16/07/2026
أولا كامل تعاطفنا مع خاوتنا فاولاد ميمون والشولي و ماجاورهما بسبب الحرائق الي كامل سهرنا نشوفوها وندعوا الله يخفف و يحمي أهلنا ..
ثانيا هذه النار هي اما بفعل فاعل ولهذا الاحتمال مؤكد أن أجهزة الدولة والدرك ومصالح الغابات باشروا اجراءاتهم وتحقيقاتهم .. وإما أنها اشتعلت بفعل فاعل غير مباشر ..
• أخي السوكارجي .. كاين احتمال انو قرعتك الي رميتها من النافذة أثناء الشرب هي سبب هذه الكارثة ..
• أخي المواطن لي مشيت لظل الغابة تاكل وتشرب .. احتمال القارورات او مخلفاتك لي خليتها فالغابة هي سبب الاشتعال .
•اخي المواطن المدخن .. حتى عقب السيجارة الي ترميه بكل قوة كأنك ترمي الجلة لانك خايف القارو يطيح فالڨودرون وتجيبه فطرف الطريق .. قادر هو سبب الكارثة .
•اخي المواطن العادي الي تزيرت فوسط الطريق ورحت تقضي حاجتك البيولوجوية و خممت فنظافتك وديت قرعة الما باش تستنجا . من بعد رميتها جنب السدرة الي سترت روحك بيها .. نت تاني ممكن تكون سبب غير مباشر لكامل واش بايتين نشوفو ..
وعينا يخلينا نحميو بلادنا .. عيش حياتك لكن عيشها بضمير .
ونسأل الله ان تكون هذه النار بردا وسلاما على خاوتنا .
