Laanta Af-Soomaaliga ee idaacadda Qaahira صوت الصومال من إذاعة القاهره, Nile Corniche, Cairo (2025)

02/07/2023

Munaasabada xuska 1-da Luulyo oo ku beegan Sanad Guuraddii 63-aad ee Xornimada iyo Mideynta Soomaaliyeed ahna maalinta israaca Goboladda Waqooyi iyo Koonfureed ayaa xalay lagu qabtay Qaahira.

Munaasabaddaan oo si heer sare loo soo agaasimay ayaa waxa kasoo qeyb galay Safiirka J.F.S ee Masar ahna wakiilka joogtadda ah ee Ururka Jaamacadda Carabta Danjire Ilyaas Sheikh Cumar, Safiirka dalka aan walaalaha nahay ee Jabuuti, Xoghayaha Joogtadda ee Wasaaradda Arrimaha Dibadda, Diplomaasiyiinta Safaaradda, Aqoonyahano, Ganacsato, Arday iyo Qaar kamid ah qeybaha kalla duwan ee Jaaliyadda.

Ugu horeyn waxa goobta ka hadlay Safiirka dalka aan walaalaha nahay ee Jabuuti Mudane Ahmed ali barreh oo Shacabka Soomaaliyeed ugu Hambalyeeyay dabaaldega iyo xuska maalinta kowda luulyo isago Jaaliyadda Soomaaliyeed ee Masar ku amaanay Wadaniyadda ka muuqata iyo sidda wanaagsan ee ay Safaaradda ula shaqeeyaan.

Sidoo kalle Madaxdii ku sugneed xafladda Ganacsato iyo Qaar kamid ah Jaaliyadda ayaa halkaasi kasoo jeediyay khudbado Muhiim ah oo ku wajahan Muhiimada ay Umadda Soomaaliyeed u leedahay Munaasabadda amaba xuskani 1 Luulyo iyago sheegay iney sii labbo jibaarayaan Xiriirka iyo Wadashaqeynta dhabta ah ee ay Safaaradda la leeyihiin sidaas awgeedna waxay Safiirka gudoonsiiyeen Bilad Sharaf aad u qiimo badan.

Ugu danbeyn waxa xafladda soo xiray Danjire Ilyaas Sheikh Cumar oo ugu horeyn Jaaliyadda Soomaaliyeed ee Masar soo gaarsiiyay dhambaalka kowda luulyo oo uga siday Madaxda Qaranka isago si qoto dheer uga hadlay Taariikhdii halganka Xornimadda Soomaaliya loo soo maray wuxuuna Umadda Soomaaliyeed ku baraarujiyay Midnimadda iyo garab istaaga dowladda si loo dardargeliyo la dagaalanka Argagixisadda taas oo ah hadafka koowaad ee Madaxweynaha Jamhuuriyadda Federaalka Soomaaliya Mudane Dr:Xasan Sheekh Maxamuud.

15/12/2022

Wasiirka Maaliyadda Soomaaliya oo lagu wareejiyay xilka Shir Guddoonka Golaha Midowga Dhaqaalaha Dalalka Carabta

Qaahira, December 16,2022:

Wasiirka Maaliyadda Soomaaliya Dr. Cilmi Maxamuud Nuur ayaa magaalada Khartuum ee dalka Suudaan uga qaybgalay Shirka Golaha Midowga Dhaqaalaha Waddamada Carabta oo sanadkaan ay Shir guddoomisay Dowladda Suudaan. Shirkaan ayaa looga hadlay arrimaha horumarinta dhaqaalaha iyo xoojinta iskaashiga ka dhexeeya Hey'adda Maaliyadda dalalka Jaamacadda Carabta.

Wasiirka Maaliyadda Soomaaliya Dr. Cilmi M. Nuur ayaa kulanka ka jeediyay khudbad dhinacyo badan taabanaysay oo ku saabsan marxaladda maanta ee Soomaaliya, sida dib-u-habeynta Maaliyadda, dhammeystirka Deyn-Cafinta iyo xiriika xoojinta Hey'adda dhaqaalaha dalalka Carabta.

