06/11/2025
الشاعر طه دعبوب المعبدي
زمان ع المبادي والشـرف خرفنا
قالـــوا علـــــينا حكــي ما والانـا
وفينا اوهـم هاللي اسنين عرفنا
انسـينا اوهو من قبل كان امعانا
لا شـور صاحب مصلحه انعطفنا
ولا عمر صاحب مال يوم شــرانا
مازال لولـــي هو لولـــي موقـفنا
امغـير وقـــتنا غيـــر عـرب ورأنا
ما كان فيهم شي عطـيب سـلفنا
اوهم شـورنا يمشـوا ابكل عفــانا
نين غصب عنـــا للخــــلا طـرفنا
واليوم كل حد تمــا ايريـد خـلانا
ولكن هدفـم مـوش كـيف هدفـنا
احنــا عمـر ما نمشـوا وراه هـوانا
ولا عمــرنا راي العـــرب خالفــــنا
ولســــع تغــــير شي في مبــــدانا
ايدينــا انظـــاف وصيتنا نظــــفنا
قدامنـا انحــطوا وســـــابين ورآنا
وع الضحكه الصفرا عمر ماوالفنا
بالعــين للعـرب تايــق اللي جـوانا
واللي يدير روحا قصد مو شايفنا
عليش فوق جرتنــا وطـأ واخطانا
خطرهـــا اكروت امحرقات كشفنا
ما عــد الهــن شي سوق من يالانا
