28/01/2025
En galego contámonos o mundo, a vida. Expresamos angurias e esperanzas, soñamos novos camiños. Falando a nosa lingua e escribíndoa. En textos longos e tamén en pequenas grandes historias.
Un ano máis, a Real Academia Galega e Puntogal Dominio Galego convidámosvos no mes de febreiro a participardes no concurso de que convocamos dende 2018. Agardamos os vosos contos de ata 200 palabras a través da web do certame, relatos.gal. Repartiremos nove premios, tres en cada categoría: infantil (ata os 11 anos), xuvenil (de 12 a 17 anos) e persoas adultas.
O xurado das modalidades infantil e xuvenil integrarano a historiadora e académica correspondente Ana Romero Masiá, directora do Instituto José Cornide de Estudos Coruñeses; o historiador e tamén correspondente da RAG Xosé María Lema Suárez; a presidenta do Padroado do Museo do Pobo Galego e integrante da directiva de PuntoGal, Co**ha Losada; a filóloga Cristina Ríos, membro do equipo técnico de PuntoGal; e o director de AiraEditorial, xornalista, crítico literario e escritor César Lorenzo Gil.
📌 Máis información en https://relatos.gal/
