Ain Fakroun " News "

17/08/2025

اسمع مليح الحاج 👌
والحمد لله لي قصد عين فكرون و مخالط ولادها و تجارها او يعرف العقلية بيا خلاص وسلام عليكم

16/08/2025

السلام عليكم
خاوتي هاذي لافامي عياد وامها بوصافر معوقة مسكينة ، من الصباح هي قدام الكوميسارية ، غلبانة وخافت ، رانا ديناها للمرقد تاع عطافي
الاهل تاعها غدوة ديرولها الحل ،الرحمة على والديكم الوقت صعيب وما يرحمش

15/08/2025

حسبنا الله ونعم الوكيل

15/08/2025

👌
كاينة حملة تشويه كبيرة ضد مدينتنا عين فكرون من جانب بعض المدن لي تتنافسنا تجاريا إستغلو حادثة الإعتداء الأخير باه تنجح الخطة تاعهم
💢 نداء لكل تجار الجملة حبسوا علينا التحلاب تاع الكريدي بالملاير الناس راهي دارت دراهم كبيرة على ظهر عين فكرون واليوم يسبو فيكم و فالمدينة ككل
💢 ديروا القلب وهزو اسم مدينة عين فكرون وخليوهم مقنوطين وسعو الإستثمار فالمدينة ماتزيدوش تسوڨو للخطاب وعين الحجل...الخ
نتوما لي تستوردو السلعة من الصين وتركيا تقدرو تخليو 58 ولاية تجيكم هنا بحكم انو السوق في يديكم
💢 ديروا لجنة تاع التجار و اطلعو للولاية تعطيكم صلاحيات و ضمانات افتحو ورشات صناعية و هزو عين فكرون و ولادها لي ماعندوش خدموه ولي ضعيف عاونوه البراني حق ربي ما يشفا على خيركم الا من رحم ربي ونشالله تكون وصلتكم رسالتي

14/08/2025

قدر الرجال لا يعرفه إلا الرجال 🤫💪
عين فكرون تعرضت لحملة تشويه واسعة النطاق لغرض تكسيرها تجاريا من طرف منافسيها
عين فكرون عاصمة التجارة فالولاية حقيقة ولا واحد يقدر يغيرها

14/08/2025

باي باي سلام 🖐️

12/08/2025

12/08/2025

خلال لقاء مواطني عين فكرون فيما يخص حادثة أمس استنتجت شخصيا بعد لقاء مع بعض المسؤولين الأمنيين و بعض اعيان المدينة اتضح أن الشعب غير مبالي بأحداث كانت قديمة او ما حدث أمس ثقافة التبليغ منعدمة تماما و كان شعارنا تخطي رأسي و هذا ما تسبب في الإفلات الأمني
أولا غياب المجتمع المدني نهائيا
ثانياغياب رجال الأعمال وغياب المسؤول الأول و هو رئيس البلدية رياض بوطيور و عدم الوعي الإجتماعي و الثقافي لتحسين الشباب و هذا راجع الوازع الديني الذي يتحمله أئمة مساجد المدينة و عدم تحمل الأسر تربية أبنائهم بالإضافة إلى دور المدرسة الغائب تماما و انحرافات عن مسارها الطبيعي
نتمنى التحرك العاجل للطبقة المتخلقة لتحسين الوضع حفاظا على ماء الوجه للمدينة و نأخذ العبرة من مدينة العلمة التجارية كنموذج يحتذى به

12/08/2025

ولدك كي تشريلو اللبسة هدي تاع لعرايا وتبعتو عند الحفاف وحدو ويجيك لعشية بالتحفيفة هدي وماكش متبعو معمن قاعد يدور وماكش تراقب فيه ادا راهو قاعد يقرا ولا لا، وبديت تشم فيه ريحة البول پيسك مايستنجاش ومبعد تولي تشم فيه ريحة الدخان وريحة صباطو تتسمع ماتتشمش. ويعود يدخلك للدار على الطناش تاع الليل وشاريلو تيليفون نهار كامل وهو يتفرج فالتيكتوك ويلعب فالفري فاير واحتمال كبير راهو يتفرج فالمواقع الزرقاء وهو لم يبلغ سن الرشد.

أسمحلي نقولك باللي راك قاعد تربي في آفة وراك موفرلو البيئة الخصبة باه يخرجلك "كبول" پرو ماكس وكي يكبر رايح يكون فيروس ينخر في المجتمع ويولي يبيع لادروڨ لولاد الحومة ويتعدى على ممتلكات الغير ويطيح لقدر قدام الجيران وواحد مايقدر يهدر معاه پيسك ولدك كبول ويضرب بالموس ومربي مالينوا ويكفر على ربي.

على كل حال اك نتا لي رايح تدي دعاوي الشر من عند الناس وانت لي رايح تتحاسب قدام ربي لأنك ماوجهتوش للطريق الصحيح أيها الأب الكبول.

12/08/2025

إعتصام مدني بعين فكرون 🇩🇿💪
بعد إنتشار ظاهرة السرقة والإعتدائات على المواطنين ٫ تم اليوم تطبيق إعتصام مدني لكل تجار المدينة مطالبين الأمن و الأمان
خطوة إجابية و حضارية الأمن واجب وليس فضل ونطالب بزيادة عدد عناصر الشرطة 3 وحدات امن جد قليلة في مدينة تجارية يقصدها كل المواطنين تزيد عن 90 الف نسمة
كما نطالب بتوفير كاميرات المراقبة فالشوارع خاصة التجارية و وسط المدينة

12/08/2025

عمي الرجل الطيب
ربي يشفيه وعافيه
يارب