05/10/2025
علاش اتصالات الجزائر اسوء شركة في التعامل مع الزبائن ؟ ينحولك الادياسال اللي هي اصلا سيئة بالرغم معندكش فيبر ؟ نعم
مشاكل بالخمس والستة اشهر متتحلش ؟ نعم
يطلعولك صبيب الانترنت خلال التحويل ومتقدرش تهبطو بلا مايشاوروك ؟ نعم
الحل تاعهم هو اصبر وخلاص بدون مقابل ؟ نعم
معندهمش تعويض على اخطائهم ؟ نعم
كي يكون عندك مشكل وتدير توقيف مؤقت مايقبلوهاش ومايعوضوكش ؟ نعم
انت خالص وايامك تضيع تجيهم عادي ؟ نعم
كي تكون عندهم مشكلة وما تستفاد من حتى خدمة ..لازم تخلص ولا تولي انت غالط ... ويقطعولك الخط ببساطة ؟ نعم
لي يخدمو عندهم فالغالب مستفزين ومايهمهش اذا راك خاسر .. وكلهم مايتحملوش مسؤولية؟ نعم
ببساطة الشركة هادي وصلت لهاد المستوى لسببين ... الاول لا وجود لمنافس معناها دير واش تحب ... والثاني نقص الكفائة الجد فادح عند موظفيها
واش رايكم فهاد الشركة ؟