Markii uu shirku soo dhammaaday, ayaa Dowladda Federaalka Soomaaliya lagu soo wareejiyay shir-Guddoonka Golaha oo Guddoomiye looga dhigay Wasiirka Maaliyadda Soomaaliya Dr. Cilmi M. Nuur oo xilkaan hayn doona ilaa sanadka 2023 dhammaadkisa.

04/11/2022

MADAXWEYNE XASAN SHEEKH OO LA KULMAY DHIGGIISA DALKA MASAR CABDULFATAX AL-SIISI

Nofeembar 01, 2022:

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan doceed kula yeeshay magaalada Algiers ee dalka Algeria Madaxweynaha dowladda Masar Mudane Cabdulfataax Al-siisi.

Madaxweyne Xasan Sheekh oo uga warbixiyay dhiggiisa dalka Masar howl-galada ka dhanka ah Al-Shabaab ee ka socda gobalada dalka iyo dadaalada ay dowladda Soomaaliya ugu jirto xasilinta deegaanada laga xoreeyay Al-shabaab si dadka ku nool ay u helaan adeegyada aasaasiga ah ee bulshada ayaa xoojiyay muhiimadda ay leedahay in Soomaaliya lagu taageero dagaalka ay uga soo horjeeddo argagixisada.

Madaxweynaha Jamhuuriyadda ayaa sidoo kale kala hadlay Madaxweynaha Masar saameynta daran ee abaaraha iyo isbedelka cimiladu ay u geysteen shacabka Soomaaliyeed.

Dhankiisa, Madaxweyne Cabdulfataax Al-siisi ayaa soo dhaweeyay guulaha ay dowladda Soomaaliya ka gaartay dagaalka ka dhanka ah argagixisada iyo naf-hurnimada ay muujiyeen shacabka Soomaaliyeed oo kaashanaya ciidamada xoogga si ay iskaga dulqaadaan dhibaatada kooxaha argagixisada. Waxa uuna muujiyey sida ay diyaar ugu yihiin taageero buuxda oo ay la garab istagaan dowladda iyo shacabka Soomaaliyeed.

01/11/2022

Wasiirka Arrimaha dibedda Soomaliya oo kulan la qaatay dhigiisa dalka Kuwait.
November 1, 2022.

Wasiirka wasaaradda Arrimaha dibedd Xukuumadda Federaalka Soomaliya ayaa kulan kula qaatay caasimadda dalka Algeria ee Algiers, dhigiisa Arrimaha dibedda ee Dawladda Kuwait H.E Sheikh Salem Abdullah Al-Jaber Al-Sabah.
Wasiirka Arrimah dibedda Soomaliya ayaa kala hadlay dhigiisa kuwait sidii Soomaaliya loo garab istaagi lahaa loogana caawin lahaa dhibaatada qaraxyadii kooxda Alshabaab ay ka geysteen magaalada Muqdisho,Cafinta deymanka Soomaaliya lagu leeyahay iyo sida ugu haboon ee Soomaliya uga faa’iidaysan karto kaalmada ay dawladda Kuwait ugu talo gashay horumarinta waxbarashada.

labadda Wasiir ayaa sidoo kale ka wada hadlay adkaynta xiriirka iyo sidii loo sii wadi lahaa iskaashiga dhinacyada badan ee ka dhexeeya labada dal ee walaalaha ah,kulanka ayaa waxa wasiirka Arrimaha dibedda Soomaliya ku weheliyey safiirada Soomaaliya u kala fadhiya Masar, Algeria iyo Agaasimaha waaxda Carabta ee wasaaradda arrimaha dibedda iyo iskaashiga

20/09/2022

MADAXWEYNE XASAN SHEEKH OO KA QEYB-GALAY FURITAANKA MEERTADA 77-AAD EE GOLAHA QARAMADA MIDOOBEY.

Qaahira, Sebteembar 20, 2022;

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ka qeyb galay furitaanka Meertada 77-aad ee Golaha loo dhan yahay ee Qaramada Midoobey oo lagaga arrinsanayo yareynta saboolnimada iyo xasillooni darrada, horumarinta waxbarashada, shaqo abuurka dhallinyarada, xal u helidda musiibooyinka dabiciiga ah iyo xuquuqda dadka la hayb sooco.

