17/06/2025
خلي نقدمو معلومة ممكن تساعد بعض الناس
باش تعرف ( الحنش )التعبان اسكو سام ولا غير سام
شوف مع راسو ادا لقيتو جاي مع جسموا ديراكت شغل اسطواني هذا غير سام اطلاقا. وهو اصلا فضولي بزاف قادر تلقاه جنب المنزل عادي او في نص المنزل احيانا بشكل أقل بصح مايآذيش خلاص حتى لو تحكمو بيدك مايعضكش وكان عضك مافيهش اي كمية سم.
طريقة 2 وهي بؤبؤ العين تلقاها دائرية كيما نتاع الإنسان تماما.
النوع السام لي غالبا نادر جدا في شمال شرق الجزائر. سكيكدة جيجل عنابة الطارف
اولا تلقا الرأس على شكل مثلث او قلب 🖤 بمعنى تقريبي. وتانيا السام يتفادى كثيرا التجمعات البشرية وهو غير اجتماعي يعني كان لقيتو جنب دارك. هو كان يلاحق فريسة على الأغلب
تانيا بؤبؤ عينه يكون خط مش دائري. وزيد السام أيضا لايبادر بالعض الا في حالة شعوره بالخطر. او مهاجمته او محاولة امساكه بالبيد. يعني كون تلقاه في مكان مفتوح يهرب منك بسرعة.
ملاحظة : غالبية الناس عندهم فوبيا من التعبان. مهما كان نوعه وهذه هي المشكلة