وهراني أنا ماشي براني

وهراني أنا ماشي براني مرحبا أخوتي مرحباً بالصّحاب 🤍
(1240)

18/09/2025

بدعة، لا يجوز، حرام..

اذا شفت روحك تتقبل النصح و الفتاوى في هذه الأمور وتبحث إن كان الناصح على حق فاعلم انك على خير و اسأل الله الثبات فهناك من لا يحب سماع هذه الكلمات، لأنها ضد هواه

17/09/2025

مانيش نزكي في روحي ولا في الصفحة لكن في وقت مضى مكانش لي كان يسبقني في التعصب للنادي والمدينة ، الصفحة أصلاً فتحت نهاية سنة 2012 بعد مباراة مولودية وهران ضد مولودية الجزائر في زبانة صراات مناوشات لتنتقل بعدها لمواقع التواصل أين كانت أغلب الصفحات الكبيرة تسير من العاصمة وقتها كان هذا الصرح وحده يجابه صفحات مليونية ، ويدخل في نزاعات مع الجميع ، شلف بجاية، العاصمة ، بلعباس ..إلخ، حروب كثيرة خضتها هههه ، غير نشوف واحد تكلم بسوء عن المدينة ، نشعل .. بصح ممبعد كي تفطن تفهم بلي كله وهم و ريح في شبك ، كم من ذنوب حصلتها و شعال من نزاعات تسببت فيها ، وكم باب تاع فتنة فتحته .. كانت فيا هاذيك القومية الجاهلية نلقى روحي نقذف في ناس ، نكره مسلم موحد كيفي، ونتمنى الشّر لإخوة لي في الإيمان كل هذا بسبب ماذا؟ كرة قدم ولا منشور كتبه شخص مراهق ؟
غدوة عند الله هل ستفيدني تلك التعليقات؟ واصل انت باتمان حامي المدينة ؟ طعنهم هل سينقص من رجولتنا شيء ؟ الصالح في كل مكان والفاسق في كل مكان و إذا ضرك بكلمة قل حسبي الله ونعم الوكيل وكفى بالله وكيلاً ، وحده الله عز وجل يتولاه وعند الله تلتقي الخصوم .

الواحد راه في حرب مع نفسه يحاول التقليل من ذنوبه ، آيااا نزيد ذنوب كرة القدم ؟ نصيحة تجنبوا الدخول في هذه النزاعات فأي كلمة تقولها ولا تكتبها تسجل عند الله وقادر تهوى بك في نار جهنم ..

هدانا الله وإياكم

رياضة كرة القدم هي للاستمتاع، هي ليست معيارًا بين الحق والباطل، وهي جزء من الحياة وليست كل الحياة، هي رياضة وليست هوية، ...
17/09/2025

رياضة كرة القدم هي للاستمتاع، هي ليست معيارًا بين الحق والباطل، وهي جزء من الحياة وليست كل الحياة، هي رياضة وليست هوية، هي رياضة وليست شيئًا تغضب من أجلها أو تقاطع أحدًا من أجلها، أو تخسر صحتك من أجلها، ضعها في حجمها، استمتع بها ثم عد لحياتك المليئة بما هو جاد وأكثر أهمية.

اللهم جنبنا الفتن ، ما ظهر منها وما بطن..

الإنسان هذا كاين لي غادي يعرفه من الصورة كاين لي لا ، الشخص هذا إسمه فريد من أفغنستان عرفناه بفيديوهات الأخ مهدي شطاح لي...
17/09/2025

الإنسان هذا كاين لي غادي يعرفه من الصورة كاين لي لا ، الشخص هذا إسمه فريد من أفغنستان عرفناه بفيديوهات الأخ مهدي شطاح لي عنده محتوى حول السفر ، فريد ظهر في فيديوهات مع مهدي و كان دائم الإبتسامة بشوش عنده قبول كبير هو والأصدقاء الذين ظهروا مع مهدي في رحلته لأفغنستان ، بسطاء لدرجة ما تتصورش، فريد كان عنده مدرسة لتعليم القرآن هناك في أفغنستان، اليوم جاء خبر وفاته رحمه الله وأسكنه فسيح جناته ، الموت قضاء الله وقدره وأمر محتوم وكلنا لله راجعون بصح شفت الواحد كي يكون حسن الخلق وطيب القلب ربي يسخرله أناس من كل بقاع الأرض تدعي له بالرحمة والمغفرة..

حتى وعرفناه في فيديوهات قصيرة إلاّ أنه ترك أثر طيب عندنا حوله وحول كل الأشقاء المسلمين هناك في أفغنستان ..