Madaxweynaha iyo Wafdigiisa ayaa soo bandhigi doona aragtida Dowladda Federaalka Soomaaliya ee ku aaddan xasiiloonida iyo nabadda, dagaalka ka dhanka argagixisada, wax ka qabashada abaaraha iyo gurmadka degdegga ah iyo dhammaan caqabadaha ay la tacaalayaan shacabka Soomaaliyeed iyo guud ahaan Shucuubta Gobolka.

Madaxweynaha Jamhuuriyadda iyo wafdigiisa ayaa ka wada Golaha loo dhanyahay ee Qaramada Midoobey Olole ku aaddan aragtida iyo qorshaha dowladda Federaalka Soomaaliya ee la xiriira la dagallanka saboolnimada iyo argagixisada, kuwaas oo shacabka Soomaaliyeed ay kala soo kulmeen dhibaato xooggan, haatanna la joogo xilligii laga gacan siin lahaa dowladda Soomaaliyeed in ay dhibaatadaas ka samata bixiso dadkeeda iyo guud ahaan Geeska Afrika.

Madaxweynaha ayaa kulan doceedyo la yeelan doona Madaxda dalalka ka qeyb galaya Meertadan, hoggaanka hay’adaha iyo ururrada caalamiga ah ee ka soo qeyb galaya Meertada 77-aad ee Golaha loo dhanyahay ee Qaramada Midoobey, si uu u adkeeyo danaha iyo doorka dalkeennu uu ku leeyahay fagaareyaasha caalamiga ah.

20/09/2022

Wasiirka Arrimaha Dibadda Soomaaliya oo ka qeybgalay furitaanka Shirka guud ee Qaramada Midoobey ee New York

Qaahira ,September 20, 2022

Wasiirka Arrimaha Dibadda iyo Iskaashiga Caalamiga, Mudane Abshir Cumar Jaamac, ayaa maanta kaga qeybgalay Magaalada New York meertada 77aad ee Jimciyadda Qurumaha ka dhexeysa oo ay xubno ka yihiin 193 dowladood, iyadoo shir sanadeedkani halkudhiggiisu yahay "Xalka oo loo maro Wadajirka, Joogtaynta iyo Sayniska".

Shirka oo si rasmi ah u furmay maanta (19 September) ayaa looga hadlayaa arrimo badan oo muhiim ah oo ay ka mid yihiin amniga, shaqa la’aanta dhallinyarada iyo haweenka iyo door ka-siinta siyaasadda, isbeddelka cimilada, waxbarashada oo markaan mudnaan gaar ah la siiyey, dhaqaalaha, cunno yaraanta iyo arrimo badan oo kale oo muhiim ah. Shirkani wuxuu socon doonaa illaa 25 bishan.

Waxaa sidoo kale shirar doceedyo badan oo horay loo qorsheeyey Wasiirku la yeelan doonaa madax kale oo isugu jira wasiiro iyo madaxweynayaal ka kala yimid dowlado kala duwan oo ay ka wada hadli doonaan arrimaha muhiimadda u leh dalkeenna iyo waddamada aynu saaxiibada iyo dano wadaagga nahay.

20/09/2022

Wasiirka Shaqada iyo Arrimaha Bulshada Soomaaliya oo la kulmay dhiggiisa Masar

Qaahira , September, 20, 2022 -

Wasiirka Shaqada iyo Arrimaha Bulshada Xukuumadda Federaalka Soomaaliya, Xil. Biixi Iimaan Cige ayaa kulan gaar ah la qaatay dhiggiisa Dalka Masar , Mudane Xasan Shehata.

