Ãya's Positive

25/11/2025

الحياة راهي معمرّة ضغوطات وتحديات و باه نسهلوها على رواحنا وش خصنا ؟ 🙄
- خصنا نبدلو طريقة تفكيرنا وطريقة استقبالنا للامور
- خصنا نبدلو نظرتنا للحياة ونتعاملوا بمرونة أكثر بلا ما نصعبوها وبلا ما نزيدو عليها
- خصنا نتعلموا نحطوا حد لكل انسان حاب يسحب منا طاقتنا ، ونتعلموا نختاروا معاركنا بذكاء ونفهموا انوا التجاهل بحد ذاتو اقوى من اي رد ❤️‍🔥

ف جيتكم ليوم ب بودكاست فيه نقاط لازمكم تفهموهم باه تتسهل حياتكم وتبعدوا على الضغط النفسي ☺️

Instagram : aya_s__positive ❤️

15/11/2025

12/11/2025

" جاية من هذاك نوع تا ع الناس لي ما يديرونجيكش في حياتك ، و ما يلومك على حتى تقصير درتو معاه ، وما يقلقك لا بـ appel لا بـ message اصلاً ما يستنى من العباد يديروا حتى حاجة على جالو .. من اللخر مهنية راسي ومكتفية بنفسي ، تتفكرني نفرح بيك ، تهدر معايا نهدر معاك ، تسحقني تلقاني ، ويبقى بيناتنا القدر ونبقاو عزاز عند بعضانا 😌❤️ "

11/11/2025

حلقة بودكاست جديدة " حلاوة اللسان " ❤️‍🔥🍯💋
خص كل أنثى تتقن هذا الفن ، ناس زمان قالك " لي غلباتك بزينها أغلبيها بظرافتك " وقالك ثاني " المرا اللحلاحة غلبت السحارة " 😉

INSTAGRAM : aya_s__positive ❤️

08/11/2025

" كي تتبدلوا au moins أتبدلوا على الناس اللي داروا فيكم الشر ، ماشي اللي رفدوكم بعيوبكم ، بنواقصكم ، وقبلوا بيكم بكل صفاتكم الخايبة ، ووقفوا معاكم في المرة قبل الحلوة نقصوا شوي من قلة الأصل ☺️❤️‍🔥 "

08/11/2025

{ العلاقة اللي ماقصرتش فيها رد بالک تزعل عليها 👍🏻 }

سواء كانت علاقة عاطفية أو صداقة أو أيا كان مسماها ، ومدام شايف روحك بلي درت اللي عليك خلاص أقنع بلي الشيء هذا ماش من نصيبك ومفيهش خير ليك

الحاجة الوحيدة اللي ممكن تزعف عليها هي مجهودك اللي بذلتو ، مشاعرك اللي استهلكتها ، أيامك اللي ضاعت ، وهذا راح يكون زعاف مبرر ومعاك حق فيه ، لكن !!! ما تزعفش على الأشخاص، وخليك متفكر أنو التقصير مكانش منك ، كان من الطرف الثاني ، وفي الحالة هذي إزعف يامات وولي كيما كنت وارمي کلش مور ظهرک ❤️‍🔥

08/11/2025

{ عز نفسک تجدها 🥰 }

عز نفسك عن الناس اللي ما تناسبش روحك ، عن المكان اللي ما يحتويكش وما يقدركش ، عن أشباه العلاقات اللي ما فيهاش الأمان ، عن أي محيط تحس فيه بالتوتر ودائما يجيك منو خيبات الأمل .. وفي المقابل حاول تكتشف نفسك وتتقرب منها وتفهمها أكثر والأهم غادر عن کل شيء ماتنتميش ليه وما ينتميش ليک ❤️

07/11/2025

15/10/2025

" علابالك راح يجيك وقت تكون تعلمت حاجة اسمها :

{ حياتي الخاصة 🔐 }

كي تولي ما تحكيش على حياتك ، وش صرالك ، وش راك تحس ، وش درت ، وين رحت ووين جيت ، وش راك ناوي ، مخططاتك ، اهدافك ، مشاريعك ... راح تلقى راحتك بزاف ، لانو ولا واحد يقدر يدبر عليك ، ولا يدخل فيك ، ولا يمد رايو ، بالمختصر تكون حطيتلهم حد وصكرتلهم الباب اللي يجيبلك تكسار الراس ..

صدقني كل ما كثرت الآراء كل ما عقلك تشتت ، ف خلي حياتك ليك وحدك ، عيشها وحدك وماتخليش اللي يجي يعيشها معاك 👏🏻✨ "

15/10/2025

" منيش مجبورة نحافظ على أي علاقة ما نشوفش فيها مكانتي عالية ، ولا نشوف فيها تقصير في حقي ، حتى لوكان هذاك الإنسان ما يتعوضش

- اللي ما يفيدنيش مايستاهلش وقتي ❌
- واللي ما يعطينيش طاقة إيجابية ما عندوش بلاصة في حياتي❌

وصلت لمرحلة عرفت بلي راحتي النفسية مشي أنانية ، بالعكس هي أولوية ، خاطر كي نكون ça va مع روحي نقدر نكون ça va مع الناس اللي نحب ، alors ما نبرر أفعالي ما نفسر اختياراتي ، اللي فهمني مرحبا ، واللي ما فهمنيش ربي يسهل عليه ، حياتي ماشي مسرح باش يصفقولي ويرضاو عليا الناس وندير لهم حساب 🙃👏🏻 "

15/10/2025

" حبيبتي .. شوفي روحك ديما بلي نتي أحلى وحدة في الدنيا ، وعندك روح جميلة ، وعمرك لا تستنقصي من نفسك قدام أي واحد ✨

حبي ملامحك ، وجسمك ، ولون بشرتك ، وضحكتك ، ونبرة صوتك ، ونظرتك العشوائية ، حبي تفكيرك ، وأسلوبك ، وشخصيتك ، وعفويتك ، وديما كوني راضية على كل تفاصيل حياتك ، وثقتك ما تتهزش لا بكلمة ولا بتصرف ، أتأكدي أنك نادرة وما تتعوضيش لأنك أثرك جميل في كل مكان تكوني فيه 🥺

والأهم نفسك أولی بالحب ❤️ "

15/10/2025

" في نص البكيا 🥲 تفكرت روحي إني وحدة قارية ، ومتعلمة ، وجميلة ، ونعرف نلبس ، وعندي اسلوب راقي ، وذوقي حلو ، ومتربية أحسن تربية ، وعايشة ف العز من يومي ، والأهم أنو عينيا مايستاهلوش نبكي على حاجات تافهين .. نستاهل غير الفرحة 🥰❤️ "