28/05/2026
اعتذر لاي وحدة مزال ماجاوبتهاش والطلبيات اذا مابعثتلكش ميساج بلي لحقت اعرفي بلي مزالها ماوصلت تامنو بعد كل التعب لي تعبتو باه درت ليا سمعة مليحة والناس ولاو يوثقوا فيا ولي تشري مرة تعاود ترجع شحال من مرة وطلعت الصفحة وعصرت مخي باه نوجد محتوى جديد بزاف ناس رح تحبوا واستثمرت في دراهمي ووقتي لمشروعي فجأة بردت وفشلت فشلة ماشي نورمال ..
كلش ولا يجيني ثقيل ووليت نكره ندخل للفايسبوك حاليا مارانيش نقبل فالطلبيات ومانيش قادرة حتى نحطلكم ليروتور تع الناس لي يلحقوهم ولا تع تأكيد الدفع ولا ليفوطو تع ليبرودوي لي عندي واجدين بعد ماجبتلكم منتجات من تيمو باه نبيعهالكم واجدة وماوليتش ننشر فالصفحة الفولورز راهم كل يوم ينقصو بال 40 / 50 اسك راني وحدي ولا نتوما ثاني؟ وشكون مرت بفترة خمول وتعب كيما هكا ورجعت عوضت هاذ الشيء؟