Kulanka oo ay sidoo kale goobjoog ka ahaayeen Agaasimaha Guud ee Wasaaradda Shaqada iyo Arrimaha Bulshada Soomaaliya , Mudane Cabdullaahi Maxamed Cali iyo Safiirka Dawladda Soomaaliya ee Dalka Masar ahna wakiilka Jaamacadda Carabta, Ilyaas Sheekh Cumar ayaa looga hadlay horumarinta iskaashiga labada dhinac , tabbabarka Shaqaalaha , is dhaafsiga khibrada iyo sida loo dardargelin lahaa is-afgarad ay labada wasaaradood gaaraan.

Wasiirka Shaqada ee Masar, Mudane Xasan Shehata ayaa ugu horrayntii uga mahadceliyay Wasiirka Shaqada iyo Arrimaha Bulshada iyo wafdiga uu hoggaaminayo ka qeybgalka shirka 48aad ee Shaqada oo shalay ka furmay Qaahira, isagoo markaa xaqiijiyay inay ka go’antahay in la xoojiyo xiriirka si loo gaaro iskaashiga horumarin oo ku aaddan Shaqada.

Wasiir Biixi Iimaan Cige , ayaa dhankiisa sheegay in Dawladda Soomaaliya ay ka go’tahay horumarinta Shaqaalaha , siyaasadaha Shaqada iyo xal u helida dhibaatooyinka Shaqada ee Dhallinyarada , isagoo markaa sheegay iskaashiga Masar inuu door weyn ka qaadanayo dadaalladaa , wuxuu markaa ka mahadceliyay sida loogu soo dhaweeyay Dalka Masar.

“ Dadaallada waxay diiradda saarayaan xal u helida shaqo yari ee ay wajahayaan muwaadiniinteena iyo horumarinta Shaqaalaha Rayidka ee Dawladda .” ayuu ku daray Wasiir Biixi.

Wasiirka ayaa sidoo kale kulamo dooceedyo la qaadanaya wasiirrada Shaqada 21 waddan ee ururka Jaamacadda Carabta oo ku sugan Qaahira , iyagoo ka qeybgalaya shirka 48-aad ee shaqada Carabta oo ay soo qaban qaabisay Ururka Shaqaalaha Carabta (ALO).

08/09/2022

Wasiirka arrimaha dibedda oo booqday xarunta safaaradda Soomaaliya ee Qaahira.

Qaahira- September 8, 2022

Wasiirka arimaha dibedda Soomaaliya mudane , Abshir Cumar Huruuse ayaa booqasho ku tagey xarunta safaaradda Soomaaliya ay ku leedahay magaalada Qahira ee caasimadda dalka Masar.

Wasiirka ayaa waxaa halkaasi kusoo dhoweeyay Safiirka, Qunsulka, la taliyeyaasha, xoghayeyaasha iyo hawl wadeenada kale ee safaaradda, iyagoo warbixin ka siiyey hawlaha ay safaaraddu u hayso muwaadiniinta soomaaliyeed.

Intii uu Wasiirku ku guda jiray booqashada waxa uu la kulmay qaar ka mid ah Ardayda Soomaaliyeed ee halkaasi wax ka barata oo safaaradda loogu adeegayey xilligaa iyo kuwo si ku meel gaar ah uga shaqaynayey.

Abshir Cumar, Wasiirka arrimaha dibedda Soomaaliya ayaa madaxda iyo shaqaalaha safaaradda ku bogaadiyay shaqada wanaagsan ee ay dalka iyo dadka soomaaliyeed u hayaan.

Booqashada uu Wasiirku ku tagay safaaradda Soomaaliya ay ku leedahay magaalada Qaahira ee dalka Masar ayaa waxaa ku wehlinayey xoghayaha joogtada ah iyo agaasimaha waaxda carabta iyo hawl wadeenno kale oo ka tirsan Wasaaradda Arrimaha Dibadda Soomaaliyeed.

07/08/2022

Xildhibaanada golaha shacabka Somaaliya oo ansixiyay xukuumadda cusub.
Qaahira - August 7, 2022

Xildhibaanada golaha shacabka Baarlamaanka Federaalka Soomaaliya oo maanta shirweyne ku yeeshay xarunta Villa Hargeysa ayay goluhu ku ansixiyeen xubnaha golaha wasiirada ee uu dhawaan magacaabay Ra’iisal wasaaraha JFS Mudane Xamsa Cabdi Barre.

