By Me

05/09/2025

06/08/2025

🔴اليوم الرابع:
شابة في مقتبل العمر تعاني من الجير تتقدم إلى العيادة لكنها متخوفة من إزالته كون العملية تجعل الأسنان ضعيفة و رثة أو ما يقال بالعامية ( détartrage يرشي السنين) و هذا ما يعتبر خطأ شائع جدا .
🔴 الجير هو عبارة عن تراكمات لبقايا الأغذية و البكتيريا الموجودة في الفم مع بروتينات الموجودة في اللعاب كل هذا يتشكل على شكل طبقة أو ما يسمى plaque dentaire و التي تتحول إلى جير و الذي يتمركز بشكل أساسي في الأسنان المجاورة ل les glandes salivaires
🔴 للجير عدة أسباب أهمها التدخين ،عدم غسل الأسنان بانتظام،شرب بض الأدوية ...
🔴 إزالة الجير عملية طبية لازمة لا تضر السن نهائيا إذ أنه يتموضع بين اللثة و السن مما يؤدي إلى تعريه و من ثم فقدانه كما يعتبر سببا في الرائحة الكريهة للفم و بإزالته يتحسس السن لمدة 3 أيام على الأكثر ( هذا علاه يقولو يرشى خاطر يتنحى الجير لي حاكم بلاصة اللثة ) في اليوم الرابع يبدأ التمام اللثة و عودة صحة الأسنان،
🔴معا ضد تصحيح المعتقدات الخاطئة في طب الأسنان
By me

30/06/2025

🔴 اليوم الثالث:
تجيك مرأة عمرها 56 مخلوعة تقولك الطبيبة لساني تبدل لونو البارح كان بني و اليوم رجع لونو أسود تسقسيها لكان عندها مرض تقولك ما عندي حتى مرض بصح عندي سمانة و أنا نشرب فالمضاد الحيوي مدهولي الطبيب على الجرحة تاعي تقيحت هنا دير الفحص اللازم و تعرف بلي عنها متلازمة اللسان الأسود المشعر أو ما يعرف ب( syndrome de la langue noire villeuse)
🔴 متلازمة اللسان الأسود المشعر هي حالة عابرة فقط وين يتغير لون اللسان إلى البني أو الأسود هذا اللون يجينا من البكتيريا أو الخمائر الموجودة في الفم و اللي بفعل أسباب خارجية مثل المضادات الحيوية أو التدخين أو أدوية أخرى تتغير البنية تعها و تتموضع هي و الخلايا الميتة على النتوءات الموجودة في الفم هذا الشئ يؤذي إلى تصبغ الطبقة الخارجية للسان باللون البني أو الأسود و باه نتجنبو هاته الحالات لازمنا نحافظو على نظافة فمنا و ما ننساوش نغسلو لسانا مع كل مرة نغسلو فيها فمنا
By me

22/06/2025

🔴 اليوم الثاني:
شابة في عمر 24 سنة تجي تقولك طبيبة عندي كحولة فسنيا و حابة نحيهم على l'esthétique برك و سنيا نغسلهم بانتظام و ما يوجعونيش ما فهمتش لكان سوسة أو حاجة خلاف.
⛔ نبداو على بركة الله بشرح الحالة هاته الخطوط السوداء أو ما يسمى ب "Black Stains" هي عبارة عن تلون الأسنان باللون الأسود و ذلك ناتج عن تفاعل كيميائي بين البكتيريا اللي كاينة في فم الإنسان و اللي يكون مصدرها بقايا تاع الماكلة تعنا و الحديد الموجود فاللعاب تاع الإنسان هذا التفاعل يخلي اللون يتبدل للأسود و قادر نلقاوه بني غامق هاته الحالة ماهيش ضارة نهائيا للأسنان و إزالة اللون يكون لغرض تجميلي فقط . الصور مأخوذة من العيادة
By me

20/06/2025

🔴 اليوم الأول:
الحالة هذه تسمى التهاب اللثة التقرحي أو ما يعرف باسم (gingivite ulcero nécrotique) و التي غالبا تكون عند الفئة العمرية ما بين 18 إلى 30 سنة من بين أعراض هذا المرض آلام قوية مشابهة في بعض الأحيان لآلام نخر السن تصاحبها سيلان دم من دون أي لمس للثة و تقرحات على مستوي مناطق ما بين السن أو ما يعرف ب( la région interdentaire et les papilles dentaire) كما موضح فالصورة التشخيص يكون في العيادة عن طريق الفحص
⛔ يعد السبب الرئيسي للوصول إلى هاته الحالة عدم الانتظام في غسل الأسنان بطريقة صحيحة مما يجعل فم الانسان بؤرة لتكاثر للبكتيريا و تخريبها للانسجة المحيطة بالأسنان ،ترافقه بعض الأسباب كالتدخين و الضغط و العامل النفسي الذي يساعد بشكل كبيييرر في تطور و تدهور الحالة
⛔ اما السبب الذي يمكن أن يكون الأخطر هو أن يكون الشخص حامل لمرض عدوي مثل السيدا فتكون هاته الحالة من بين أعراض المرض
By Me

20/06/2025

🔴 اليوم الأول :
تكون قاعد تكمل في خدمتك يدخل مريض شاب عمره 27 سنة من دون مقدمة يقولك طبيبة فمي ليل كامل البارح مرقدتش الوجع بزاف قوي من اللثة تاعي و تسيح بالدم عندها ايام بصح كنت مع الضغط تاع العمل ملقيتش و قت باه نجي حتي لقيت الوجع زاد البارح كي شفت فالمراية لقيتو فهذا الحالة و يسيح منها القيح . تسقسيوه اسكو يتكيف يقولك وي 10 سجارات فاليوم و ما نغسلش بزاف خطرة فالسمانة أو أكثر و عندي الريحة في فمي تسقسيوه لكان عندو اي مرض يقولك ما عندي حتي مرض من غير ضغط الدم المرتفع من الستراس تاع الخدمة .... تبداو الفحص تاعكم و تلقاو فمو هكا بعد ما تشوفوا جميع المؤشرات و ديرو لي تاست اللازمين. يا ترى كيفاه اسمها هذه الحالة؟ واشيا هوما مسبباتها ؟ التشخيص يكون فالمنشور الجاي إن شاء الله