Baía Edicións

Baía Edicións Baía Edicións desenvolve 26 coleccións dirixidas ao público Infantil e Xuvenil, así como libros Peteiro, Guías de Iniciación, O meu pequeno animalario...)

Baía Edicións desenvolve 26 coleccións dirixidas ao público infantil e xuvenil, que se concretaron nos máis de 170 títulos do actual catálogo infantil da editorial, algúns deles merecedores de premios. Nos proxectos dirixidos a esta franxa de idade, tenta sempre combinar o carácter didáctico das coleccións (Contos da igualdade, A aventura de vivir, Primeiros coñecementos de ciencia, Emocións, Preg

unta á Dra. con outros con predominio lúdico-literario (Meiga Moira, Xiz de cor, Rodribico, Mar de letras, Grandes clásicos adaptados, Fabulando, A nosa historia de Pepe Carreiro, Barriga Verde infantil...), todos eles cun importante contido visual. No ano 2004 pon en marcha o Premio Meiga Moira de Literatura Infantil e Xuvenil, alcanzando en 2016 a súa sétima edición, que se ten convertido un auténtico foro para autoras e autores novos que, en galego, dirixen as súas obras de creación a este sector tan importante da nosa poboación e do que depende, en boa medida, a supervivencia e futuro do galego como idioma de uso oral e escrito. Desde os inicios aposta pola divulgación do medio natural, pois entende que o seu coñecemento é unha forma de contribuír á súa conservación e de promover un estilo de vida en harmonía coa natureza. Aposta que se concreta na colección Baía Verde, integrada por máis de 20 títulos ilustrados entre guías da natureza, guías prácticas e unidades didácticas, premiada, entre outros, en 2013 no seu conxunto co Mellor proxecto editorial concedido pola Federación de Librerías de Galicia. En 2007 a Guía dos mamíferos de Galicia logrou o Premio “Isaac Díaz Pardo “ ao Mellor Libro Ilustrado concedido pola Asociación Galega de Editoras. Nas nosas guías xúntanse rigor científico e valor divulgativo e sitúan a Baía Edicións e a literatura naturalista galega ao máis alto nivel e ao seu ilustrador, Calros Silvar, nos cinco mellores debuxantes naturalistas do mundo. Promove unha colección de Gastronomía, iniciada coa obra de Nieves Feros Cociña caseira galega e que na actualidade conta con 9 títulos, algún deles premiados pola prestixiosa asociación internacional Gourmand World Cookbook Awards. Desde os nosos inicios, tivemos clara a necesidade de impulsar o ensino en galego e desde Galiza, por ese motivo, ao longo dos anos e adaptados aos diferentes proxectos curriculares, ofertamos Libros de Texto feitos en galego e pensados desde Galiza por profesionais que coñecen a nosa realidade social e educativa e que, co tempo, fomos actualizando ás novas tecnoloxías, coa creación de libros educativos electrónicos e a plataforma Aula Virtual de Baía, coa que se dota dunha ferramenta áxil e permanentemente actualizada ás/aos ensinantes para facilitar o seu traballo pedagóxico e didáctico diario. Asemade, promoveu o selo editorial Ártabro Editora para a publicación en español e participou na creación da distribuidora Consorcio Editorial Galego, da que se foi convertendo na única accionista, e que, na actualidade, conta na súa carteira de distribución co 80 % das empresas editoriais galegas. Iniciou a internacionalización da empresa e promove a venda de dereitos a outras linguas, que se concretou na publicación por outras empresas de diversas obras en portugués, euskera, catalán, castelán e francés.

Felices de anunciar unha novidade que chegará aos nosos almacéns en breve!NAIS, de Charo Valcárcel. Un libro que engadim...
29/07/2025

Felices de anunciar unha novidade que chegará aos nosos almacéns en breve!
NAIS, de Charo Valcárcel. Un libro que engadimos á nosa colección de Baía Narrativa. 📚💜
Unha historia de mulleres, de nais que teñen que afrontar unha vida marcada polas perdas, pola dor, polo engano, pola violencia…

Preparando a  ! O próximo 4 de agosto ás 18:00h. presentamos MORTE EN KINGSTON ROAD de Carmen Alcañiz Lorenzo e ilustrac...
28/07/2025

