Quelles sont les heures d'ouverture ?

Lundi 09:00 - 17:00 Mardi 09:00 - 17:00 Mercredi 09:00 - 17:00 Jeudi 09:00 - 17:00 Vendredi 09:00 - 17:00 Samedi 09:00 - 17:00 Dimanche 09:00 - 17:00

Quel est le site Web ?

https://www.facebook.com/103779482577328/

NOOR NOOR

صفحة خاصة بالأنثى الجزائرية
NOOR NOOR

06/09/2025

وهادو واش قصتهم؟
والله غير تفهموني

03/09/2025

#رسائلكم
راجلي قلتلو جيبلي معاك طاكوس قالي نتي كي تشوفي عندي دورو تاكليهلي و تخليني غاضني الحال من حقي ولا زدت عليها

31/08/2025

#رسائلكم
لبنات تفاهمت مع واحد بش يبيراطي حساب خطيبي خاطر عندو نسا امي معاه شكيت فيه خدعني أيا ليوم بعتلو دراهم ربع مياتلف سيد بش يبيراطيه لقيتو بلوكاني ربي وكيلو سرقلي دراهم و بلوكاني راني نبكي ملخدعة هادي درت فيه ثقة دعاوي شر عليه

31/08/2025

بونجور بونجور فايسبوك✌️واش راكم 🤗 واش ديرو🫰كاش جديد كاش أخبار 🌝 راكم توجدو للقراية 😂 مابقاش 😹

30/08/2025

هاي هاي هاي فايسبوك ✌️ توحشتكم 🫣 بزااااااااف 🩷 ✨ واش حوالكم واش ديرو🥹 شحاااال توحشت نجي نحكي معاكم🤌 علبالي راكم نسيتو عليا واقيلا 🙄 والله نتغشش منكم😏
المهم حبيت نطل عليكم حابة نرجع ننشط و ماقدرتش نولي نبارطاجي معاكم🌝
هيا شجعوني بانو هنا نحسبكم 🫠 نشوف ادا نولي ولا مانوليش😐

23/08/2025

#رسائلكم
بنات توسوست تعيشو انصحوني انا نهار شوفة تاعي سقستو ختو اذا عجبتو قلها زين مايبنيش دار (فهمتها معجبتوش ) نبعد قتلي واش رايك قتلها قابلة شرطو مقبولين وڨاع ونبعد قل هو تاني قابل ويماه ملي جات مهدرت والو غير تخزر براك وشرط نسكن مع يماه وانا قبلت عادي معنديش مشكل راني راح نحبس من راسي كل خاطر نخمم وزيد قلولي كبير عليك هو عاش حياتو 29انا 21🥺

22/08/2025

#سؤال
حبيت نسقسي حاجة نتناقشو بإحترام بعيدا عن الاوضاع الاقتصادية و المواضيع المتكررة ف الصفحات
واش الحاجة لتخاف منها ومتخليكش تبدا ولا تقرر تعاود تبدا من جديد؟
علاه النفس تخاف هك من الخسارة و البداية من جديد بعد الفشل او نخافو أصلا من التجربة ولا عندنا فكرة عن الموضوع كيف وحنا ماجربنهاش أصلا
كيفاه ممكن نحولو فشلنا لنجاح ضعفنا بقوة خسارتنا لربح !
هيا قولو لنا خلينا نستفادو

22/08/2025

#رسائلكم
خويا 41 عام خطب واحد البنت عندها 26 و رفضاتو مابغاتوش
مارضاش ليوم كاع ماتغدا معانا و غي ناعس هربت بالضحك هههه

21/08/2025

#منقول
انا ماشي شاطرة بالمفهوم الجزائري وما نطيرش مع الطايرين كيما يقولو 🙂
هكدا ناوية نعيش حياتي.. بإذن الله
ندير ميناج لقع الدار فالموااسم و نجيب خدامة تعاوني و نخلصها ، حلوة العيد ندير شوية و ادا مقدرتش نشريهم من برا نرمال
كي نكون عيانة نشري ماكلة من برا ، كي تقعد ماكلة نعاود نسخنها و ناكل مش شرط نطيب كل يوم .. الماعن نخليهم يباتو عادي كي نكون عيانة و لا نكون مشغولة و لا مش نافحتلي نغسلهم..
ما نوضش بكري ، نوض نصلي الفجر و نعاود نرقد للعشرة ولا حتى يروحلي تعب .. ما نسيقش كل يوم ،الزرابا الغطاوات نبعتهم يتغسلو برا ،
نريح روحي على قد ما قدرت و نستحفظ على صحتي عجالي و عجال ولادي فالمستقبل ، المجهود لي نضيعو في غسيل الحيوط كل يوم نربي فيه ولادي و نقريهم و نلعب معاهم بسكو مين نكون عيانة أكيد رح يطيحلي لمورال و نتقلق من ولادي،
بالمفهوم الجزايري تاعنا انا مرأة مك..سرة اليدين وي بصح بالمفهوم العقلاني انا إنسانة نعرف نعيش ولادي نربيهم احسن تربية ان شاء الله و تكون حياتي متوازنة هداك هوا الصح
الزواج عمرو ما كان شغل الدار و الميناج و الطياب و تطياح صحة عمرها ما كانت علامة المرأة الشاطرة . المرأة السعيدة هيا الذكية مش معنتها لازم طيح صحتك و راجلك يشوفك h24 تخدمي و للعلم فالشرع قال اذا حتاجت المرأة لمعينة يحق لها ذلك ..
صدقيني ما راحش تربحي محبة راجلك و ناس دارك بالخدمة فوق طاقتك و التهمبير باه تباني فحلة . الزواج سكن و عشرة مش خدمة و هلكان صحة، صدقوني المرأة هيا لي طيحت الها..نة على روحها و على نسا لوخرين تلقايهم يتسابقو شكون لي تهمبر كتر حتى رجعت المرأة الجزائرية لا تصلح إلا لته..مبير مع كل احتراماتي..
٠ إذا كان هدا هوا التفنيين بالمفهوم تاعنا
فأنا فنيااا..نة_وأفتخر 🤷‍♀️

