29/11/2025
طريقة تعامل الوالدين مع الهاتف الذكي خاصة مع تقدمهم في السن دايمن تضحكني و نشوفها un moment de plaisir خاصة كي يسقسوك أسئلة غريبة و تلقاهم ما يفرقوش بين ليزينيتي و لي جيڤا و لا كي يعيطلك يوريلك كاش فيديو غامل و لازم عليك تضحك و لا كاش صورة تع خروف بسبع رؤوس ولا طريقة التصوير ديالهم هههه ولا الشارجور ديالو لي لازم وحد ما يمسو و يقلب الدنيا ايلوكان ما يلقاهش ، ولا كي يتخسرلو باينة يتفكر آخر وحد مسو و يحصلها فيه … الخ هاد لي ديطاي يقتلوني بالضحك و نستمتع بيهم