Preparando a ! O próximo 4 de agosto ás 18:00h. presentamos MORTE EN KINGSTON ROAD de Carmen Alcañiz Lorenzo e ilustración da cuberta, Marco Tripiana González. 📚🤩
📆 Luns 4 de agosto ás 18:00 h. na Feira do Libro da Coruña.
Un libro que engadimos á nosa colección de Baía Narrativa!
https://baiaedicions.gal/narrativa/600-morte-en-kingston-road.html

Sabemos o que facemos cando arrincamos, cortamos ou prendemos lume a unha planta?📚🌱🌿🪴🍃Científicos recentes poñen patas a...
11/07/2025

Sabemos o que facemos cando arrincamos, cortamos ou prendemos lume a unha planta?📚🌱🌿🪴🍃
Científicos recentes poñen patas arriba a nosa percepción tradicional das plantas e das árbores.
Sabiades que se interesan polo mundo que as rodea e reaccionan ante el ou que poden comunicarse?
Se estades intrigadxs e queredes saber máis este é o voso libro!
'A LINGUAXE DAS PLANTAS. Os seres máis fascinantes do planeta', obra traducida por María Reimóndez. 😊
https://baiaedicions.gal/infantil-xuvenil/567-a-linguaxe-das-plantas-os-seres-mais-fascinantes-do-planeta.html

Coñece un pouco máis sobre as nosas árbores! Explora coa cativada o seu contido e información! Aquí vos deixamos a nosa ...
09/07/2025

Coñece un pouco máis sobre as nosas árbores! Explora coa cativada o seu contido e información! Aquí vos deixamos a nosa recomendación. A ÁRBORE. 📚🌳💚
Magnífica adaptación de María Reimóndez. 🤩
https://baiaedicions.gal/quen-vive-ai/599-a-arbore.html

Xa está traballando a ilustradora na obra premiada do V Premio Fina Casalderrey de Literatura Infantil pola Igualdade, O...
04/07/2025

Xa está traballando a ilustradora na obra premiada do V Premio Fina Casalderrey de Literatura Infantil pola Igualdade, O SEGREDO DAS CÍES. En breve, máis noticias sobre a mesma! 📚💜
Volvemos a darlle os parabéns á premiada, Ana Rebeca Fernández González!🥳🥇
Coa colaboración da Política Lingüística da Xunta de Galicia.

Unha nova incorporación ao espazo literario en Nós Televisión 🌊  ! Aquí vos deixamos a entrevista a Carmen Alcañiz Loren...
03/07/2025

Unha nova incorporación ao espazo literario en Nós Televisión 🌊 ! Aquí vos deixamos a entrevista a Carmen Alcañiz Lorenzo analizando a obra MORTE EN KINGSTON ROAD.📚💜
Ilustración da cuberta: Marco Tripiana González
O detective Mike Solano está a piques de deixar o seu posto na comisaría mais está convencido de que o que se considerou no seu día como un suicidio non foi tal e, para tratar de probalo, decide contactar con Susan Clark, a irmá pequena da vítima, e solicitar a súa axuda para reabrir o caso.📚😎

https://nostelevision.gal/morte-en-kingston-road/
🌊

📣Xa está con nós! A obra gañadora da XVI edición do premio Barriga Verde (2024) de textos para teatro de monicreques (mo...
01/07/2025

📣Xa está con nós! A obra gañadora da XVI edición do premio Barriga Verde (2024) de textos para teatro de monicreques (modalidade adultos), O FARO, de Carlos Labraña. Co-edición con Axencia Galega das Industrias Culturais. 📚🎭
Ilustración: Lorena Añón.
Indica o xurado que 'O Faro' resulta unha peza teatral profundamente evocadora, unha mostra da potencialidade da linguaxe dos monicreques para tratar temáticas duras e de alcance universal. Cunha linguaxe escénica expresiva e minimalista, a obra realiza unha reflexión atemporal sobre o papel dos individuos fronte a eventos que definen a súa existencia.
https://baiaedicions.gal/barriga-verde/604-o-faro.html

Adiantámonos á celebración de mañá do   coas obras:📚🎸🤘🎼- FERREÑAS E ROCK & ROLL, de Laura Romero e Iria Pedreira Sanjurj...
20/06/2025

