04/12/2025
في الغالب لمن نقرر نطور نفسنا و نشتغل عليها يخطر علي بالنا انو نقرا كتب نسمع محاضرات ننزل كورسات نتعلم لغة جديده و دا تفكير الاغلبية العظمة مننا و دا ما غلط بل هو لابد منه ..
و لكن القليل مننا لمن بقرر يبدا يبدا من نفسه من جوه و يحرير قلبه يبدا يشوف نفسه و قلبه هل سليم و لا مريض و كيف ممكن يتعالج و دي البداية الصح ..
لانو المواقف و الاحداث الربنا قدرها لينا هي كانت اختبارات من ربنا عشان نحسن و نزكي دواخلنا و قلوبنا .. ابدا بالجواك و اذا لزم الامر لانك تنعزل عن الناس ما تردد حتي اذا كان لفترة بسيط و حتي اذا لقيت اعتراض حاول " قيام الليل عزله كلف نفسك و أعرف عنه و شوف ثماره حتنبهر " و ابدا كون مراقب لنفسك واوجهه نفسك و المك و عيوبك و ندباتك بنية خالصة و سعي صادق بحب و رحمة 💕
عن ابي هريرة رضي الله عنه قال قال رسول الله صلي الله عليه و سلم " المؤمن القوي خير و أحب الي الله من المؤمن الضعيف و أستعن بالله و لا تعجز و إن أصابك شي فلا تقل : لو أني فعلت كذا كان كذا وكذا , و لكن قل : قدر الله ما شاء فعل , فإن لو تفتح عمل الشيطان " أخرجه مسلم .
فأستعن بالله رجوعك الي الله بيمنحك القوة و الطاقة البتساعدك علي مجاهدة نفسك و هو من عظمتها جعل الله جزاءها الجنة ﴿وَأَمّا مَن خافَ مَقامَ رَبِّهِ وَنَهَى النَّفسَ عَنِ الهَوى﴾ ﴿فَإِنَّ الجَنَّةَ هِيَ المَأوى﴾ و من الايات البحبها و قريبه من قلبي﴿وَالَّذينَ جاهَدوا فينا لَنَهدِيَنَّهُم سُبُلَنا وَإِنَّ اللَّهَ لَمَعَ المُحسِنينَ﴾ [العنكبوت: ٦٩] فاذا كان ربنا قال لك ابدا و جاهد نفسك و ربنا سيهديك نجي في الصلوات تقرا ايه اهدينا الصراط المستقيم تدعي و تطلب من ربنا الهدايه ..
و كمان التوبة التوبه بتنظف القلب و النفس و بتخليك حاسس نفسك اخفي و قادر تتحرك قادر كمان تشوف الامور علي حقيقتها و قيمتها و بوضوح .. لمن رحلتك مع نفسك تبدا صح حتحس بالفرق في فترة بسيط بس محتاجه منك صبر و دعاء .. و جهادك لنفسك فيه قرب من الله تعالي لمن تكون نيتك لله تعال
من ما تعملته في الكوتشينج ان تكون صاحب نبض قلب سليمه و مضمئنة .. و عشان تعرف تجيده محتاج منك تكون شغال علي قلبك و تنقي و تعتني به بكل مسوولية و حب و قال رسولنا في معني الحديث ان في الجسد مضغه اذا صلح صلح الجسد كله و اذا فسدت فسد الجسد كله الا و هي القلب بعد فتره حتشوف النسخة الأفضل منك حتي علي مستوي علاقاتك و حياتك عموما 💙
13\6\2025
