Sakina dz

06/07/2025

وصلنا ضرك لمربط الفرس . واش معنى الألعاب ؟
اللعبة االي يقصدها الكاتب هي نمط سلوكي يتعاود يتبعو الشخص بشكل غير واعي باه يجيب رد فعل متوقع .
يعني حياتنا راهي أنماط سلوكية متكررة نعملوها باه الناس تعمل ردود أفعال اللي في الغالب نكونو متوقعينها إيه نعم
السؤال الملح هنا : علاه ندخلو في هاذ الأنماااااااط 🤔 وحنا قادرين نتعاملو مع الآخر بعفوية وبلا حسابات .
الجواب هو باه نتفاداو الاتصال الحقيقي أو لإشباع احتياجات نفسية غير مباشرة (تبعوا الأمثلة ضرك تفهمو )
♦️ عبارة مثل : شوف واش اظطريتيني نعمل لعبة .وين تلوم فيها الآخرين على أفعالهم وكأنك ضحية ولا واحد يطلب النصيحة ومن بعد يرفض كل الإقتراحات باه يبقى في دور الضحية ثاني لعبة .
♦️ واحد يستفز الآخر باه يغضب عليه ..يولي هو البريء والآخر يحس بالذنب ثاني لعبة اسمها " اضربني "
♦️واحدة (ماشي لازم ديما واحد ) تعمل غلطات متعمدة أو تخالف القواعد باه تشوف شكون اللي راح يهتم بيها هاذي لعبة ausssi واسمها " أمسك بي لو استطعت "
♦️ لعبة ليس ذنبي ؛ وين المشاكل كااامل سببها الآخرين وأنا ماعنديش يد فيها .
الكتاب مبهر صراحة ويخليك تفهم الأنماط اللي عندك وعند الآخرين تعرف تصنفها تتعامل معاها وتبني علاقات ناضجة وواعية .
شخصيا عجبوني الألعاب وراح نكمل نقراهم ونحاول نطبقهم على حياتي وعلاقاتي . نكمل البقية ولا غير مهم ؟

06/07/2025

كاين كتاب اسمو Games People Play ومعناه الألعاب التي يمارسها الناس . فيه تحليل للتعاملات بين البشر ; ويقول باللي الناس يتفاعلو مع بعضاهم بمعاملات نفسية (كيما المعاملات البريدية والبنكية) وهاذ التفاعلات فيها ألعاب نفسية ماشي واعية : يعني الناس كامل يعملو سلوكيات متكررة باه يخلقو استجابات من عند الآخرين ولو كانت هذه الاستجابات مؤذية ليهم يالهوي 😱 كيفاه ؟ ركزو وتبعو مليح ضرك تفهمو كيفاه .
الكاتب قسم النفس البشرية ل3 أنا :
✅️ الأول : الوالد ; اللي هو صوت النقد والتوجيه ؛ المصدر تاعو الوالدين والمجتمع .
✅️الثاني : البالغ ولا الناضج ; عقلاني منطقي ويقيم الواقع بهدوء .
✅️الثالث : (والذي أنتمي إليه ) الطفل ; مشاعري تلقائي ؛ تلقاه إما متمرد خايف ولا فرحان .
تعبت من الكتابة والموضوع رائع ..نكمل في منشور آخر
لكن قبلها قولولي نتوما وينا "أنا "

05/07/2025

الدلاع في قرعة والكسكسي في الدلاع . عشنا وشفنا يا عيال 🤣

04/07/2025

أخيرا لقيت حل للقشرة ✌️

03/07/2025

مانيش قادرة نكتب بصح حبيت نسقسي على أحوالكم

02/07/2025

سبحان الذي يسبح الرعد بحمده والملائكة من خيفته
أمطار ورعد هنا في سطيف . وعندكم ؟

01/07/2025

ياخي علاه راهم يحطو قبعة التخرج على القراعي تاع الما ؟ خايفين تضربها الشمس ولا واش ؟؟؟؟؟

01/07/2025

دمعت عينيا وانا أقرأ .ماأكرمك ربي

29/06/2025

لقيتها البارح في المول لونها أخضر هاديء جدا والسومة راهي فيها . مليحة ؟

28/06/2025

الزغاريد وضرب النيران في كل مكان ...واقيلا عاودنا ستقلينا
ألف مبروك للناجحين في شهادة التعليم المتوسط

26/06/2025

25/06/2025

كاين فيلم اسمو Bedazzled كنت نشوف فيه بكري كي كنت صغيرة وكان يعجبني بزاف لأن الممثل كل مرة يعيش حياة مختلفة ويتقن الدور جدا ؛ مرة واحد عندو الدراهم ؛ مرة شاعر حساس جدا حتى لشروق الشمس وغروبها ؛ مرة رجل مثقف وكاتب ناجح وفي أخرى صاحب سلطة وحتى رياضي محترف .تغيير شكل الممثل كان خرافي في كل دور ؛ وحتى صوتو يتبدل حسب الحياة اللي عايش فيها . كنت نشوف الفيلم بشكل سطحي ومنبهرة بصناعة الأفلام الأمريكية فقط بغض النظر عمن كان يحقق الأمنيات ..
مؤخرا عاودت شفتو وكانت الرسالة فيه واضحة جدا . الشيء اللي تحوس عليه وتتمناه ممكن يجيك بسهولة بصح ماشي بنفس الطريقة اللي تشوف فيها انت توالمك .
مثلا لما تطلب من الله الشفاء من مرض ما ؛ لعل دعائك استُجِيب لكن ليس بالطريقة ولا في الوقت اللي متوقعو انت . ربي يسهلك الأسباب ويلاقيك في رحلة الشفاء بشخص يكون هو رفيقك في الحياة . ولا يسهلك حياتك بطريقة ما تعرف بيها السبب وراء المرض اللي بالاك يكون عدم حب الذات كفاية ولا أقنعة حاطها ومخبي بيها صدمات نفسية مخفية ولا بالاك بعدت على ربي ، وربك بلطفه حب يرجعك لحضرته وذكره . لعل بذاك المرض تتحل معضلة أخرى في حياتك بطريقة ما .
حبيت نقول ان الله يستجيب داااائما والاستجابة ماتكونش بالطريقة اللي في عقولنا حنا لكن بالطريقة التي تنقذنا . ربي يحبنا ولا يرضى لنا العذاب .
قولو لا اله الا الله وحبو ربي قبل أن تخشوه .