20/03/2026
es.. من القلب
صح عيدكم كامل وكل عام وأنتم بألف خير.. 🌙
جاز العيد وفاتو أيامو المحملة بالبهجة واللمة الحلوة، واليوم حبيت نحبس اللحظة باش نوجّه كلمة شكر du fond du cœur. 🤍
إلى كلّ Reine اختارت IRAWA وزينت العيد بقطعة من إبداعي.. شكراً ليكِ لأنكِ وضعتِ ثقتك فيّ وفي ذوقي. Votre satisfaction وفرحتكم كي لبستو وكنتو راضيين هي النجاح الحقيقي اللي نسّاني في كل تعب.
كان بودّي نبارطاجي معاكم كامل vos magnifiques photos ونخلي العالم يشوف أناقة زبوناتي، لكن le grand stress والضغط الرهيب في الأيام الأخيرة وسباقنا مع الوقت باش نلحقو كامل les commandes خلاني ننشغل عليكم.
Un hommage particulier.. 👑
الشكر الخاص والعميق لجنود الخفاء، l'équipe IRAWA.. لولا وقفتكم، سهركم، وإخلاصكم في العمل ما كناش نوصلو لهاد النتيجة وما كناش نقدرو نكسبو تحدي الوقت. أنتم le vrai pilier وراء كل خيط وكل لمسة إبداع.
شكراً لكل وحدة صبرت علينا، وشكراً لكل وحدة خلاتنا نكونو جزء من فرحتها في العيد. Le meilleur reste à venir بإذن الله، ومعاكم دايماً نطمحو للأفضل.
Avec tout mon amour,
IRAWA by Yasmin 🖋️
