18/01/2025
⭐️اسلوب التداول باستمرارية وليس نجاح مؤقت ثم تجيب العيد ، برأي ما في حل غيرو :
🔗هذا مش مسج عادي هذا كورس سريع ومهم جدا وتطبيقه بعمل منك متداول محترف .
◀️ تحديد حد اقصى للمخسر بالصفقة الواحده فليكن مثلا ربع او نص بالمئة او 1% .
◀️ تحديد حد اقصى للمخسر اليومي فليكن مثلا 2% عندها تتوقف عن التداول ليوم جديد .
◀️ تحديد حد اعلى للربح اليومي فليكن 2% توقف عندها عن التداول هذا لا يعني انها مستهدف يومي بل هي وقف عن التداول ويمكن ترك جزء من العقد اذا كان للصفقة هدف لم يتحقق.
◀️ اذا كنت محلل فلا تراقب اكثر من ٣ ازواج لتقوية تركيزك بهم واذا كنت تتبع محلل لا تتبع اكثر من شخص واحد لانها اسباب قوية للتشتيت , مثلا انا عندي الذهب والناسدك الاساس وايضا غايتك الربح فلو خلال شهر ما اشتغلت الا ذهب عادي جدا واحترافي جدا المهم تكون ربحان .
◀️بدون ستوب وادارة >> مصيرك برا السوق لو ترامب بعطيك صفقات فاذا بدك تعتمدها مهنة العمر الستوب اهم ما تملك بحجم عقد مناسب لحسابك . * ولو كسرت القاعدة هاي مرة ومرتين بدون مخسر وبربح حتعتقد انه الادارة كلام فاضي انا بأكدلك انك حتم تعيد كسر ادارتك لغاية ما حتلبس بالحيط ويكون رصيد محفظتك صفر. فأما التزام دائم او المخسر وعشان تحقق الالتزام الدائم حتمر بمراحل تدريب طويلة وفيها مخسر بس لما توصل حتنسى اشي اسمو مخسر حساب , لكن مخسر الصفقات طبيعي وصحي وضروري ما في حساب لاي متداول بالدنيا فقط ربح الكل لازم يكون عنده ربح ومخسر لكن بخطة وادارة وفهم اللعبة النفسية بتطلع ربحان باذن الله.
◀️السوق اكثر سهل ممتنع بالحياة لهلسبب من الاشياء المهمة ما تراقب وتعقد الشارت سواء توصية او بتحلل ، قمة السعادة عند صناع السوق انك تتوتر وتراقب فريمات صغيرة وانت ماسك الصفقة لانه البرمجة تبع حركة الشموع بتخاطب النفس وبتلعب بالمشاعر فاذا دخلت صفقة توصية او تحليل لا تراقب وانسى اما ستوب او هدف تابع الصفقة عفريم اربع ساعات مثلا بقلب ميت والتزامك بخطة الصفقة الاهداف ومتى اخذ جزء لانه ١٠٠% لعبة حركة الشارت من احدى أهدافها اللعينة ما تخلي حدا متاكد وين الحركة .
◀️اهدافي كبيرة بحلل فريمات كبيرة برتكز عدعوم اسبوعية في بعض الاحيان وفي ناس بتفضل السكالبنج اسمع مني الحل الانسب انت باسلوبي جامع بين الثنين لما بناخذ جزء من الربح على اول حركة ٨٠ او ١٠٠ نقطة انت هيك حققت المضاربة اليومية والهدف لو ٢٠٠٠ نقطة اصبر عليه لو مش عشان الربح فقط بل عشان تنمي عندك الاستثمار والصبر هاي موهبه مكتسبة ما بتيجي من السماء بدها سعي وتدريب نفسي انك تشوف ربح لشهر وما تسكرو مثلا .
◀️التداول الكثير ووقت التداول اذا ما نضبطوا حتدخل بحالة من الهلع والادمان حتشتغل مع كل حركة للسوق, لازم تحدد اوقات عملك ولازم تشتغل لما يكون فيه صفقة الها اسباب دخول هيك بتكون تاجر اما بحال اخر اليوم عندك 20 صفقة او اكثر اعرف انك بتلعب, الطبيعي ممكن يمر يوم ما تفتح شي وومكن تفتح صفقتين ويكملو معك يومين.
◀️بدون خطة مكتوبة امامك ومقتنع فيها + تلتزم فيها حتى لو ٨٠% لانه نحن بشر وعنا عاطفة وبنخطا لكن استمرارك على ٨٠% من التزامك بالخطة حيوصلك لمكان ١٠٠% واللي بطبيعة الحال حيوصلك للاستمرار وهو اصعب شي بالسوق ، بعد هيك رح تفهم وتتاكد انه ٣% شهري مربح وانا مستمر مثلا لسنوات تسوى ٦٠% عملتها باسبوع وبعديها طيرت ٢٠ حساب، خطة ، التزام ، استمرار، ما في عندك حل ثاني او غادر السوق ابرك لمالك ولوقتك الي سوف نحاسب عليهم.
⭐️بختم بالصلاة على المصطفى الحبيب >> هذا الكلام لمن يسعى بتحقيق دخل ( كمهنة ) من السوق حلك بجملة استمر على خطة مهما حصل .