Kulanka oo uu shir guddoominayay guddoomiyaha golaha shacabka Mudane Sheikh Aadan Maxamed Nuur (Madoobe) ayaa waxaa soo xaadiray 237-mudane, waxaana ogolaatay xukuumadda cusub 229-xildhibaan, 7-diiday halka hal xildhibaan uu ka aamusay.

25/07/2022

MADAXWEYNAHA JAMHUURIYADDA FEDERAALKA SOOMAALIYA OO KULAN MIRO DHAL AH LA QAATAY DHIGGIISA DALKA MASAR

Qaahira 25-07-2022

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo booqasho rasmi ah ku jooga dalka Masar ayaa munaasabad si heer sare ah loo soo agaasimay oo ka dhacday Madaxtooyada dalkaas, waxa uu kulan miro dhal ah kula qaatay Madaxweynaha Jamhuuriyadda Masar Mudane Cabdulfataax Al-siisi.

Madaxweynaha ayaa la wadaagay dhiggiisa dalka Masar mudnaanta ay dowladda Soomaaliya siinayso xiriirka taariikhiga ah ee ka dhexeeya Labada dal, isagoo tilmaamay in booqashadan ay sal-dhig u noqonayso dib u xoojinta iskaashiga diblumaasiyadeed, dhaqaale iyo wax wada-qabsi ee ay wadaagaan labada shacab ee walaalaha ah.

Madaxweyne Xasan Sheekh oo uga mahadceliyey dowladda iyo shacabka Masar marti-gelinta kumannaan arday Soomaaliyeed ah oo dalkaas u jooga waxbarasho ayaa sheegay muhiimadda ay dowladda Soomaaliya u leedahay dib u soo celinta doorka dowladda Masar ay ka qaadato horumarinta waxbarashada dalka, dhismaha ciidamada iyo la-dagaallanka argagixisada.

Dhankiisa, Madaxweyne Cabdulfataax Al-siisi oo ugu hambalyeeyey Madaxweyne Xasan Sheekh Maxamuud dib u doorashadiisa ayaa ku bogaadiyey shacabka iyo Dowladda Soomaaliya dadaalka ay ugu jiraan dowlad dhiska iyo xasilinta dalkooda, waxa uuna sheegay in dowladda Masar ay si buuxda u garab taagan tahay xaqiijinta Soomaali heshiis ah, mideysan, xasillooni oo horumar ku tallaabsata.

Sidoo kale, labada Madaxweyne ayaa iska xog-wareystay xaaladda Gobolka iyo caqabadaha jira, iyadoo Madaxweyne Xasan Sheekh Maxamuud uu uga warbixiyey dhiggiisa Dalka Masar qorshehiisa ku saleysan Soomaali heshiis ah, dunidana heshiis lah, iyo in Dowladda Federaalka Soomaaliya ay higsanayso in xiriir wanaagsan oo ka tarjumaya iskaashi iyo wax wada-qabsi ay la yeelato dhammaan dalalka ay la tahay saaxiibka, dariska iyo dan wadaagta.

01/07/2022

MADAXWEYNE XASAN SHEEKH MAXAMUUD OO SHACABKA
SOOMAALIYEED UGU HAMBALYEEYEY MAALINTA MIDNIMADA IYO XORIYADDA
Qaahira -July-1-2022

Madaxwaynaha Jamhuuriyadda Federaalka Soomaaliya Mudane Xasan Sheekh Maxamuud oo ka qeyb galay xuska sannad guurada 62-aad ee ka soo wareegtay markii ay ka xoroobeen Gobollada Koonfureed ee dalka gumeystihii Talyaaniga iyo midnimadii labada Gobol ee Waqooyi iyo Koonfur ayaa dul istaagay mudnaanta uu siinayo xaqiijinta Soomaali heshiis ah.

