21/07/2025
🛑بالنسبة للناس لي مافهمتش الاجراءات تاع منحة السفر
شوف انت راك مسافر تبعني غير بلعق
تروح للبنك تمدلهم الوثائق التالية :
1- تذكرة السفر
2- جواز السفر ساري المفعول
3- نسخة من الصفحة الاولى لجواز السفر
4- نسخة من التاشيرة اذا عندك
و تخلص تماك فالبنك بالدينار يمدولك وصل يثبت دفع قيمة 750 اورو بالدينار
هنا خلاصت خدمتك فالبنك
نلحقو لنهار تكون مسافر تدي معاك الوصل هذاك لي مدوهولك فالبنك و بعدما تجوز على لاباف و يكاشولك باسبورك تروح لعند شبابيك بنك الجزائر على مستوى المطار واش تمدلهم تماك
1- جواز السفر تاعك
2- بطاقة الركوب من عند شركة الطيران لي يمدوهالك كي تدفع الحقائب تاعك
3- الوصل لي مدوهولك فالبنك ( كي خلصت دينار )
و هنا تنتهي العملية يمدولك 750 اورو تاعك تركب فالطيارة و السلام عليكم 🫡
