Luzes

Contra a crise dos medios, máis xornalismo. Dirixen: Manuel Rivas e Xosé Manuel Pereiro. Luzes é unha revista dirixida por Manuel Rivas e Xosé Manuel Pereiro.

Mensual e en lingua galega, con 100 páxinas e un suplemento cultural no interior, República, botou a andar no outono de 2013 cunha coidada edición en papel e proximamente estreará outra para tablets e outros dispositivos móbiles de lectura. Conta tamén coa súa versión dixital en revistaluzes.com

Atendemos en [email protected]

24/05/2026

🎙️📰 Hai luz ao final do xornalismo

Begoña Caamaño coidou con agarimo a información, defendeu a profesión dende o colectivo e exerceuna dende a perspectiva das mulleres. O legado continúa na actualidade. Falamos con varias xornalistas novas para coñecer a súa visión sobre o xornalismo de hoxe e de mañá.

✍🏼 Agustina Miranda

📍 A reportaxe completa na , o número especial polas . Pódelo conseguir na tenda en liña (tenda.luzes.gal/tenda/luzes-151) ou subscribirte para ler todiño na web! Faite da tribo!

23/05/2026

💬 Entrevista a Henrique Monteagudo, presidente da Real Academia Galega

Tomou posesión do cargo en abril do ano pasado, así que Begoña Caamaño é a primeira protagonista das Letras elixida baixo o seu mandato. Traza unha liña entre ela, Xela Arias e Luísa Villalta que non é só feminina, senón tamén próxima ás xeracións que toca activar para que deixen de fuxir do galego. O sociolingüista non aforra adxectivos: di que a situación é «atroz» e que reverter medidas que «soan a franquismo», como a prohibición de impartir aulas en galego, non será dabondo sen un maior pulo institucional.

✍🏼 Luís Pardo
📷 Rocío Cibes

📍 Le a entrevista completa na , un número especial polas . Mércao na nosa tenda en liña (🔗 tenda.luzes.gal/tenda/luzes-151) ou suscríbete para tela na web!

20/05/2026

✍🏼 Uxía e as súas 'Nove ondas a Begoña': palabras de amizade que navegan na

«Na bruma dos 80 en Vigo coñecín o sorriso de Begoña Caamaño. Aquela presenza de enerxía contaxiosa entrou na miña vida como unha onda, sempre en movemento, coa palabra xusta e unha paixón desbordante. Era unha muller intelixentísima, brillante, divertida, cunha sagacidade propia dunha grande xornalista (...) »

📍Podes ler o texto completo no noso número especial sobre as . Xa dispoñible de novo na tenda en liña (🔗 tenda.luzes.gal/tenda/luzes-151) e sempre na web para subscritoras!

📷 [1] Collage de a partir dunha foto do arquivo familiar; e [2] Begoña na lectura do manifesto ao rematar a manifestación contra a guerra do Golfo, no 1991 (foto cedida pola familia).

09/05/2026

Begoña Caamaño é o exemplo de que xornalismo e literatura xogan desde o principio dos tempos un papel fundamental na comunicación e na transmisión de saberes. Ata que punto coexisten realidade e ficción? As voces das escritoras (e xornalistas) Ana Romaní, Marga Tojo e Eva Mejuto aparecen nesta reportaxe para entender as alianzas e friccións que provoca a escrita.

✍🏼 Lucía Junquera
📷 Arquivo familiar e Diario Cultural.

📍Podes ler a reportaxe completa na , un número especial polas . Xa dispoñible na web para subscritoras e á venda na nosa tenda en liña (🔗tenda.luzes.gal/tenda/luzes-151)

28/04/2026

✨ Nova - Especial LETRAS GALEGAS 2026 ✨ Este número dedicado a Begoña Caamaño xa vai camiño das vosas casas impregnado de xornalismo, literatura, activismo... Para ler devagar👇🏼

🫂 Palabras de amizade | ✍🏼 Uxía, Ana Romaní, Beatriz Maceda e Paula Carballeira

🎒 De Esmelle ás aulas: o rastro rebelde de Begoña | ✍🏼 Yolanda Virseda

🌊 Travesías de mar e vento | ✍🏼 María Reimóndez

🎙️ Begoña Caamaño, escritora: «Eu son xornalista» | ✍🏼 Lucía Junquera

📰 Hai luz ao final do xornalismo | ✍🏼 Agustina Miranda con Alejandra Ceballos, Uxía Iglesias, Belén Teiga e Cinthia Piñeiro

📖 Tres fillas de Circe | ✍🏼 Lois Pérez con Alba Cid, Tamara Andrés e Alba Guzmán

💬 Entrevista a Henrique Monteagudo | ✍🏼 Luís Pardo 📷 Rocío Cibes

📍 Isto e máis na , xa dispoñible en revistaluzes.com e á venda na nosa tenda en liña (tenda.luzes.gal/tenda/luzes-151🔗)

[imaxe da capa: Arquivo de Begoña Caamaño]

19/04/2026

💬 Entrevista a Bahia Mahmud Awah

Nado no seo dunha familia nómade, tiña 15 anos cando España abandonou á súa sorte a súa patria, o Sáhara Occidental, e viuse obrigado a exiliarse nun campo de refuxiados en Arxelia. Bahia Mahmud Awah (Auserd, Sáhara Occidental, 1960) reivindica que a súa condición de desterrado foi o que o converteu, ao desembarcar hai 25 anos en España, en escritor, antropólogo e investigador da cultura e historia saharauís. «O meu son as letras», afirma. E poñelas ao servizo da loita pola liberdade e independencia do seu pobo. Profesor na Universidade Autónoma de Madrid, presenta a súa tese doutoral sobre a vida e obra dun gran erudito e poeta saharauí, o seu tío avó Bahia Uld Awah. Un traballo clave no seu empeño por combater a invisibilización á que o colonizador español, primeiro, e agora o ocupante marroquí, relegan a cultura e a historia do pobo saharauí.

