13/09/2025
#رسائلكم
#وليدي دخل للحب س وانا معنديش باه نديلو القفة عندي غير هو طلقت وانا صغيرة علاجالو مزوجتش راني ساكنة فحومة كي عرفوه دخل و علابالهم بحالتي كل 15 يوم يقضيلي واحد بنهار قبل ما روح و قعدو هكا غير هما ولاد الحومة يصرفو علا القفة و كي بقالو شهر و يخرج تعاونو كامل حطو دراهم شراو زيت و سكر و الدقيق و فتحولو حانوت ب اسمي و كي خرج حلفوه بلي ميزيدش يس رق و لازم يخدم و يبعد علا دعاوي الش ر و ضرك راه عندو عامين يخدم زاد فتح حانوت وحداخر و الحمد لله وليدي تسڨم ولا يصلي يدير الخير و ولاو يضر بو المثل بيه هذا كامل بسك ولاد حومتو وقفو معاه و داروه راجل ضرك راه عندو 25 سنة راني نفتخر بيه بعد ما كنت نحشم نقوللهم وليدي و كانو لافامي يقولولو غير السرا ق
