08/03/2026
يا سايلني اسالني و نعيد عليك
راهو جرو الذيب بالمعزة سارح
و شفنا ولد الكلب عاد معاه شريك
وكلاو الجديان و هي تتصايح
جانا الوقت الي تقيد فيه الديك
و بطل التعوعيش فالبكرة صابح
الخرا حمار ما فيها تشكيك
و لى يعشي اليوم عالعود القارح
و العتروس كي دار فالساحة كوميك
و بانو قرونو عاد فالكبش يناطح
يا سايلني اسالني ونعيد عليك
سبع الهدة راه فالفخة طايح
ولي كان قبيل فالغابة مليك
راهو طاق عليه ثعلوب الجايح
تتالم يا سايلي و الدمع يجيك
و تتاسف من كان سلطان البارح
وخليني يا سايلي ضرك نسقسيك
عود المسك علاه ماعادش فايح
و الورد الي كان بمروج مزهيك
وسط الزوابي عاد ضروك يتلاوح
ها جاوبني و قولي واش الي بيك
و سؤالي مفهوم و نظنو واضح
