صفحة اخبار الحوادث الوفيات لمدينة الونزة وضواحيها -الرسمية -

13/07/2025

بعد إطلاقـــنا لمنصة ( رزق ) وبفارق ساعتـــين فقط شهدت عشرات التســــجيلات من شباب المنطقة البــــطال أغلــــبهم أصحاب شــــهادات
وهذا الأمر مؤســـف حقا أن لا يجد صاـــحب الحرفة أو الاختصاص عـــمل يقيه حاجة النـــــاس
المهــم المنصـــة مفــتوحة 24/24 ساعة لمن يرغب بالتســــجيل لعله يجـــد من يبحث عن عامل

ونداء أيضا لمن يبــحث عن عمال أو عامــــلات ولا عندو بريكول يدخــل للمنصة ويخدّم معاه واحد ولا اثنين

• ملاحـــظة : إذا كنــــت ساكن في ونزة يكفي فقــــط كتابة ونزة أو المريج أو عــين الزرقــاء بدون إضافات أخـــرى ونسأل الله أن يـــرزق الجمـــيع

المنـــصة

@أبرز المعجبين

13/07/2025

فيديو اللحظات الأولى للحا•• دث اللي صرا في طريڤ بوحجار واللي أصيب فيه السيد جمال برايس المغترب بفرنسا و المقيم سابقا بحي الأمل الونزة
حاليا راهو في الإ••نعاش بعنابة ...ربي يشفيه

12/07/2025

مرحبا .. عندنا طِفل يتيم الأب فرغلو الكوش والحليب
• الكوش 6 والحليب لحظة بورجو وماجاورها
إذا حاب تعاونو إشريلو #بنفسك

للاستفسار : 0658162473
إذا ماقدرتش تعاون تفاعل مشكورا

12/07/2025

#توضيح
السلام عليكم .. حبينا نوضحو المنشور المبهم اللي نشرناه البارح
وصلنا اتصال حوالي 9 تاع الليل من استعجالات عنابة يفيد بوجود شخص على مستوى المؤسسة عمل حا••دث في طريڤ بوحجار بسيارة نوع audi .... بدوره سبيطار بوحجار بعثوه مباشرة لعنابة .....

بعد وصول الشرطة لڤاو معاه هوية و اعطونا معلوماتها ....

وهو برايس جمال مواليد 1 جويلية 1969 أصلوا من عين الزرقاء وكان ساكن قبل في ونزة وحاليا مقيم بتولوز فرنسا
وطلبو منا ننشرو الخبر باش أهلو يتعرفوا عليه

حنا قمنا بدورنا الإنساني ونشرنا الإعلان ... على إثرها تواصلوا معانا اشخاص من عايلتو وراحولو ولادو ... واليوم تواصل معانا شخص فاميلتو من فرنسا ونحن بصدد ربط الإتصالات يعني رجاءا لا تتصلوا الهاتف عليه ضغط كبير

الشخص حالتو صعيبة لكن مزالو على قيد الحياة و ربي يشفيه ... وشكر خاص لمن تفاعل البارحة وشارك الخبر

11/07/2025

■ للأسف لم نستطع الحصول على صورة الفقيد بسبب حالة العائلة الصعب .. .لمن يملكها من ذويه وأصحابه يرسلها

11/07/2025

10/07/2025

• بحسب مصدر من العائلة الراجل كان ڤاطع الطريق بالموطو رايح للقهوة حتى تخرج عليه سيارة المرسيدس وتضر••بوا ضر••بة قاوية
• المكان مشتة الكالاتوس بلدية المريج دائرة الونزة ولاية تبسة
• الحادث صرا جوايه 3 تاع العشية بعدها بساعة ما•ت
• الراجل زوالي خدام حزام خلاّ وراه 3 يتامى
• النعي تاعو ننشروه غدوة إن شاء الله بعد وصول الصورة ...
ربي يرحمو وتستمر الضحا•••يا

10/07/2025

■ لتلقي خدماتنا أرسل 111 في sms إلى 0658162473

10/07/2025

المرحومة بإذن الله هاشمي وريدة التي تو••فت بالأمس رحمها الله