13/06/2025
نصائح مطبخية
الغريبية وأنواعها ، وأسرارها 😋
1)- الغريبية العادية :
1- غريبية الزيت :
3 كيلات فرينة + شوية ملح + كيلة ناقصة سكر (لا كنتي تحبيها يابسة شوية ديري سكر كريستال و لا كنتي تحبيها طرية ديري سكر قلاصي ) + شوية قرفة + كيلة ونصف زيت،
+ خميرة ..
حتى تتلم لعجينة خليها شوية تريح و طبعيها كيما تحبي. أنا نديرها فطابع تع معمول في مول سيليكون نديرها كراة كيما تع بكري و ديري لقرفة ملفوق جيك تهبل..
2- غريبية لفرينة المحمصة :
2كيلات ونصف فرينة محمصة+ كيلة زبدة ذايبة وباردة+ كيلة مش معمرة سكر رطب ، رشة خميرة...
3- غريبية الزبدة :
4 كيلات فرينة+ كيلة مايزينة+ كيلة سكر رطب + كيلة ونصف زبدة طرية+ فاني + خميرة...
4- غريبية السمن :
نفسها غريبية الزيت والزبدة نحب نخلط بين سمن ذايب وزبدة أو سمن وزيت ..
لبنات الكيلة تاعي هنا هي 250غ
يعني الخميرة في كيلة 250غ نستعمل نص باكي
لما يكونو 4 كيلات نستعمل 2 باكي خميرة
إضافات هنا نحب نزيد للعجينة مكسرات ، لاغوم،شامية، نحب نحشيها ...
ملونات نحب نضيف ملون غذاىي ونتحكم في لون كيما نحب.
طياب نحب نكورها نشكلها في ليمول نطبعها بطابع ....
2)- غريبية الفستق:
كيلة ونصف كاوكاو بطعم بيستاش محمص ومطحون ناعم+ كيلة سكر رطب + 2 كيلات زيت+ ملعقة كبيرة زبدة طرية + 3 مغارف لاغوم بيستاش + ملون غذائي اخضر ..
تخلط جيدا جيداااا معا حتى تتحول لكريمة ناعم جدا نضيف الفرينة ومعاه باكي خميرة المهم نلمها ونخليها ترتاح نشكل كراة ونحشيهم الحشوة: (كيلة كاوكاو + ربع كيلة سكر وفاني ونرش بماء زهر) نحاول نشكلها كيما حبة الكرموص وننقشها بنقاش كيما لافوطو ونطيبها ... نحيها ونعسلها شوي أو نرش عليها سكر رطب ..
3)- غريبية الورقة :
حطمت رقم قياسي تحفة
العجينة : نخلط 4 كيسان الفرينة و الملح و نضيف كاس غير ( سمن +زبدة )ذايبين و نخلط جيدا ثم نضيف الماء مع ماء الزهر حتى نتحصل على عجينة طرية و متماسكة نلفها في بلاستيك غذائي و نتركها ترتاح لمدة 3 ساعات ونحلها رقيقة بزاف ..
الحشو: في روبو نرحي 3 كيسان كاوكاومحمص ومرحي رطب+ كاس سكر رطب +الفانيليا و نقوم بطحنه حتى الحصول على عجينة يمكن عجنها بسهولة . نعجنها جيدا ثم نشكل حربوش (يمكن وضعها في الثلاجة حتى تتماسك و يسهل العمل بها )..
#غريبية الورقة بشكل مقروضة والمشرطة والمربعة نفس المبدأ
#وصفات
لاتنْسـواا متــابعة الصـفحـة وشـــكــراا ♥️
