10/11/2025
البراندينغ ما ولاّش ترند . فـ 2025 فـ لالجيري، ولى ضرورة.
سواء تهدر على البيرسونال براندينغ ولا الكوربوريت براندينغ، كاين حقيقة وحدة: الناس ما تولّيش تختار غير خدمة ولا برودوي. الناس تختار الثقة، الصورة، والهوية.
كاين بزاف لي يخدمو بالنية وبالقلب، بصح ما يعطيوش قيمة لكيفاش يبانّو. والواقع يبيّن بلي الصورة هي لي تصنع الاختلاف، وهي لي ترفع القيمة ديالك في السوق.
هنا ثلاث نصائح باش تبني براند قوي فـ لالجيري، سواء راك انتروبّرونور، كرياتور، ولا مسيّر شركة.
1. حدّد شخصيتك ولا هوية مشروعك
فالبيرسونال براندينغ، لازم تعرف شكون راك بالضبط: واش تقدّم، قيمك، قصتك، والتخصص ديالك.
فالكوربوريت براندينغ، لازم الشركة تعرف رسالتها، رؤيتها، ومكانتها وسط المنافسين.
الناس ما يتبعوش شركة برك. يتبعو نية ورسالة.
2. خليك دايماً متناسق في الصورة والتواصل
اللوجو، لافيش، الألوان، طريقة الكتابة، نوع المحتوى… كامل لازم يكونو ماشين في خط واحد.
وفي سوق كيما لالجيري، وين فيسبوك، إنستغرام وتيك توك عندهم تأثير كبير، الانطباع الأول يقرر بزاف.
3. ولّي مرجع في مجالك
شارك نصائح، تجارب، نتائج، معلومات، وقصص من يومياتك.
المشكل ماشي في الأفكار. المشكل هو الخوف من الظهور. بصح الناس لي ينشرو باستمرار في لالجيري يكسبو الثقة قبل ما يهضرو.
البراندينغ ماشي غالي، وماشي تع القش. البراندينغ هو قرار:
قرار باش تكون واضح، منسجم، وتبان بصحّة.
اليوم، كل واحد يقدر يبني صورة قوية تخدم عليه، وكل شركة تقدر تخلق بصمتها الخاصة وسط المنافسة.