Adiantámonos á celebración de mañá do coas obras:📚🎸🤘🎼
- FERREÑAS E ROCK & ROLL, de Laura Romero e Iria Pedreira Sanjurjo.
- MADEIRA E METAL, de Laura Rey Pasandín e Laura Romero.
- ANA E A LÚA LUEIRA, de Toño Núñez e .
#
https://baiaedicions.gal/

📣 A próxima semana presentamos COMO SE FORMOU ESTA PAISAXE? en Ourense.📆 Mércores 25 de xuño ás 19:30 h. no Centro Cultu...
19/06/2025

📣 A próxima semana presentamos COMO SE FORMOU ESTA PAISAXE? en Ourense.
📆 Mércores 25 de xuño ás 19:30 h. no Centro Cultural Marcos Valcárcel, sede provisional do Ateneo de Ourense.
Participan Eduardo González Clavijo (autor), Víctor Javier Pérez Baltar (Ateneo de Ourense) e Belén López (editora). 📚💚⛰
https://baiaedicions.gal/ensaio/602-como-se-formou-esta-paisaxe.html
Belén Lópezz Vázquez

Xa temos a capa da obra gañadora da XVI edición do premio Barriga Verde (2024) de textos para teatro de monicreques (mod...
18/06/2025

Xa temos a capa da obra gañadora da XVI edición do premio Barriga Verde (2024) de textos para teatro de monicreques (modalidade infantil), MANCHEA, de Andrea Freire. Co-edición con Axencia Galega das Industrias Culturais. 📚🎭
Ilustración: Lola Villa Pérez.
O xurado decide propoñer 'Manchea' como gañadora do Premio Barriga Verde pola capacidade do texto de xogar a desmontar os tópicos sexistas dos contos tradicionais, aproveitando o universo xa coñecido dos contos de fadas para darlle a volta e reformular os papeis tradicionais a través da crítica social, buscando provocar a reflexión a través do humor, a ironía e a empatía. Unha proposta estética e de montaxe orixinal e enxeñosa, ben detallada e inclusiva, que tamén pon en valor o labor dos monicrequeiros e monicrequeiras.

Comezamos este martes con varios remedios, REMEDIOS DA NOSA HORTA MEDICINAL, de   Erva Meira.Maria Frá preséntanos por v...
17/06/2025

Comezamos este martes con varios remedios, REMEDIOS DA NOSA HORTA MEDICINAL, de Erva Meira.
Maria Frá preséntanos por volta de 40 plantas comúns nas hortas galegas que son remedios, convidándonos a transformar as nosas hortas, xardíns e balcóns nunha botica viva. 📚🌱🌿☘️🍃🎋
https://baiaedicions.gal/natureza/519-remedios-da-nosa-horta-medicinal.html

Xa temos a capa da obra gañadora da XVI edición do premio Barriga Verde (2024) de textos para teatro de monicreques (mod...
16/06/2025

Xa temos a capa da obra gañadora da XVI edición do premio Barriga Verde (2024) de textos para teatro de monicreques (modalidade adultos), O FARO, de Carlos Labraña. Co-edición con Axencia Galega das Industrias Culturais. 📚🎭
Ilustración: Lorena Añón.
Indica o xurado que 'O Faro' resulta unha peza teatral profundamente evocadora, unha mostra da potencialidade da linguaxe dos monicreques para tratar temáticas duras e de alcance universal. Cunha linguaxe escénica expresiva e minimalista, a obra realiza unha reflexión atemporal sobre o papel dos individuos fronte a eventos que definen a súa existencia.

Dirección

Poligono Industrial Del Pocomaco
A Coruña
15190

Horario de Apertura

Lunes 08:00 - 15:00
Martes 08:00 - 15:00
Miércoles 08:00 - 15:00
Jueves 08:00 - 15:00
Viernes 08:00 - 15:00

Teléfono

+34981174296

Página web

https://baiaedicions.gal/editorial/, https://aulavirtual.baiaedicions.gal/

Notificaciones

Sé el primero en enterarse y déjanos enviarle un correo electrónico cuando Baía Edicións publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Baía Edicións:

Compartir

Categoría