Concello de San Sadurniño

30/08/2025

30/08/2025

Vai aló a Feira Rural... pero lembrade que mañá volve a actividade á beira do Xubia coa Romaría da Cortiña organizada por Concienciarte e que a pola tarde temos no campo da piscina a disputa do ###I Trofeo de Fútbol Concello de San Sadurniño: ás 16:30h O Bal B vs. Discalzas SD Cedeira e ás 19:30h o grande derbi local entre o C.F San Sadurniño e a UDC Narahío. Xeoparque Cabo Ortegal

San Sadurniño pechou hai uns intres unha nova edición da Feira Rural, e van dezaseis. Un evento dedicado ao sector primario, a froita e todo o que ten que ver coa agroalimentación e a sostenibilidade que, nesta ocasión, acusou os efectos dun tempo incerto que aguantou ben a primeira metade do d....

30/08/2025

Nada, nin sequera o orballo, pode coa XVI Feira Rural. E aínda queda moito que ver e facer até as oito do serán. E non teñades medo, hai abrigueiros. Por certo, quen tocan son as Faíscas da Pontraga (xa o pon o bombo) Xeoparque Cabo Ortegal Cultura da Deputación da Coruña

30/08/2025

Esta edición da cadra coa celebración do Ano Castelao. Un persoeiro clave da política, a cultura e o pensamento de Galicia que tamén nos deixou un importante legado artístico de obras caracterizadas polo seu compromiso co país.

Por iso, durante a xornada imos renderlle tributo convidando a debuxantes e pintoras como Ana Moreiras, Blanca Escrigas, Manolo Carballeira, Carlos García, Juanlu Nacha, Leandro Lamas e Xaquín Marín. Os cadros que fagan sortearanse ao mediodía e á tardiña. Así que, xa sabes, ven á feira, fai compra e entregaranche un boleto para participar na rifa.

Xeoparque Cabo Ortegal Cultura da Deputación da Coruña

30/08/2025

Bo día. A XVI Feira Rural de San Sadurniño empeza a coller vida. Os postos xa están case todos montados e cheíños de produto alimentario, artesanía e outras cousas que agardan por vós. Estamos no arboreto da Cortiña, á beira do Xubia, até pasadas as oito do serán, nunha xornada cargadiña tamén de actividades. Xeoparque Cabo Ortegal Cultura da Deputación da Coruña

29/08/2025

🍎Mmmmmmm😋seguro que está delicioso!!! E ademais é produto de aquí, elaborado co leite das vacas que se crían en Santa Mariña e con mazás de Naraío.

🍦Ah, importante: só poderedes probalo durante a XVI Feira Rural deste sábado.

Este sábado 30 de agosto temos feira en San Sadurniño. As previsións do tempo anuncian que non vai facer día de praia e que mesmo pode chuviscar algo -pouca cousa e puntual-, pero tamén vaticinan que imos ter temperaturas próximas aos 25 graos. Condicións ideais, polo tanto, para vir dar unha...

29/08/2025

Hoxe seguimos falando de eficiencia enerxética, desta vez coa licitación do contrato para completar o paso a led da iluminación do campo da piscina e a instalación dunha caldeira de pellets para a auga quente sanitaria.

O proxecto está orzamentado en algo máis de 104.000 euros e conta cunha achega de 60.000 do fondo adicional ao Fondo de Cooperación Local.

As empresas teñen ata o día 16 de setembro para rexistrar as súas ofertas.

A plataforma municipal de contratación acaba de abrir o prazo de recepción de ofertas para levar a cabo o contrato de mellora da eficiencia enerxética dos vestiarios e do campo de fútbol municipal dos Currás. O proxecto inclúe a substitución da antiga instalación eléctrica de auga quente sa...

28/08/2025

28/08/2025

Cambiaranse uns 700 farois por todo o territorio. Prevese un aforro na factura da luz de 46.000 euros anuais. Ademais tamén se instalará un sistema de telexestióm que permita variar intensidades, acender e apagar tramos concretos e mesmo detectar puntos avariados sen necesidade de que mandemos aviso.

O Instituto para a Diversificación e o Aforro da Enerxía (IDAE) comunicoulle recentemente ao Concello de San Sadurniño a concesión dunha axuda en forma de crédito para financiar o cambio a led das principais liñas de iluminación pública que aínda están pendentes de dar o salto a esta tecno...

27/08/2025

Foi unha xornada fantástica e moi enriquecedora... tanto para a rapazada como para as persoas usuarias do centro.

As nenas e nenos da Aldea de Verán visitaron esta mañá o Centro de Día de San Sadurniño para coñecer as instalacións e compartir tempo de lecer coas persoas usuarias. A actividade, marcada pola diversión e a complicidade entre xeracións, incluíu contos, xogos, puzzles e mesmo unha busca do...

27/08/2025

Esta formación, centrada na diversificación e comercialización dos produtos da colmea, desenvolverase os días 12, 13 e 14 de setembro na Casa da Xuventude en horario de 09:00 a 14:00h.

O curso é gratuíto e para participar é necesario solicitalo a través da plataforma en liña da Consellaría do Medio Rural (tedes a ligazón na noticia).

Casadomel Goente As Pontes Xeoparque Cabo Ortegal

Aló polo mes de maio, a área de Desenvolvemento local publicou a información sobre o curso de iniciación á apicultura que desde hai uns anos organizan conxuntamente o Concello e a Casa do Mel. Unha formación que este ano se encadrou nos cursos da Consellaría do Medio Rural e que, ademais, se ...

27/08/2025

👩‍🔧 Desde onte á tarde estivemos traballando para solventar unha fuga do abastecemento de auga detectada á entrada do Casal, xusto na beira da AC-862.

Trátase dun tramo moi problemático no que xa se levan producido varias roturas que nalgúns casos (coma este) foron certamente difíciles de atopar xa que a auga non se filtrou á superficie.

🚧 A obra obrigou a interromper a subministración en dúas vivendas da zona. Gracias aos investimentos dos últimos anos, a rede conta con conducións interconectadas e chaves para sectorizar o abastecemento, de modo que agora é posible facer estes traballos sen ter que cortarlle a auga a todas as casas da outra banda do Xubia. De feito, Cornide abasteceuse nas últimas horas desde o colector que vai da Agra a Vilafiúnce e desde o que discorre paralelo ao arboreto da Cortiña.

🚿 Aínda que o servizo xa está restablecido, non podemos seguir nesta situación, con roturas e reparacións puntuais a cada pouco que supoñen unha molestia para as persoas usuarias e un gasto elevado de tempo e cartos para o Concello, sen contar con que a xestión eficiente dun ben tan prezado como a auga é un dos compromisos de sostenibilidade que guían a acción municipal.

🚰 Por iso, para solucionar o problema dunha vez por todas, o Goberno local vai encargar a redacción dunha memoria valorada e buscar cofinanciamento doutras Administracións para cambiar as conducións entre o Casal e Cornide.

Xeoparque Cabo Ortegal