤثرين أخرين و شركات أخرى وهاذا بسبب شبكة العلاقات القوية اللي عندهم
بما أنو ياكل من السوشل ميديا فإن العلاقات هي راس مالو الوحيد ونتا ر تستفيد جدا لما تدير علاقة مليحة معاهم

ورابعا و أهم حاجة أنك متقولش انو الجميع نصابين وسراقين بعد الفضيحة اللي حصلت قبل عدة أيام لأنو كاين الكثير من المؤثرين اللي عند كلمتهم و مبادئهم

متنساوش تشاركو المنشور مع أصحابكم لي عندهم البيزنس أو مشروع لأنو رح يفيدهم بزااااف

16/02/2022

🔴الفشل اهم حتى من النجاح🔴
لانو الفشل يخلينا نتعلمو بسرعة...

شوف روحك لما كنت صغير وحاولت تسوق الدراجة لأول مرة... شحال من مرة طحت وفشلت
أول مرة حاول تسوق السيارة شحال مرة طحت وفشلت
أول مرة حاولت تمشي على رجليك من كان عمرك عام... شحال من مرة فشلت

كل ما تفشل أكثر رح تتعلم طرق جديدة تؤدي للفشل املا رح تولي تتجنبها وتولي تقول للي يعرفوك يتجنبوها
وتولي تقوللهم بالاكم تديرو كيما هاك على خاطر راني جربتها و لقيتها متصلحش

01/02/2022

22/01/2022

جرب روح لواحد من رواد ابل قوللو الاندرويد احسن من ايفون
حرفيا رح ياكلك ونتا حي😂

ابل نجحت في انها تخدم معجبين بيها مش معجبين برك بل خلقت ناس قادرين يحاربو باش يشرو منتجات ابل

مانيش نقول انو هاذي حاجة مش مليحة بل هاذي حاجة روعة

لكن نتا ثان لازمك تخلق معجبين بالبزنس نتاعك باش يولو يشرو من عندك نتا برك

شوفها في روحك برك

تروح تشقى تشري الخبز من بعيد على المخبزة البعيدة فقط لأنو مولاها يتعامل مليح

بل وتولي توصي الناس تقوللهم اشرو عليها

لازمك تخلي الزبون يعشق علامتك التجارية

على كل طاقي صاحبك اللي كلاك ونتا حي كي قلتلو تيليفونك احسن من تيليفون الايفون 😂

17/01/2022

من تالي هاذ الغلطات الصغيرة رح تدمرلك البيزنس نتاعك

1- مثلا كيما راك تشوف في الخطأ الأول
انك تظغط على العميل و تبدا تحتم فيه يشري حاجة موش حاب يشريها

صح هو ربما رح يشري عليك هاذيك الحاجة في هاذيك المرة الوحيدة واللي على الأغلب انها مش رح تتكرر
تسقسيني علاش مش رح تتكرر

في ذهنو لداخل نتا راك تبلعط فيه وراك حاب تبيعلو اي حاجة

2-او الخطأ الثاني انك تطيح خشين على العميل و مترحبش بيه

انا عن نفسي كون ندخل لأي حانوت وعندي فيه صالحة نتاع حياة او موت لكن كي ندخل منحسش روحي مرحب بيا نخرج منشريش أحسن من اني نطيح كرامتي

-3 او الخطأ الثالث انك متتبسمش في وجه العميل

شوف على بالي بلي راك تفوت بأوقات عصيبة بزاف وتعيا بزاف لكن...صدقني والله
شوي ابتسامة رح تخلي الزبائن يتبسمو في وجهك و يفرحو بيك ويرجعولك مرة اخرى

ايه على بالي بلي غريبة يرجعولي على جال تبسيمة ؟

ايه على جال تبسيمة برك يرجعولك ويولو يحبو يشرو عليك
حتى انا مكنتش مصدقها الى ان مشاتلي

4-وأهم حاجة انو ميكونش عندك حسابات في السوشل ميديا باسم البيزنس نتاعك او الاسوأ انو يكون عندك لكن مفيهمش متابعين

نتا عارف و انا عارف انو كل ما زاد عدد متابعيك زاد عدد الزبائن نتاعك

04/01/2022

اهم حاجة في البيزنس نتاعك هو انو يخرج العميل نتاعك راضي عليك