إنا لله وإنا إليه راجعون

أكثر من خمس سنوات وهذا النكرة يتطاول على مدن الجزائر ، يزرع الفتنة بين سكان الولايات ومن بين هذه الولايات " الباهية وهرا...
15/09/2025

أكثر من خمس سنوات وهذا النكرة يتطاول على مدن الجزائر ، يزرع الفتنة بين سكان الولايات ومن بين هذه الولايات " الباهية وهران " ، يستهزئ بالدين ، بالأحاديث وحتى بعض الآيات من القرآن الكريم ، تعدى حدود الله وداسّ على القوانين ليعتقل ويسجن لفترة لم تتجاوز الأربعة أشهر !؟
هل هذا الشيء معقول !؟ هل تستحق كل هذه التهم أربعة أشهر حبس !؟
كنا ننتظر أكثر ، الآن سنرى إذا البرهوش تربى ولا ايام ويرجع لهواياته التي تتمثل في زرع الفتنة بين أبناء الوطن الواحد

12/09/2025

التيك توك طاعون العصر الحديث، أفرز لنا جيل تائه ، جيل طالع يعقلية زبل حاشاكم وكل هذا بمباركة بعض الكبار من عشاق الجام ومحبي الشهرة لي يدير أي حاجة باش يبان ، باش يطلع الكونت ، نتمنى من الدولة تضرب بيد. حديد ماشي الصغار تضرب هاذ الكبار لي يدمروا الصغار ويعلموهم غير الصوالح الشينة ، رانا نشوفو ناس دايرين أولادهم وبناتهم محتوى في مواقع التواصل الإجتماعي والله المستعان..

اليوم شريت قميص لي خدماته الريد كاستل ووفراته لكامل الفيراجيست والصراحة خدموا تحفة فنية و قميص أنيق بزاااف ، شباب من كل...
11/09/2025

اليوم شريت قميص لي خدماته الريد كاستل ووفراته لكامل الفيراجيست والصراحة خدموا تحفة فنية و قميص أنيق بزاااف ، شباب من كل شيء ، نوعية القماش قوة ، الطباعة متقونة و بدقة ، والتفاصيل لي فيه زادته جمالاً ، شعار المجموعة على اليسار، تاريخ تأسيس النادي على اليمين تحتهم إسم أول مولودية في البلاد وفي الظهر إسم منعرج قاسح بزااااف ..

برافو الأولاد ❤️

هل أوروبا جنة كما يصورها الكثيرين!؟ هل تستحق كل هذه المخاطرة في مياه المتوسط !؟ هل تستحق دفع مبلغ 180 مليون للوصول إليها...
10/09/2025

هل أوروبا جنة كما يصورها الكثيرين!؟ هل تستحق كل هذه المخاطرة في مياه المتوسط !؟ هل تستحق دفع مبلغ 180 مليون للوصول إليها والعيش فيها كمهاجر غير شرعي!؟ بيع السجائر في سوق من أسواق أوروبا هو الحياة الكريمة لي راه يسعى من أجلها الشباب ؟
شعال غادي تعيش في هذه الدنيا ؟ 50 سنة أو 60 ؟ علاه ما تبروفيتيش ما تبقى من عمرك مع والديك ، والأولياء لي راهم يبيعوا صوالحهم باش يرسلوا اولادهم للمجهول في قوارب الموت ، بصح عندكم قلب وضمير ؟ ولا المهم تتهنى من مشاكل لي كان يجيبهملك هنا ؟
رانا شفنا الأغلبية كي راهم عايشين تم ما تغركش الصور تحت برج إيفل و الأماكن الجميلة ، رانا نشوفو الأغلبية ما راهاش تريزيستي أكثر من سنة و يعاود يولي يحاول يبدأ من جديد هنا ؟ كاين ناس صدقتلهم في الغربة حقيقةً بصح السنين الأخيرة ما بقاتش والدليل حتى الاوروبيين لي بلدانهم وراهم يعانوا وما حدث في فرنسا اليوم خير دليل ، اذا غادي تعيش بالسرقة فهذا حرام وسرقتك للكفار تاني ذنب وأموال حرام ومن ناحية الدين ابحث وحدك وستتأكد بأن العيش في أظهرهم حرام وصعيب تقدر تربي أولادك على الدين في بيئة راها تتطور فالفساد عام من مور عام ..

الصورة لقميص مولودية وهران وج. مرمي على شواطئ آلميريا ، نتمنى يكون صاحبه حي واذا توفي غرق نطلب له الرحمة والمغفرة .

#العلامة _الرسلان" لم تعد البيوت محاضن تربيةبل صارت مطاعم للتسمين "
09/09/2025

#العلامة _الرسلان
" لم تعد البيوت محاضن تربية
بل صارت مطاعم للتسمين "

09/09/2025

مريض بحاجة ماسة ومستعجلة جدا للدم
AB+
0772298272

حين تمطر يتغير كل شيء، رائحة الهواء و التربة ، يغدو الطعام أشهى و القهوة ألذ، الوجوه العابسة تضحك، الكبار يستعيدون طفولت...
09/09/2025

حين تمطر يتغير كل شيء، رائحة الهواء و التربة ، يغدو الطعام أشهى و القهوة ألذ، الوجوه العابسة تضحك، الكبار يستعيدون طفولتهم، و تبدو الأشياء و الأرواح و القلوب ألطف...
أحب الحياة عندما تمطر.

صباحكم خير وبركة أحبتي في الله

08/09/2025

مجموعة قصر قاموا بإقتحام محل في سوق ببلفور (الحراش /العاصمة ) وقاموا بسرقة أموال كثيرة .. والآن هاذو تاني نشجعوهم ونقولو صغار في السن وزوالية و فرجوا على رواحهم ولا ندين التصرف ؟؟؟

Adresse

وهران غير الموت الي تبعدني عليك
Oran
31000

Site Web

Notifications

Soyez le premier à savoir et laissez-nous vous envoyer un courriel lorsque وهراني أنا ماشي براني publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type