✍🏼 Paola Obelleiro
📷 María Simón

📍Podes ler a reportaxe completa na , dispoñible na web para subscritoras e á venda na nosa tenda en liña (🔗 tenda.luzes.gal/tenda/luzes-150)

14/04/2026

🌒 Perseguidores de eclipses: facer 1008 quilómetros nun día na busca da escuridade

«Poucas veces, ou máis ben nunca, un pasa toda a vida cunha data e unha hora na cabeza. E Óscar Blanco leva uns 37 anos repetindo, de tanto en tanto, eses números na súa cabeza: as 20:28 horas do 12 de agosto de 2026. O momento no que a súa cidade tornará escura por uns minutos por primeira e última vez neste século. [...] As cousas da vida. 20 anos perseguindo eclipses danche para ser o segundo maior perseguidor de eclipses da provincia da Coruña».

✍🏼 Fernando Mahía
📷 Óscar Blanco

📍Podes ler a reportaxe completa na , dispoñible na web para subscritoras e á venda na nosa tenda en liña (🔗 tenda.luzes.gal/tenda/luzes-150)

29/03/2026

🥳 NOVA LUZES! E xa van 150 🥳 Celebramos este feliz acontecemento cun número no que falamos doutro feito excepcional... A eclipse que nos agarda en agosto 👇🏼

🌒 O «cris» da nosa vida | ✍🏼 Martin Pawley

🌔 Perseguidores de eclipses | ✍🏼 Fernando Mahía

🌙🇻🇪 Venezuela e as sete fases dunha eclipse | ✍🏼 Estíbaliz Espinossa

E ademais diso...

🐷 A matanza do porco. Startup familiar: división porcina | ✍🏼 Antía Yáñez 📷 Brais Lorenzo

💬 Jonathan Dunne, o galego que veu de Britania | ✍🏼 Lois Pérez

🎤 Pucho Boedo, XL anos de lenda | ✍🏼 Xurxo Souto

🇪🇭 O escritor Bahia Mahmud Awah: «Non sei se existe Deus, pero véxoo moi deshumanizado» | ✍🏼 Paola Obelleiro

📍 Todo isto e máis na ! XA DISPOÑIBLE NA WEB E NA TENDA EN LIÑA! (🔗tenda.luzes.gal/tenda/luzes-150). 📬 Axiña tamén en librarías, quioscos e nas vosas casas!

💫 Subscríbete para sumar xuntas outros 150! 💫 🔗https://luzes.gal/subscricion

[*Imaxe da capa: María Luaces sobre unha foto de VicVaz]

26/03/2026

🇪🇭 Mulleres resilientes como as dunas do deserto

Fatimetu Slama tiña só trece anos cando se viu na obriga de deixar a casa e fuxir cara un futuro incerto. En novembro de 1975, o exército marroquí entraba a sangue e lume polo norte do Sáhara Occidental, ao tempo que Mauritania entraba polo sur e España daba orde de evacuación ao seu exército no que se coñeceu como Operación Golondrina. O Sáhara Occidental, recoñecido ata aquel momento como a provincia española número 53 e despois dun período de cen anos de colonización, foi traizoado por unha ditadura ferida de morte.

O 14 de novembro de 1975, España, Marrocos e Mauritania asinaban os acordos tripartitos en Madrid, a costas da ONU e baixo o beneplácito dos Estados Unidos. A través destes acordos, España entregaba un territorio que non lle pertencía a uns países que ansiaban fortalecer a súa posición no Magreb.

✍🏼 e 📸 Tamara Novoa

📍Podes ler a reportaxe completa na , dispoñible na web para subscritoras e á venda na nosa tenda en liña (🔗tenda.luzes.gal/tenda/luzes-149)

20/03/2026

💬 Cunha visión singular de Galicia e do traballo artesán do deseñador, Pepe Barro (Pontedeume, 1955) é un dos nomes máis salientables da cultura visual do noso país. Desde os seus traballos iniciáticos na empresa de tecidos familiar, pasando por símbolos de Galicia como a camisola da selección galega ata a identidade visual de marcas como Turgalicia ou o Consello da Cultura Galega. A exposición «O arquivo de Barro» recolle máis de cincuenta anos do seu traballo. A mostra, na Fundación Didac en Santiago de Compostela, estará aberta ata o vindeiro 24 de abril.

✍🏼 📸 Lucía Junquera

📍 Podes ler a peza completa na , dispoñible na web para subscritoras e á venda na nosa tenda en liña (🔗tenda.luzes.gal/tenda/luzes-149)

Dirección

Santa Luisa De Marillac 9 Baixo C
A Coruña
15002

Página web

http://luzes.gal/, https://revistaluzes.com/

Notificaciones

Sé el primero en enterarse y déjanos enviarle un correo electrónico cuando Luzes publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.