19/08/2025

#رسائلكم
انا قريب عرسي وصيت لافامي تاعي
مكاش لدير لكواف لشعرها كما تع لعرايس غير أنا باش نبان غير انا عروسة
ووصيت لعندها تصديرة غالية تع لعرايس متلبسهاش..تلبس حاجة سامبل غير لمعندهاش واش تلبس تلبس تصديرتها ولازم تلبس حاجة واحدة منسحقش لتتصدر كل دقيقة باش تبان خير مني
قلتلهم للعرايس جدد فاملتي منهم نسا خاوتي قلتلهم خلاص لبستو تصديرتكم وبينتو رواحكم نهار عرسكم خلوني اذا انا لنبان نهار عرسي ومتمشطوش كما انا
مافهمتش علاش كاين لتحب تبين روحها خيرمن لعروسة... ياك كل وحدة يجي نهار فرح تاعها ولا جاز نهار فرح تاعها خلاص
انا مقلتلهمش متتحفوش رواحكم.... لكن محبيتش برك يبينو رواحهم خير مني نهار عرسي...
نحكيلكم حضرت لوحد عرس مرحناش بكري كدخلت لاصال لقيتهم جابوها وراهم يشطحو اقسم بالله غير حرت شكون عروسة ههههه
انا عندي قاعدة في راسي لمزوجة جاز فرحها وبينت روحها
ولعازبة نستنا دالتها

18/08/2025

ارواحو هنا نحكي لكم واحد الحاجة وبعيدا عن التعصب ومصطلح النسوية لتتهجمو بيه
حبيت نقولكم الحقد والخلاف هدا لبين الجنسيين و المواضيع لديما تتكرر عن النساء والبنات تلبسهم وسترهم وتعريهم وووو ومش عارفة واش
حبيت نقولكم حاجة حنا لبنات مش سبب فساد المجتمع ولا سبب في التحرش ولا سبب في الظواهر لتصرا برا وبلا سبب بزاف حوايج تتهمو فيهم جنس للانثى
وبعيدا عن الجنسين مانقدروش نحملوهم المسؤولية بصح كاين واحد النقطة مهمة نقولهالكم
حنا رانا امهات واباء المستقبل واي قرار في صالح المرأة مش عاجبك اليوم راه في مصلحة بنتك ختك مك غدوة وحنا مانحكيوش ع الرجال واصحاب الفطرة السليمة
بصح لعلمكم وقراو كلامي مليح وتفكروه
غدوة من غدوة تولي اب ترضى لبنتك تتعرض للمس لسب لشتم للتحرش!؟ أكيد لا
وهدا مايرجعش للبستها خليني نقولك بلي لبنات يتعرضو لهدا الشي من صغرهم في الابتدائيات والمتوسطات بنات صغار ومستورات وكامل ماوصلوش لست البلوغ و ماعندهم لا تصرفات اغرائية ولا عندهم فساد النفس البشرية ولا مزال عارفين الحياة كيف تمشي
بنات مزالت فيهم البراءة بنتك 6/7 سنوات تبعتها الابتدائي تقرا بصح صدقوني اغلبهم يتعرضو لهم اولادكم ويتحسسو مناطقهم واجسامهم الحساسة يلي مدايرين الحق كامل على المرأة ولبسها ونتوما مش عارفين لاتتحكمو ولا تربيو ولادكم من الصغر
هنا طفلة تقرا في ابتدائي تتعرض للتحرش الجنسي من زميلها هنا على من يوقع اللوم؟
هل مارست عليه الاغراء تجي نت كبير وراشد تقولي أكيد لا
مالا حبسو تبريرات المجتمع الذكوري
خاطر راكم من الصغر مش عارفين تربيو ولادكم تولدو وتطلقو لا تربية لا سلطة لارقابة
ربي الذكر قبل الانثى👌

17/08/2025

#رسائلكم
لبنات الله يستركم لي تجوز منا تدعي لنا ربي يفتح علينا.
حنا 5بنات لا خدمة لا زواج انا الصغيرة قريب ندير 40 شحال من واحد يهدر علينا بصح ما تكملش💔🥹

و زيد الظروف لي رانا عايشينها في الدار لا حول ولا قوة ديما لعياط و المشاكل 💔 و زيد ماما نرجسية تسبنا و تعاير فينا و تقول لالاكم يزوجو في ولادهم 💔
حسبنا الله و نعم الوكيل في اللي ضيع لنا حياتنا💔🥹

Adresse

Constantine
16000

Heures d'ouverture

Lundi	09:00 - 17:00
Mardi	09:00 - 17:00
Mercredi	09:00 - 17:00
Jeudi	09:00 - 17:00
Vendredi	09:00 - 17:00
Samedi	09:00 - 17:00
Dimanche	09:00 - 17:00

Site Web

facebook.com

Notifications

Soyez le premier à savoir et laissez-nous vous envoyer un courriel lorsque NOOR NOOR publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.