18/11/2025
مرة كدا زمان في المدرسة
كان فريقنا غالب
شلت لي كيسين حلاوة🍬🍬وزعت كيس للطلبه والكيس التاني إتشالقته ومشيت بيهو مكتب المعلمات😂
قامو إستقبلوني بحفاوه (مبروك اها دي كرامة شنو وكدا)
خجلت اقول ليهم فريق كوره قلت ليهم الحاجة وضعت
ماشاء الله ألف مبرووك وتبريكات تقيلـه
اها وجابت شنو؟؟
انا بكل ثقة:جابت ولد
فقالوا لي خلاص بنوصلا
في اللحظه دي فجأة إتزكرتا أنو أمي كانت زميلتم وبتزورهم
قلت ياخ ما حنك ما بجو
تاني يوم جاااي من التمرين لقيت ليك بوكس المدير واقف جمب باب البيت
أبيت اخش لحدي ما فاتو
خشيت لي امي لقيتها بتضحك قالت لي عفيت منك بركه الجبتهم لي
وابوي قال لي بكره اكل نارك معاهم
إستغربت لشنو ابوي ما جاط معاي إكتشفتا إنو الناس ديل جو خامين سكر وشاي ومواد تموينيه تقعدنا شهر لقدام 😂😂
بس على حساب المواد التمونيه دي انا كل ما يلاقيني أستاذ في ملف بقول لي أرقد
انا بتجلد تلاته شهور بي سبب اخوي الماشفتو😂😂😂