Madaxweynaha ayaa xusay in dhibaatooyinka curyaamiyey dowladnimadda Soomaaliyeed, tan iyo xornimadii kaddib, ay ugu horreyso qalbi jabka iyo kalsooni darrada shacabka Soomaaliyeed ka soo gaartay dowladdooda, isagoo tilmaamay muhiimadda ay leedahay in la dhayo dhibaatooyinkii dhacay, dowladduna ay mudnaan siineyso heshiisiinta dadka Soomaaliyeed iyo xal u helidda tabashooyinka jira.

“Dhibaatadii dhacday dalkan, muddadii xoriyadda la qaatay kaddib waa dheerayd, waa faro badneyd, laakiin kuwii ugu xanuun ka badnaa waxaa ka mid ah dhibkii waqooyi ka dhacay, waana waxa ilaa maanta dhowr iyo soddon sano kaddib wali aanu la tacaaleyno oo aan u la’ nahay xal waara. Kalsoonidii barigaa jabtay, dhaawicii gaaray kalsoonida dhex taallay shacabka Soomaaliyeed in aan ka soo kabanno waxay sii maraysaa dhowr iyo soddon sano. Khibradda ugu fiican ee aan taas ka baran karnana waa in qalbiga dadka Soomaaliyeed la ilaaliyo, dhawacna aan loo geysan.”

Madaxweyne Xasan Sheekh Maxamuud ayaa tilmaamay in xornimada dalkeenna loo soo maray halgan dheer, kaas oo sababay in 26-Juun ee sanadkii 1960-kii ay noqoto magaalada Hargaysa goobtii ugu horreysay oo laga taago calan Soomaaliyeed oo xor ah, ayna tahay maalintaasi maalinta xoriyadda, halka 1-da Luulyo ay ku astaysan tahay Maalinta midnimada.

“26-ka Juun waxa ay taariikhda dalkeenna ku gashay in ay tahay maalinta ugu horreysay calan Soomaaliyeed oo xor ah laga taago ciid Soomaaliyeed. Maalinta dhabta ah ee la dhihi karo maalinta xoriyaddana waa maalintaas. 1-da July-na waa maalintii midnimada oo ay Labada qeybood ee Soomaaliyeed ee la qeybiyey ay sameeyeen Jamhuuriyadda Soomaaliya.”

30/06/2022

Danjire Ilyaas Sheikh ayaa maanta Xafiiskiisa ku qaabilay Xoghayaha Madaxtooyada Dalka Masar, isagoo ka guddoomay dhambaal hambalyo ku aaddan munaasabadda 1-da Luuliyo.
Qaahira- 30/6/2022

Safiirka J.F.S ee Masar ahna wakiilka joogtadda ah ee Ururka Jaamacadda Carabta Danjire Ilyaas Sheikh Cumar ayaa maanta Xafiiskiisa ku qaabilay Xoghayaha Madaxtooyada Dalka Masar, Mudane Maxamed Ridhaa isagoo ka guddoomay dhambaal hambalyo ku aaddan munaasabadda 1-da Luuliyo oo Madaxweynaha Dalka Masar, Cabdel Fataax Al-Sisi usoo diray Dowladda iyo Shacabka Soomaaliyeed.

Dhanka kalle Danjire Ilyaas Sheikh Cumar ayaa Xoghayaha Madaxtooyada Dalka Masar, Mudane Maxamed Ridhaa ku wareejiyay dhambaal uu Madaxweyne Hassan Sheikh Mohamoud u diray shacabka iyo Dowladda Masar isagoo ugu hambalyeeyay Munaasabadda 9-aad ee Kacaanka 30-ka June oo ku beegan maanta.

Danjire Ilyaas Sheikh ayaa adkeeyay xiriirka iskaashi iyo Walaaltinimo ee soo jireenka ahaa ee ka dhaxeeya Dowladaha Masar iyo Soomaaliya

Laanta Af-Soomaaliga ee idaacadda Qaahira صوت الصومال من إذاعة القاهره

02/07/2023

15/12/2022

04/11/2022

01/11/2022

20/09/2022

20/09/2022

20/09/2022

08/09/2022

07/08/2022

25/07/2022

01/07/2022

30/06/2022

Address

Website

Alerts

Contact The Business

Shortcuts

Share

Category